ଅଣ୍ଡରୱାଲର୍ଡ ଡନ ଦାଉଦ ଇବ୍ରାହିମଙ୍କ ନାମ ଅନେକ ବଲିଉଡ ଅଭିନେତ୍ରୀଙ୍କ ସମ୍ପର୍କ ରହିଛି। ଏବେ ଦାଉଦଙ୍କ ନାମ ପାକିସ୍ତାନୀ ଅଭିନେତ୍ରୀ ମହଭୀଶ ହାୟାତ୍ଙ୍କ ସହ ଯୋଡା ଯାଉଛି। ମହଭୀଶଙ୍କୁ ୩୭ ବର୍ଷ, ସେ ଦାଉଦଙ୍କଠାରୁ ୨୭ ବର୍ଷ ସାନ। ଗତ ବର୍ଷ ମହଭୀଶ ହାୟାତ୍ଙ୍କୁ ପାକିସ୍ତାନର ନାଗରିକ ପୁରସ୍କାର ମଧ୍ୟରୁ ଅନ୍ୟତମ ତମଗା-ଇ-ଇମତିଆଜ ପ୍ରଦାନ କରାଯାଇଥିଲା। ମହଭୀଶଙ୍କ କ୍ୟାରିୟର ଆରମ୍ଭ ଏକ ଆଇଟମ ନମ୍ବରରୁ କରିଥିଲେ। ସେ ପାକିସ୍ତାନର ଶ୍ରେଷ୍ଠ ଗାୟକ ତାରକାମାନଙ୍କ ମଧ୍ୟରୁ ଜଣେ। ପାକିସ୍ତାନରେ ମହଭୀଶ ‘ଗ୍ୟାଙ୍ଗ୍ଷ୍ଟାର ଗୁଡିୟା’ ନାମରେ ମଧ୍ୟ ଜଣାଶୁଣା। ୨୦୦୯ରେ ସେ ‘ଇନ୍ସା ଆଲ୍ଲା’, ‘ଜୱାନି ଫିର ନାହି ଆନି, ୨୦୧୬ରେ ‘ଆକ୍ଟର ଇନ୍ ଲ’, ୨୦୧୬ ରେ ‘ଟିମ’, ୨୦୧୭ ରେ ’ପଞ୍ଜାବ ନେହି ଜାଉଁଙ୍ଗୀ’ ଏବଂ ୨୦୧୮ ରେ ‘ଜବାନୀ ଫିର ନାହି ଆନି-୨’ରେ ସେ ଅଭିନୟ କରିଥିଲେ। କୁହାଯାଏ ଦାଉଦ୍ ପାକିସ୍ତାନର ଚଳଚ୍ଚିତ୍ର ଜଗତକୁ ପାଣ୍ଠି ଯୋଗାଇ ଥାନ୍ତି। କରାଚି ଏବଂ ଲାହୋରର ଅନେକ ବଡ ନିର୍ମାତା ଏବଂ ନିର୍ଦ୍ଦେଶକଙ୍କ ସହ ତାଙ୍କର ସମ୍ପର୍କ ଅଛି। ସୋସିଆଲ ମିଡିଆରେ ଟ୍ରୋଲ କରାଯାଉଛି। ଟୁଇଟରରେ ଟ୍ରୋଲ କରାଯିବା ପରେ ମହଭୀଶ କହିଛନ୍ତି ଯେ ତାଙ୍କ ବିରୋଧରେ ଷଡଯନ୍ତ୍ର କରାଯାଉଛି।
