ଦୁବାଇ, ୩୦।୧୦: ଟି୨୦ ବିଶ୍ୱକପର ଶନିବାର ଅନୁଷ୍ଠିତ ମ୍ୟାଚରେ ଇଂଲଣ୍ଡ ୮ ଉଇକେଟରେ ଅଷ୍ଟ୍ରେଲିଆକୁ ପରାସ୍ତ କରିଛି। ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇ ଅଷ୍ଟ୍ରେଲିଆ ୧୨୫ ରନ୍ରେ ଅଲ୍ଆଉଟ ହୋଇଥିଲା। ଇଂଲଣ୍ଡ ୧୧.୪ ଓଭରରେ ୨ ଉଇକେଟ ହରାଇ ବିଜୟ ଲକ୍ଷ୍ୟ ହାସଲ କରି ନେଇଥିଲା। ଜୋଶ୍ ବଟଲର ୭୧(୩୨ ବଲ, ୫ ଚୌକା, ୫ ଛକା) ରନ୍ରେ ଅପରାଜିତ ରହି ଇଂଲଣ୍ଡ ବିଜୟକୁ ସହଜ କରିଦେଇଥିଲେ। ଗ୍ରୁପ-୧ରେ ଇଂଲଣ୍ଡ ୩ଟି ଯାକ ମ୍ୟାଚ ଜିତି ଶୀର୍ଷରେ ଅପରିବର୍ତ୍ତିତ ରହିଛି। ଅଷ୍ଟ୍ରେଲିଆ ୩ ମ୍ୟାଚରୁ ପ୍ରଥମ ପରାଜୟ ସହ ୩ୟ ସ୍ଥାନକୁ ଖସିଛି। ଦକ୍ଷିଣ ଆଫ୍ରିକା ଦ୍ୱିତୀୟ ସ୍ଥାନକୁ ଉନ୍ନୀତ ହୋଇଛି। ଅଷ୍ଟ୍ରେଲିଆ ଆରମ୍ଭରୁ ୨୧ ରନ୍ରେ ୪ ଉଇକେଟ ହରାଇ ବ୍ୟାକ୍ଫୁଟକୁ ଚାଲି ଯାଇଥିଲା। ଅଧିନାୟକ ଆରୋନ ଫିଞ୍ଚ୍ ସର୍ବାଧିକ ୪୪ ରନ୍ କରଥିଲେ। ଇଂଲଣ୍ଡ ପକ୍ଷରୁ କ୍ରିସ୍ ଜୋର୍ଡାନ ୧୭ ରନରେ ସର୍ବାଧିକ ୩ଟି, କ୍ରିସ୍ ଓ୍ବକ୍ସ ଓ ଟାଏମଲ ମିଲ୍ସ ୨ଟି ଲେଖାଏ ଏବଂ ଆଡିଲ ରଶିଦ ଓ ଲିଆମ ଲିଭିଂଷ୍ଟୋନ ଗୋଟିଏ ଲେଖାଏ ଉଇକେଟ ନେଇଥିଲେ।
