ବନ୍ଧୁତାର ଅନ୍ୟ ନାଁ ମକର

ସଙ୍ଗାତ, ମିତ, ସାଙ୍ଗ, ସହି ଏମିତି କିଏ କେତେ ପ୍ରକାରରେ ଡାକନ୍ତି ବନ୍ଧୁମାନଙ୍କୁ। ଆତ୍ମୀୟତା ଆଉ ଆପଣାପଣର ଏକ ଭିନ୍ନ ପରିଭାଷା ରହିଥାଏ ବନ୍ଧୁତାରେ। ଠିକ୍‌ ଏମିତି ଢଙ୍ଗରେ କିଛି ମହିଳା ପରସ୍ପରକୁ ଡାକନ୍ତି ମକର…

ପରକୁ ଆପଣା କରିବାର ଆଉ ନିବିଡ଼ ବନ୍ଧୁତାର ଇଏ ବି ଏକ ରୂପ। ଆଗରୁ ମକର ସଂକ୍ରାନ୍ତିରେ ମହିଳାମାନେ ଏମିତି ସ୍ବତନ୍ତ୍ର ଢଙ୍ଗରେ ମକର ବସୁଥିଲେ। ଆଧୁନିକ ସମୟରେ ଏବେ ଯଦିଓ ମକର ବସିବା ପରମ୍ପରା କମି ଆସିଲାଣି ତଥାପି ଗାଁ ଗହଳିରେ ଅନେକ ମହିଳା ମକର ସଂକ୍ରାନ୍ତିରେ ମକର ବସି ସମ୍ପର୍କର ମଧୁରତାକୁ ବଢେଇ ଚାଲିଛନ୍ତି।
ମକର ଚାଉଳ ସାକ୍ଷୀ:ମକର ସଂକ୍ରାନ୍ତି ଦିନ ମକର ଚାଉଳକୁ ପରସ୍ପରକୁ ଦେଇ ଝିଅ କି ବୋହୂମାନେ ମକର ବସନ୍ତି। ସମ୍ପର୍କକୁ ଆହୁରି ଅଧିକ ମଧୁର କରିବା ନିମନ୍ତେ ମହିଳାମାନେ ବିଶେଷକରି ଏମିତି ମକର ବସିବାର ପରମ୍ପରା ଦେଖିବାକୁ ମିଳିଥାଏ। ଅର୍ଥାତ୍‌ ସମ୍ପର୍କର ସାକ୍ଷୀ ହୋଇଥାଏ ମକର ଚାଉଳ। ଭଗବାନଙ୍କର ଏହି ପ୍ରସାଦକୁ ସାକ୍ଷୀ ରଖି ସବୁ ବର୍ଗର ମହିଳାମାନେ ମକର ବସନ୍ତି। ଏମିତି କି କେବଳ ସାଙ୍ଗମାନେ ନୁହନ୍ତି ଅନେକ ସମୟରେ ଅଧିକ ବୟସର ମହିଳା ଅର୍ଥାତ୍‌ ଜେଜେମା, ମାଉସୀମାନେ ମଧ୍ୟ ସେମାନଙ୍କ ନାତୁଣୀ କି ଝିଆରୀଙ୍କ ସହିତ ମକର ବି ବସିଥାନ୍ତି। ଅବଶ୍ୟ ଗାଁ ଗହଳିରେ ବେଳେବେଳେ ପୁଅମାନେ ବି ମଜାରେ ମକର ବସିଥାନ୍ତି।
ଆଧୁନିକତାରେ ଫିକା : ଆଧୁନିକ ସମୟରେ ଏବେ ଆଉ ମକର କେହି ବସୁନାହାନ୍ତି। କାହିଁକି ନା ଏହି ନାଁରେ ପରସ୍ପରକୁ ଡାକିବା ପୁରୁଣାକାଳିଆ ହୋଇଯାଇଛି। ତା’ଛଡ଼ା ବର୍ତ୍ତମାନ ସମୟରେ ଲୋକଙ୍କର ସମୟର ଏତେ ଅଭାବ ଯେ ସେମାନେ ବନ୍ଧୁବାନ୍ଧବଙ୍କ ପାଖରେ କିଛି ମୁହୂର୍ତ୍ତ ବି କଟାଇ ପାରୁନାହାନ୍ତି। ଏବେ ହୋଟେଲ, ପବ୍‌ କି ପାର୍କରେ ବନ୍ଧୁମାନେ ପରସ୍ପର ଏକାଠି ହୋଇ ସମୟ କଟାଉଛନ୍ତି, କିନ୍ତୁ ମକର ଚାଉଳ ଖାଇ ସେମାନେ ଆଉ ବନ୍ଧୁ ବାନ୍ଧି ପାରୁ ନାହାନ୍ତି। ହେଲେ ଗାଁ ଗହଳିରେ ଏବେ ବି ଏହି ପରମ୍ପରା ରହିଛି ଆଉ ଏବେ ବି ମକର ଚାଉଳ ଦେଇ ସାଙ୍ଗମାନେ ମକର ବସୁଛନ୍ତି।
ଭିନ୍ନ ଅନୁଭୂତି: ଏକାଠି ପଢିବା, ଏକାଠି ବୁଲିବା ଆଉ କଥାବାର୍ତ୍ତା ହେଲେ ପରସ୍ପର ମଧ୍ୟରେ ବନ୍ଧୁତାର ସମ୍ପର୍କ ଗଢ଼ି ଉଠିଥାଏ। କିନ୍ତୁ ବନ୍ଧୁମାନଙ୍କ ଭିତରେ ମକର ବସିବାର ଏକ ଭିନ୍ନ ଅନୁଭୂତି ରହିଥାଏ। ସାଙ୍ଗମାନଙ୍କ ଭିତରେ ଜଣେ କି ଦୁଇଜଣ ମକର ହୋଇଥାନ୍ତି। ତେଣୁ ସେମାନେ ନିଶ୍ଚିତଭାବେ ମକର ପାଖରେ ବନ୍ଧୁତାର ଭାବ ଟିକିଏ ଗାଢ଼ା ରହିଥାଏ। ସେଥିପାଇଁ ସାଙ୍ଗକୁ ନାଁ ଧରି ଡାକିବା ବଦଳରେ ମକର ଡାକିଲେ ଟିକିଏ ଅଲଗା ଲାଗିଥାଏ।

ଏମାନେ ଯାହା କୁହନ୍ତି
ଗାଁ ମନ୍ଦିରରେ ମକର ବସିଥିଲୁ: ଆମେ ଦିଜଣ ଛୋଟବୋଳରୁ ସାଙ୍ଗ। ଏକାଠି ପିଲାବେଳରୁ ପାଠ ପଢିଚୁ। ଆମ ଦୁଇ ସାଙ୍ଗଙ୍କର ଘର ପାଖ ହୋଇଥିବାରୁ ସକାଳୁ ଉଠିଲେ ସବୁ କାମ ଏକାଠି କରୁ। ଏମିତିକି ଅଧିକାଂଶ ସମୟ ଆମେ ଏକାଠି ଖିଆପିଆ ବି କରୁ। ଆମର ବନ୍ଧୁତା ଦେଖି ମୋ ଭାଉଜ ଆମକୁ ମକର ବସିବା ପାଇଁ କହିଥିଲେ। ଆମେ ହାଇସ୍କୁଲରେ ପଢିବା ବେଳରୁ ଥରେ ମକର ସଂକ୍ରାନ୍ତିରେ ଗାଁ ମନ୍ଦିର ଯାଇ ଭୋଗ କରି ପରସ୍ପରକୁ ମକର ଚାଉଳ ଖୁଆଇ ମକର ବସିଥିଲୁ। ସେଇଦିନରୁ ଆମ ବନ୍ଧୁତାର ନିବିଡତା ଆହୁରି ଅଧିକ ହୋଇ ଯାଇଥିଲା। ଏବେ ଆମ ଦୁଇଜଣଙ୍କର ବାହାଘର ହୋଇ ସାରିଲାଣି ସିନା ଏବେ ବି ଆମେ ପରସ୍ପରକୁ ଦେଖା କରୁଛୁ। ଏମିତିକି ଆମ ଶାଶୁ ଘର ସହିତ ମଧ୍ୟ ଦୁଇଜଣଙ୍କର ଭଲ ସମ୍ପର୍କ ରହିଛି। ଯେତେ ସମ୍ପର୍କ ହେଲେ ବନ୍ଧୁତାକୁ ଭୁଲିହୁଏନି।
-ସୀମା ପାଣି, ଚକେଇସିହାଣି, ଭୁବନେଶ୍ୱର
କାଳେ ଭୁଲିଯିବୁ ବୋଲି ମକର ବସିଥିଲୁ: ମୋ ମକର ସଙ୍ଗୀତା ଆଉ ମୋର ଘର ବ୍ରହ୍ମପୁରରେ, କିନ୍ତୁ ଆମେ ଦୁଇଜଣ ଭୁବନେଶ୍ୱରରେ କିଛି ଦିନ ପାଖାପାଖି ରହିବା ପରେ ଆମ ଦୁଇଜଣଙ୍କ ଭିତରେ ଘନିଷ୍ଠ ବନ୍ଧୁତା ହୋଇ ଯାଇଥିଲା। ଆମେ ଦୁଇଜଣ ଏକା ଭଳି ଦେଖାଯାଉ ବୋଲି ପ୍ରାୟ ସମସ୍ତେ କହନ୍ତି। ବାହାଘର ପରେ ଅଲଗା ହେବା ଆଗରୁ ଆମେ ମକର ବସିଥିଲୁ। କିନ୍ତୁ ବାହାଘର ପରେ ବି ଆମ ସମ୍ପର୍କ ଆଦୌ କମ୍‌ ହୋଇନି। ଏବେ ଆମେ ପାଖାପାଖି ରହୁଛୁ ଆଉ ଆମ ଦୁଇଜଣଙ୍କର ପିଲା ବି ଗୋଟିଏ ସ୍କୁଲରେ ପଢୁଛନ୍ତି। ତେଣୁ ଭଗବାନଙ୍କ ଦୟାରୁ ଆମ ବନ୍ଧୁତା ପୂର୍ବପରି ରହିଛି।
-ସଂଯୁକ୍ତା ଦାସ,
ଇରମ, ଭଦ୍ରକ
ଗୋଟିଏ କ୍ୟାମ୍ପସରେ ରହି ସମ୍ପର୍କ ନିବିଡ଼ ହୋଇଥିଲା: ମୁଁ ବିଳାସିନୀ ସାଙ୍ଗରେ ମକର ବସିବା ବେଳକୁ ଆମ ଦୁଇଜଣଙ୍କର ବିବାହ ହୋଇ ସାରିଥିଲା। ଆମ ଦୁଇଜଣଙ୍କର ସ୍ବାମୀ ଗୋଟିଏ ସ୍କୁଲରେ ଶିକ୍ଷକ ଥିଲେ। ସେଥଇପାଇଁ ଆମେ ସ୍କୁଲ କ୍ୟାମ୍ପସରେ ରହୁଥିଲୁ। ସେଇଠାରୁ ପରସ୍ପର ସହ ଦେଖା ପରେ ଘନିଷ୍ଟତା ବଢ଼ିଥିଲା ଆଉ ଆମେ ଥରେ ମକର ଚାଉଳ ଖୁଆଇ ମକର ବସିଥିଲୁ। ସେଇଦିନରୁ ଆଜିଯାଏ ଆମ ଦୁଇ ପରିବାର ମଧ୍ୟରେ ବନ୍ଧୁସମ୍ପର୍କ ଆରମ୍ଭ ହୋଇଥିଲା। ଆମର ପ୍ରତି ପର୍ବପର୍ବାଣୀ ଆଉ ଭୋଜିଭାତରେ ମକର ଆଉ ତା ପିଲାମାନେ ତ ନିଶ୍ଚୟ ଆସନ୍ତି।
-ସୁରଭୀବାଳା ମହାନ୍ତି,
ଧାମରା, ଭଦ୍ରକ


Enter your email to get our daily news in your inbox.

All Right Reserved By Dharitri.Com

ଜାତୀୟ ଟାଇକୋଣ୍ଡା ପ୍ରତିଯୋଗିତାରେ ବ୍ରହ୍ମପୁର ଝିଅ ସିଦ୍ଧିକୃଷ୍ଣାଙ୍କ କମାଲ, ହାସଲ କଲେ ୩ଟି ପଦକ

ଛତ୍ରପୁର, ୧୬।୧୧ (ଦିଲୀପ ସାମଲ): ଜାତୀୟ ସ୍ତରୀୟ ଟାଇକୋଣ୍ଡା ପ୍ରତିଯୋଗିତାରେ ନିଜର ଅସାଧାରଣ କ୍ରୀଡ଼ା ପ୍ରତିଭା ପ୍ରଦର୍ଶନ କରି ବ୍ରହ୍ମପୁର ସମେତ ସମଗ୍ର ଗଞ୍ଜାମ ଜିଲା ପାଇଁ…

ପୋଖରୀକୁ ଗାଧୋଇବାକୁ ଯାଇଥିଲେ ପଞ୍ଚୁ, ହଠାତ୍‌ ଖସିଗଲା ଗୋଡ଼: ଆଉ ତା’ପରେ…

ଭଞ୍ଜନଗର, ୧୭।୧୧ (ବାବୁଲା ପ୍ରଧାନ): ଗାଧୋଇବାକୁ ଯାଇ ପୋଖରୀରେ ବୁଡ଼ି ଜଣେ ୭୦ ବର୍ଷୀୟ ବୃଦ୍ଧଙ୍କ ମୃତ୍ୟୁ ଘଟିଛି। ଏଭଳି ଦୁଃଖଦ ଘଟଣା ଘଟିଛି ଗଞ୍ଜାମ ଜିଲା…

ଅର୍ଣ୍ଣବ ପରେ ଅକ୍ୱାନ ଭୟ, ଅଧା ପାଚିଲା ଧାନ କାଟି ନେଉଛନ୍ତି ଚାଷୀ

ଗଞ୍ଜାମ, ୧୭।୧୧(ବିଦ୍ୟାଧର ସାହୁ): ଅର୍ଣ୍ଣବ ବାତ୍ୟାର କ୍ଷୟକ୍ଷତି ଭରଣା ହୋଇନଥିବା ବେଳେ ପୁଣି ଏକ ସମ୍ଭାବ୍ୟ ବାତ୍ୟା ‘ଅକ୍ୱାନ’ ଚାଷୀଙ୍କ ଚିନ୍ତା ବଢ଼ାଇ ଦେଇଛି। ଏହି ବାତ୍ୟା…

IPL ୨୦୨୭ ପୂର୍ବରୁ ଆଉ ଏକ ବଡ଼ ଟ୍ରେଡ୍‌! SRH ଛାଡ଼ିଲେ ୨ ଥରର ପର୍ପଲ କ୍ୟାପ ବିଜେତା

ନୂଆଦିଲ୍ଲୀ,୧୭।୧୧: IPL ୨୦୨୭ର ରିଟେନ୍ସନ ତାଲିକା ପ୍ରକାଶ ପାଇବାର ଠିକ ପୂର୍ବରୁ ହର୍ଷଲ ପଟେଲ ଗୁଜରାଟ ଟାଇଟନ୍ସ ଦଳକୁ ଚାଲିଯାଇଛନ୍ତି। ଦୁଇ ଥର ପର୍ପଲ କ୍ୟାପ ବିଜେତା…

ଦେଶ ପାଇଁ ୧୪ କୋଟି ଟଙ୍କା ତ୍ୟାଗ କରିଦେଲେ ଟ୍ରାଭିସ ହେଡ୍‌! IPL ୨୦୨୭ରୁ ଓହରିଯାଇ ସମସ୍ତଙ୍କୁ କଲେ ଚକିତ

ନୂଆଦିଲ୍ଲୀ,୧୭।୧୧: IPL ୨୦୨୭ ପାଇଁ ରିଟେନ ଓ ରିଲିଜ ହୋଇଥିବା ଖେଳାଳିଙ୍କ ତାଲିକା ସାମ୍ନାକୁ ଆସିବା ପୂର୍ବରୁ ଟ୍ରାଭିସ ହେଡ୍‌କୁ ନେଇ ଏକ ବଡ଼ ଖବର ଆସିଛି।…

ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ, କହିଲେ ମା’ଙ୍କ ସମ୍ପତ୍ତିରେ ନାହିଁ ପୁଅଙ୍କ ଅଧିକାର!

ଚେନ୍ନାଇ,୧୭।୧୧: ଅନେକ ଲୋକଙ୍କର ଏପରି ଧାରଣା ଥାଏ ଯେ, ଆଇନଗତ ଉତ୍ତରାଧିକାରୀ ଭାବରେ ମାତାପିତାଙ୍କ ମୃତ୍ୟୁ ପରେ ସେମାନଙ୍କ ସନ୍ତାନମାନେ ସ୍ବତଃ ହିଁ ମାତାପିତାଙ୍କ ସମ୍ପତ୍ତି ଉପରେ…

ଡେବ୍ରିଗଡ଼ରେ ଠାବ ମହାବଳ ବାଘର ମଳିଲା ପରିଚୟ, ବୟସ ସ୍ପଷ୍ଟ କଲା ଏନଟିସିଏ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଓଡ଼ିଶାର ଡେବ୍ରିଗଡ଼ ଅଭୟାରଣ୍ୟରେ ଗତ ନଭେମ୍ବର ୯ ତାରିଖରେ ପ୍ରଥମ ଥର ପାଇଁ ଠାବ ହୋଇଥିବା ଅଣ୍ଡିରା ବାଘର ପରିଚୟ ଓ ବୟସ ଜାତୀୟ…

ମାଛ ଧରୁଥିଲେ ଧର୍ମପଦ: ଟାଣିନେଲା କୁମ୍ଭୀର, ଆଉ ତା’ପରେ ଯାହା ଘଟିଲା…

ମହାକାଳପଡ଼ା,୧୭।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲାରେ ପୁଣି କୁମ୍ଭୀର ଆତଙ୍କ। ନଦୀରେ ଡଙ୍ଗାରେ ଜାଲ ପକାଇ ମାଛ ଧରୁଥିବା ବେଳେ ଜଣେ ଯୁବ ମତ୍ସ୍ୟଜୀବୀଙ୍କୁ ଆକ୍ରମଣ କରିଛି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?