ମୁମ୍ବାଇ,୧୯।୫: ମହାରାଷ୍ଟ୍ରରେ କ୍ୟାବିନେଟ ସମ୍ପ୍ରସାରଣ ପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯାଇଛି। ଆସନ୍ତା ସପ୍ତାହରେ ଏକନାଥ ଶିନ୍ଦେ ସରକାର କ୍ୟାବିନେଟକୁ ସମ୍ପ୍ରସାରଣ କରି ଏହାକୁ କାର୍ଯ୍ୟକାରୀ କରିବେ। ଏଥିରେ ଶିନ୍ଦେ ଶିବିରର ୮ ଜଣ ନେତା ମନ୍ତ୍ରୀ ହୋଇପାାରନ୍ତି।
ମହାରାଷ୍ଟ୍ରରେ ୯ ଅଗଷ୍ଟ ୨୦୨୨ରେ ଏକନାଥ ଶିନ୍ଦେଙ୍କ କ୍ୟାବିନେଟ ସମ୍ପ୍ରସାରିତ ହୋଇଥିଲା। ୧୮ ଜଣ ବିଧାୟକ ଶପଥ ଗ୍ରହଣ କରିଥିଲେ। ଏଥିମଧ୍ୟରୁ ୯ ଜଣ ମନ୍ତ୍ରୀ ଭାଜପା ଏବଂ ୯ ଜଣ ମନ୍ତ୍ରୀ ଶିନ୍ଦେଙ୍କ ଦଳର ଥିଲେ।
ଜୁନ ୩୦ରେ ଏକନାଥ ଶିନ୍ଦେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ତାଙ୍କ ସହ ଭାଜପା ନେତା ଦେବେନ୍ଦ୍ର ଫଡ୍ନାବିସଙ୍କୁ ଉପମୁଖ୍ୟମନ୍ତ୍ରୀ କରାଯାଇଥିଲା।
