ଗଞ୍ଜାମ,୨୪।୬(ବିଦ୍ୟାଧର ସାହୁ ): ଗଞ୍ଜାମ ବ୍ଲକ ଅନ୍ତର୍ଗତ ମଲାଡ଼ ପଞ୍ଚାୟତ କୁଶପଲ୍ଲୀ ହରିଜନ ସାହିରେ ନିର୍ମାଣ ହେବ ମା ଠାକୁରାଣୀଙ୍କ ମନ୍ଦିର । ଏଥିପାଇଁ ବୁଧବାର ଛତ୍ରପୁର ଲୋକପ୍ରିୟ ବିଧାୟକ କୃଷ୍ଣ ଚନ୍ଦ୍ର ନାୟକ ଭୂମି ପୂଜା କରିଛନ୍ତି । ଭୂମି ପୂଜନ ବେଳେ ସମିତି ସଭ୍ୟା ପ୍ରତିନିଧି ଲିଙ୍ଗରାଜ ମହାପାତ୍ର, ମଣ୍ଡଳ ସଭାପତି ଟୁକୁନା ସାହୁ,ସରପଞ୍ଚ ପ୍ରତିନିଧି ସୁଦାମ ଚରଣ ବେହେରା, ନିରଞ୍ଜନ ନାହାକଙ୍କ ସମେତ ଗ୍ରାମ ଭଦ୍ର ବ୍ୟକ୍ତି ପ୍ରମୁଖ ଉପସ୍ଥିତ ଥିଲେ । ସାହିରେ ଠାକୁରାଣୀ ମନ୍ଦିର ନିର୍ମାଣ ପାଇଁ ବହୁ ଦିନରୁ ସ୍ବପ୍ନ ହରିଜନ ସାହି ବାସିନ୍ଦାଙ୍କ ପୂରଣ ହୋଇଛି । ଏଥିପାଇଁ ବିଧାୟକଙ୍କୁ ସାହିବାସୀ ପ୍ରଶଂସା କରିଛନ୍ତି ।
