ଦୁବାଇ,୨୭।୯: ସ୍ଥାନୀୟ ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ସୋମବାର ଖେଳାଯିବାକୁ ଥିବା ସନରାଇଜର୍ସ ହାଇଦ୍ରାବାଦ୍ ବିପକ୍ଷ ମ୍ୟାଚ୍ରେ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି ରାଜସ୍ଥାନ ରୟାଲ୍ସ ଦଳର ଅଧିନାୟକ ସଞ୍ଜୁ ସାମସନ। ଦଳର କମ୍ବିନେଶନକୁ ଦୃଷ୍ଟିରେ ରଖି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିବା ସେ କହିଛନ୍ତି। ଆହତ ସମସ୍ୟା କାରଣରୁ କାର୍ତ୍ତିକ ତ୍ୟାଗି ବାଦ୍ ପଡ଼ିଥିବା ବେଳେ କ୍ରିସ ମୋରିସ ଓ ଇଭିନ ଲୁଇସ ଦଳକୁ ଫେରିଛନ୍ତି। ଅନ୍ୟପକ୍ଷରେ ପୂର୍ବ ମ୍ୟାଚ୍ ଅପେକ୍ଷା ହାଇଦ୍ରାବାଦ୍ ତା’ର ଦଳରେ ୪ ପରିବର୍ତ୍ତନ କରିଛି। ଅଭିଜ୍ଞ ଓପନର ତଥା ପୂର୍ବତନ ଅଧିନାୟକ ଡେଭିଡ ଓ୍ବାର୍ନର, ମନୀଷ ପାଣ୍ଡେ, କେଦାର ଯାଦବ ଓ ମହମ୍ମଦ ଖଲିଲଙ୍କୁ ବାଦ୍ ଦିଆଯାଇଛି।
