ତୁମୁଡିବନ୍ଧ,୬।୫(ଦୀପକ କୁମାର ପରାସେଠ): କନ୍ଧମାଳ ଜିଲା ତୁମୁଡିବନ୍ଧ ଥାନା ଆନ୍ତର୍ଗତ ଲାବନ୍ୟନଗର ଗ୍ରାମରେ ଏକ ଚୋରା ଦେଶୀ ବନ୍ଧୁକ କାରଖାନା ଠାବ କରିବାରେ ସଫଳ ହେବା ସହ ଜଣକୁ ଗିରଫ କରିଛି ତୁମୁଡିବନ୍ଧ ପୋଲିସ l ତେବେ ଏହି ଦେଶୀ ଚୋରା ବନ୍ଧୁକ କେଉଁଠାରେ ତିଆରି ହେଉଥିଲା ଏବଂ କେବଳ ଶିକାରୀମାନଙ୍କ ପାଖରେ ପହଞ୍ଚୁଥିଲା ନା ଅନ୍ୟ କେଉଁ ଆଡେ ଯୋଗାଇ ଦିଆଯାଉଥିଲା। ତାହାର ଟେର ପାଇବା ପୋଲିସ ପାଇଁ ଏକ ପ୍ରକାର ଚାଲେଞ୍ଜ ପାଲଟିଥିଲା l ଗତ ଏପ୍ରିଲ ୨୯ ତାରିଖରେ ତୁମୁଡିବନ୍ଧ ବନ ଅଧିକାରୀଙ୍କ ଦାରା ସିର୍ଲା ପଞ୍ଚାୟତର ପିଡାମାହା ଠାରେ ୪ ଜଣ ଦେଶୀ ବନ୍ଧୁକ ଧରି ଶିକାର କରିବା ପାଇଁ ଉଦ୍ୟମବେଳେ ଗିରଫ କରାଯାଇଥିଲା ଏବଂ ଗତ ଶନିବାର ଦିନ ବେଲଘର ଥାନା ଅନ୍ତର୍ଗତ ସାପାରି ଗ୍ରାମର ତିନିଜଣ ଶିକାରୀ ଶିକାର କରିବାକୁ ଯାଇ ଶିକାରୀଙ୍କ ଗୁଳିରେ ଜଣେ ଶିକାରୀ ଶିକାର ହୋଇ ମୃତ୍ୟୁ ହୋଇଥିବାବେଳେ ଦୁଇ ଶିକାରୀ ଏବଂ ୩ ବନ୍ଧୁକ ଜବତ କରିଛି ବେଲଘର ପୋଲିସ l
ଖବର ପ୍ରସାରଣ ପରେ ସୋମବାର ପୋଲିସ ନିଜର ପାଟ୍ରୋଲିଂକୁ କଡାକଡି କରି ତୁମୁଡିବନ୍ଧ ଥାନା ଅନ୍ତର୍ଗତ ମୁଣ୍ଡିଗଡ଼ ପଞ୍ଚାୟତର ଲଦର ଗାଁ ନିକଟସ୍ଥ ଜଙ୍ଗଲରେ କିଛି ଚୋରା ଦେଶୀ ବନ୍ଧୁକ ଗଛତଳେ ପୋତାଯାଇଥିବା କୌଣସି ସୂତ୍ରରୁ ଖବର ପାଇଁ ମାଟି ତଳୁ ୭ଗୋଟି ଚୋରା ବନ୍ଧୁକ ଜବତ କରିଛି ତୁମୁଡିବନ୍ଧ ପୋଲିସ l ତେବେ ଗତ ମଙ୍ଗଳବାର ଦିନ ତୁମୁଡିବନ୍ଧ ପୋଲିସ ଥାନାଠାରୁ ମାତ୍ର ୩ କି.ମି ଦୂରରେ ଥିବା ଲବନ୍ୟ ନଗର ଗ୍ରାମର ଦୈତାରୀ ବିନ୍ଧାଣୀଙ୍କ ନିଜ ବାସଭବନରୁ ତିନୋଟି ଦେଶୀ ବନ୍ଧୁକ, ବନ୍ଧୁକ ପ୍ରସ୍ତୁତ ପାଇଁ ଦୁଇଗୋଟି କାଠ ଫ୍ରେମ, ଗୋଟିଏ ବ୍ଲର, ଦୁଇଟି ଚିମୁଟା, ଗୋଟିଏ ଡ୍ରିଲ ମେସିନ, ଦୁଇଟି ହାତୁଡି, ବିଦ୍ୟୁତ ଚଳିତ ଏକ ଲୁହା କଟର ଏହି ପରି ୨୧ ଗୋଟି ଦେଶୀ ବନ୍ଧୁକ ତିଆରି ଯନ୍ତ୍ର ସହ କିଛି ସାମଗ୍ରୀ ଜବତ କରିଛି ତୁମୁଡିବନ୍ଧ ପୋଲିସ l ଏହି ବାବଦରେ ତୁମୁଡିବନ୍ଧ ଥାନାରେ ୬୨/୨୦୨୬ ଏକ ମାମଲା ରୁଜୁକରି ଅଭିଯୁକ୍ତ ଦୈଆରୀ ବିନ୍ଧାଣିଙ୍କୁ କୋର୍ଟ ଚାଲାଣ କରାଯାଇଛି l ଏନେଇ ତୁମୁଡିବନ୍ଧ ଥାନା ଅଧିକାରୀ ଶୁଭ୍ରଜିତ ସାମନ୍ତରାୟ ସୂଚନା ଦେଇଛନ୍ତି l
Dharitri – Odisha’s No.1 Odia Daily
