ଲମ୍ବୁଛି ଚୋରା କୋଇଲା ଚେର

ଅନୁଗୋଳ ଅଫିସ, ୬ା୪ ଅନୁଗୋଳ ଜିଲାରେ ଲମ୍ବୁଛି ଚୋରା କୋଇଲା କାରବାର ଚେର। ବିଶେଷକରି ତାଳଚେର ଓ ଛେଣ୍ଡିପଦା ବ୍ଲକରେ ଥିବା ବିଭିନ୍ନ ଖଣିରୁ ଚୋରାରେ କୋଇଲା ଉତ୍ତୋଳନ କରାଯାଇ ଜିଲା ବାହାରକୁ ଚାଲାଣ କରାଯାଉଛି। ପୋଲିସ ଆଖିରୁ ଖସିବା ପାଇଁ ମାଫିଆମାନେ ଅତି ଚତୁରତାର ସହ ନକଲି ଚାଲାଣ କାଟି ବିଭିନ୍ନ ରାସ୍ତାରେ ଟ୍ରକ୍‌, ଟିପ୍ପର, ଟାଟା ଏସିଇରେ ଏହାକୁ ପରିବହନ କରୁଛନ୍ତି। କେତେବେଳେ କେମିତି ପୋଲିସ, ସ୍ପେଶାଲ ସ୍କ୍ବାଡ୍‌ କେତେଜଣଙ୍କୁ ଧରୁଥିବା ବେଳେ ବହୁ ମାଫିଆ ଖସିଯିବାରେ ସକ୍ଷମ ହେଉଛନ୍ତି।
ସୂଚନା ଅନୁଯାୟୀ, ଅନୁଗୋଳ ଜିଲାରୁ ଚୋରା କୋଇଲା ବୌଦ୍ଧ, ଦେବଗଡ଼, ସମ୍ବଲପୁର, କଟକ, ଢେଙ୍କାନାଳ, ସୁନ୍ଦରଗଡ଼ ଓ ଜଗତସିଂହପୁର ଆଦି ଜିଲାକୁ ଚାଲାଣ କରାଯାଉଛି। ତାଳଚେରରେ ଥିବା କେତୋଟି ଖଣିରୁ ଚୋରାରେ କୋଇଲା ନିଆଯାଉଥିବା ବେଳେ ଅନ୍ୟତମ ଶିଳ୍ପାଞ୍ଚଳ ଛେଣ୍ଡିପଦାରେ ହାତ ପାହାନ୍ତାରେ କୋଇଲା ମାଫିଆମାନଙ୍କୁ ମିଳିଯାଉଛି। ଲୋକଙ୍କ ବାଡ଼ି ଓ ଜମିରେ ବଡ଼ ବଡ଼ ଖାତ ଓ ସୁଡ଼ଙ୍ଗ କରାଯାଇ ଚୋରାରେ କୋଇଲା ବାହାର କରାଯାଉଛି। ଏସବୁକୁ ବିଭିନ୍ନ ଗାଡ଼ିରେ ଲଦି ନକଲି ଚାଲାଣ କଟାଯାଇ ଜିଲା ବାହାରକୁ ପଠାଯାଇଛି। ବଅଁରପାଳ ଅଞ୍ଚଳ ଦେଇ କିଛି ଚୋରା କୋଇଲା ଗାଡ଼ି ଢେଙ୍କାନାଳ, କଟକ ଓ ଜଗତସିଂହପୁର ଯାଉଛି। ତାଳଚେର ବହ୍ଲର ଛକରୁ ତିତିରି ଓ ପରଜଙ୍ଗ ଦେଇ ଯାଜପୁର, କେନ୍ଦୁଝରକୁ ଚାଲାଣ କରାଯାଉଛି। ସେହିପରି ରେଢ଼ାଖୋଲ କିଆକଟା ଦେଇ ବୌଦ୍ଧ ଯାଉଛି। ପାଲଲହଡ଼ା ଦେଇ କେତୋଟି ଚୋରା ଗାଡ଼ି ସୁନ୍ଦରଗଡ଼ ଜିଲାକୁ ଯାଉଛି। ଅତୀତରେ ଏସବୁ ରାସ୍ତାରୁ ଅନୁଗୋଳ ପୋଲିସ ଓ ସ୍ପେଶାଲ ସ୍କ୍ବାଡ୍‌ ଏକାଧିକ ଚୋରା କୋଇଲା ଗାଡ଼ି ଜବତ କରିଛି।
ଗତ ୪ ତାରିଖ ବିଳମ୍ବିତ ରାତିରେ କଲିୟାରୀ ଥାନା ସେଣ୍ଟ୍ରାଲ କଲୋନୀ ଅଞ୍ଚଳରୁ ଏକ ୧୦ ଚକିଆ ଚୋରା କୋଇଲା ବୋଝେଇ ଗାଡ଼ି ଜବତ ସହ ଜଣଙ୍କୁ ଗିରଫ କରାଯାଇଛି। ସେହିପରି ତାଳଚେର ବାଘୁଆକୋଲ ଅଞ୍ଚଳରୁ ଚୋରା କୋଇଲା ବୋଝେଇ ଏକ ୧୪ ଚିକିଆ ଟ୍ରକ୍‌କୁ ଜବତ କରାଯାଇଛି। ୩ ତାରିଖ ରାତିରେ ହଣ୍ଡପା ଥାନା ଅଞ୍ଚଳରୁ ଦୁଇଟି ଚୋରା କୋଇଲା ଗାଡ଼ିକୁ ଧରି ସ୍ପେଶାଲ ସ୍କ୍ବାଡ୍‌ ଅଧିକାରୀ ଏସ୍‌ଆଇ ଦୀନକୃଷ୍ଣ ମିଶ୍ର ଥାନାକୁ ହସ୍ତାନ୍ତର କରିଛନ୍ତି। ଏଥିରେ ୫ ଜଣଙ୍କୁ ଗିରଫ କରାଯାଇଛି। ସେହିପରି ମାର୍ଚ୍ଚ ୨୮ ତାରିଖ ଭୋର ସମୟରେ କଲିୟାରୀ ଥାନା ହାଣ୍ଡିଧୂଆ ଅଞ୍ଚଳରୁ ଏକ ୧୪ ଚକିଆ ଟ୍ରକ୍‌ ସହ ଏକ ପିକ୍‌ଅପ୍‌କୁ ସ୍ପେଶାଲ ସ୍କ୍ବାଡ୍‌ ଜବତ କରିଥିଲା। ଏହି ଘଟଣାରେ ୬ ଜଣ କୋଇଲା ମାଫିଆଙ୍କୁ ସ୍ପୋଶାଲ ସ୍କ୍ବାଡ୍‌ ଉଠାଇ ନେଇଥିଲା। ଜିଲା ବାହାର ବିଭିନ୍ନ ଇଟା ଫ୍ୟାକ୍ଟ୍ରି ଓ ଢାବାକୁ ଏସବୁ ଚୋରା କୋଇଲା ଚାଲାଣ କରାଯାଉଥିବା ପଚରାଉଚରା ବେଳେ ମାଫିଆମାନେ ପୋଲିସକୁ ସୂଚନା ଦେଇଛନ୍ତି। ନକଲି ଚାଲାଣ ପାଇଁ କୌଣସି ଏକ କମ୍ପାନୀର ଷ୍ଟାମ୍ପ ପ୍ୟାଡ୍‌ ବା ଲୋଗୋ ବ୍ୟବହାର କରି ଏମାନେ କୋଟି କୋଟି ଟଙ୍କାର ଲାଭ ଉଠାଉଥିବା ସୂଚନା ମିଳିଛି।

ଚଢ଼ାଉ ଜାରି ରହିଛି
ଅନୁଗୋଳ ଜିଲାରେ କିଭଳି କୋଇଲା ଚୋରା ଚାଲାଣ ସମ୍ପୂର୍ଣ୍ଣ ବନ୍ଦ ହେବ ସେ ଦିଗରେ କାର୍ଯ୍ୟ ଜାରି ରହିଛି। ନିୟମିତ ଚଢ଼ାଉ ଯୋଗୁ ଏହି କାରବାର ହ୍ରାସ ପାଇଛି। ଏପରି ବେଆଇନ କାର୍ଯ୍ୟ କରୁଥିବା ଲୋକଙ୍କୁ ଗିରଫ କରାଯିବା ସହ ଗାଡ଼ି ସିଜ୍‌ କରାଯାଉଛି। ଛେଣ୍ଡିପଦା ଅଞ୍ଚଳରେ ବେଆଇନ କୋଇଲା ଖାତ ଠାବ କରାଯାଇ ପୋତାଯାଉଛି।
-ଜଗମୋହନ ମୀନା, ଅନୁଗୋଳ ଏସ୍‌ପି
ଇଟାଭାଟିରେ ବ୍ୟବହାର ହେଉଛି
ଅନୁଗୋଳ ଜିଲାରୁ ଚୋରା କୋଇଲା ବିଭିନ୍ନ ସ୍ଥାନକୁ ପଠାଯାଉଛି। ବିଶେଷକରି ଇଟାଭାଟି ଗୁଡ଼ିକରେ ଏହାର ବ୍ୟବହାର ବଢ଼ୁଛି। ବଜାର ମୂଲ୍ୟ ଅପେକ୍ଷା ଚୋରା କୋଇଲା ଶସ୍ତାରେ ମିଳୁଥିବାରୁ ବେଆଇନ ଭାଟି ମାଲିକମାନେ ଏପରି କାରବାରକୁ ପ୍ରୋତ୍ସାହନ ଦେଉଛନ୍ତି। ସେମାନେ ଅଧିକ କୋଇଲା କିଣୁଥିବାରୁ କୋଇଲା ଚୋରି ବଢ଼ିବାରେ ଲାଗିଛି।
-ରଣଜିତ ପଟ୍ଟନାୟକ, ସାମାଜିକ କର୍ମୀ, ବଇଣ୍ଡା
ପ୍ରଶାସନ ଅଧିକ ତତ୍ପର ହେଉ
ପୂର୍ବରୁ ତାଳଚେର ଖଣି ଅଞ୍ଚଳରୁ ଅଧିକ ପରିମାଣର ଚୋରା କୋଇଲା ବାହାରକୁ ପଠାଯାଉଥିଲା। ପୋଲିସ ଓ ପ୍ରଶାସନ ଏହା ଉପରେ କଡ଼ା ନଜର ରଖିବା ପରେ ଏବେ ଛେଣ୍ଡିପଦା ଶିଳ୍ପାଞ୍ଚଳରୁ କୋଇଲା ଚୋରି ବଢ଼ୁଛି। ତେଣୁ ଏ ନେଇ ପ୍ରଶାସନ ଅଧିକ ତତ୍ପର ହେବା ସହ ଏହି ବେଆଇନ କାରବାର ରୋକିବା ଦରକାର।
-ସୀତାରାମ ସାହୁ, ସାମାଜିକ କର୍ମୀ
ବଳିଷ୍ଠ ପଦକ୍ଷେପ ନିଆଯାଉନି
ତାଳଚେରଠାରେ ଖଣି ବିଭାଗର ଉପନିର୍ଦ୍ଦେଶକ କାର୍ଯ୍ୟାଳୟ ରହିଛି। କିନ୍ତୁ କୋଇଲା ଚୋରି ରୋକିବା ପାଇଁ ସେପରି ବଳିଷ୍ଠ ପଦକ୍ଷେପ ନିଆଯାଉ ନାହିଁ। ଫଳରେ ଏହି ଜାତୀୟ ସମ୍ପତ୍ତି ଲୁଟ୍‌ ହେବାରେ ଲାଗିଛି। ଛେଣ୍ଡିପଦା ଅଞ୍ଚଳରୁ ଚୋରା କୋଇଲା ଖଣି ଓ ଚାଲାଣ ସମ୍ପୂର୍ଣ୍ଣ ବନ୍ଦ କରିବା ନିମନ୍ତେ ଜିଲା ପୋଲିସ ଓ ପ୍ରଶାସନ ପକ୍ଷରୁ ଅଧିକ ଦୃଷ୍ଟି ଦିଆଯାଉ।
-ନଗେନ ନନ୍ଦ, ବାର ଆସୋସିଏଶନ ସଭାପତି, ଛେଣ୍ଡିପଦା


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ଫେୟାର୍‌ନେସ୍‌ କ୍ରିମ୍‌ ବ୍ୟବହାରରୁ ନାବାଳିକାଙ୍କୁ କିଡନୀ ରୋଗ

ଥିରୁଭାନନ୍ତପୁରମ, ୨୨ା୧୧: ଅନ୍‌ଲାଇନରୁ କିଣାଯାଇଥିବା ପାରଦ ମିଶ୍ରିତ ଫେୟାରନେସ୍‌ କ୍ରିମ ବ୍ୟବହାର କରିବା ପରେ କେରଳର ଜଣେ ୧୭ ବର୍ଷୀୟା ନାବାଳିକାଙ୍କଠାରେ ଗୁରୁତର କିଡ୍‌ନୀ ସମସ୍ୟା ଦେଖାଦେଇଛି।…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ରାଜନୀତି ମଇଦାନରେ କ୍ରିକେଟର ୟୁଜବେନ୍ଦ୍ର ଚହଲ; ଭାଜପାରେ ହେଲେ ସାମିଲ, ମିଳିଲା ବଡ଼ ଦାୟିତ୍ୱ

ନୂଆଦିଲ୍ଲୀ,୨୨।୧୧: ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ତାଙ୍କର ରାଜନୈତିକ ଇନିଂସ ଆରମ୍ଭ କରିବାର ଘୋଷଣା କରିଛନ୍ତି। ସେ ଶନିବାର ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି। ତାଙ୍କୁ…

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?