ଖଣି ପାଇଁ ଗାଁ ଛାଡ଼ିଦେଲେ

ତାଳଚେର,୨୯ା୭ (ନି.ପ୍ର.)  କୋଇଲା ଖଣି ପାଇଁ ଜମି ଅଧିଗ୍ରହଣକୁ ନେଇ ଅନୁଗୋଳ ଜିଲା ତାଳଚେରଠାରେ ମହାନଦୀ କୋଲ୍‌ ଫିଲ୍‌ଡ୍‌ସ ଲିମିଟେଡ (ଏମ୍‌ସିଏଲ୍‌) ଓ କ୍ଷତିଗ୍ରସ୍ତ ଗ୍ରାମବାସୀଙ୍କ ମଧ୍ୟରେ ପ୍ରାୟତଃ ବିବାଦ ଦେଖାଦିଏ। ବିରୋଧ, ଆନ୍ଦୋଳନ ଯୋଗୁ ଦିନ ଦିନ ଧରି ଖଣି କାର୍ଯ୍ୟ ବାଧାପ୍ରାପ୍ତ ହୁଏ। ହେଲେ ଚଳିତମାସରେ ଏମ୍‌ସିଏଲ୍‌ ଇତିହାସରେ ଘଟିଛି ଏକ ନୂଆ ଘଟଣା। ବିନା ବିରୋଧରେ ଖଣି ପାଇଁ ଗାଁ ଛାଡ଼ି ଚାଲିଯାଇଛନ୍ତି ଭାଲୁଗାଡ଼ିଆ ଗ୍ରାମବାସୀ। ଏମ୍‌ସିଏଲ୍‌ର ଏକକାଳୀନ ବିସ୍ଥାପନ ପ୍ୟାକେଜ ଓ କମ୍ପାନୀ-ଗ୍ରାମବାସୀ-ପ୍ରଶାସନର ପାରସ୍ପରିକ ବିଶ୍ୱାସ, ସହଯୋଗ ଯୋଗୁ ଏହା ସମ୍ଭବ ହୋଇଥିବା ଜଣାପଡ଼ିଛି।
ସୂଚନା ଅନୁଯାୟୀ, ଏମ୍‌ସିଏଲ୍‌ର ହିଙ୍ଗୁଳାକ୍ଷେତ୍ର ପାଇଁ ଅଧିକ ଜମି ଆବଶ୍ୟକ ହେବାରୁ ତାଳଚେର ବ୍ଲକ ଭାଲୁଗାଡିଆ ଗ୍ରାମର ୨୯୦.୬୫ ଏକର ଅଧିଗ୍ରହଣ ନିମନ୍ତେ ୨୦୦୩ ମସିହାରେ ୪(୧) ଓ ୨୦୦୭ରେ ୯(୧) ନୋଟିଫିକେଶନ ହୋଇଥିଲା। ୨୦୧୦ ମସିହାକୁ କଟ୍‌ ଅଫ ଡେଟ୍‌ ଭାବେ ଗ୍ରହଣ କରାଯାଇଥିଲା। ଏହାପରେ ପର୍ଯ୍ୟାୟକ୍ରମେ ଗ୍ରାମର ୨୦୩ ଜଣ ଚାକିରି ନିମନ୍ତେ ଯୋଗ୍ୟ ବିବେଚିତ ହୋଇଥିଲେ। ସେମାନଙ୍କ ମଧ୍ୟରୁ ୧୯୨ ଜଣଙ୍କୁ ଚାକିରି ଓ ୬ଜଣଙ୍କୁ ଚାକିରି ବଦଳରେ କ୍ଷତିପୂରଣ ରାଶି ପ୍ରଦାନ କରାଯାଇଥିଲା। ୨୦୧୦ ମସିହା ପରେ ଚାଷଜମି ପାଇଁ ୨୫୪ କୋଟି ୭୯ ଲକ୍ଷ ୭୭ ହଜାର ଓ ଘରବାଡ଼ି ବାବଦରେ ୧୬ କୋଟି ୫୮ଲକ୍ଷ ୭୭ ହଜାର ୯୯୮ ଟଙ୍କା କ୍ଷତିପୂରଣ ପ୍ରଦାନ କରାଯାଇଥିଲା। ତେବେ ଏକକାଳୀନ ବିସ୍ଥାପନ ପ୍ୟାକେଜ ଓ ଅନୁମୋଦନ ରାଶି ଦିଆଗଲେ ଘର ଭାଙ୍ଗି ଅନ୍ୟତ୍ର ଚାଲିଯିବାକୁ ଗ୍ରାମବାସୀ ଦାବି କରିଥିଲେ। ସେହିପରି ଘରଦ୍ୱାର ଖାଲି କରି ଗ୍ରାମ ହସ୍ତାନ୍ତର ପରେ ଅର୍ଥ ପ୍ରଦାନ କରାଯିବ ବୋଲି ଏମ୍‌ସିଏଲ୍‌ ପକ୍ଷରୁ ପ୍ରତିଶ୍ରୁତି ଦିଆଯାଇଥିଲା। ଏହାକୁ ନେଇ ପ୍ରଶାସନ ଓ ଏମ୍‌ସିଏଲ୍‌ ଅଧିକାରୀଙ୍କ ସ୍ତରରେ ୩/୪ ଥର ବୈଠକ ହୋଇଥିଲା। ଗ୍ରାମର କେତେଜଣ ଉଦୀୟମାନ ଯୁବକ ଏମ୍‌ସିଏଲ୍‌ ଅଧିକାରୀଙ୍କ ସହିତ ଆଲୋଚନା କରି ଗ୍ରାମବାସୀଙ୍କୁ ଅବଗତ କରାଇଥିଲେ। ପରସ୍ପର ମଧ୍ୟରେ ବିଶ୍ୱାସ ଆସିବା ପରେ ଏ ନେଇ ସହମତି ପ୍ରକାଶ ପାଇଥିଲା। ଗତ ଜୁନ ୧୬ରୁ ଜୁଲାଇ ୯ ତାରିଖ ମଧ୍ୟରେ ଭାଲୁଗାଡ଼ିଆ ଗ୍ରାମବାସୀ ଘରଦ୍ୱାର ଭାଙ୍ଗି ଏମ୍‌ସିଏଲ୍‌କୁ ଗଁା ହସ୍ତାନ୍ତର କରିଦେଇଥିଲେ। ପ୍ରତିଶ୍ରୁତି ମୁତାବକ ଏମ୍‌ସିଏଲ୍‌ ପକ୍ଷରୁ ଗ୍ରାମର ୨୩୪ ପରିବାରକୁ ବିସ୍ଥାପନ ପ୍ୟାକେଜ ଓ ଅନୁମୋଦନ ରାଶି ବାବଦରେ ୧୯ ଲକ୍ଷ ୧୯ ହଜାର ୨୬୯ ଟଙ୍କା ଲେଖାଏ ପ୍ରଦାନ କରାଯାଇଥିଲା। ଏମ୍‌ସିଏଲ୍‌ ନିଜ ପ୍ରତିଶ୍ରୁତି ରକ୍ଷା କରିଥିବାରୁ ଏହାକୁ ନେଇ ଗ୍ରାମବାସୀ ଖୁସି ହୋଇଥିବା ବେଳେ ଗଁା ଲୋକଙ୍କ ବିଶ୍ୱାସ ପାଇଁ ଏମ୍‌ସିଏଲ୍‌ ପକ୍ଷରୁ ସେମାନଙ୍କୁ ସମ୍ବର୍ଦ୍ଧିତ କରାଯାଇଛି। ବିନା ବିବାଦ ଓ ବିରୋଧରେ ଭାଲୁଗାଡ଼ିଆ ଗ୍ରାମର ମୋଟ୍‌ ୨୯୦.୬୫ ଏକର ଜମି ମିଳିଯାଇଥିବାରୁ ଏମ୍‌ସିଏଲ୍‌ ପକ୍ଷରୁ ସେଠାରୁ ୨୧ ମିଲିୟନ ଟନ୍‌ କୋଇଲା ଉତ୍ତୋଳନ କରାଯିବାର ଲକ୍ଷ୍ୟ ରଖାଯାଇଛି।

ପ୍ରତିଶ୍ରୁତି ରକ୍ଷାକଲା କମ୍ପାନୀ
ଏମ୍‌ସିଏଲ୍‌ କର୍ତ୍ତୃପକ୍ଷ ଦେଇଥିବା ପ୍ରତିଶ୍ରୁତି ରକ୍ଷା କରିବେ ବୋଲି ପ୍ରଥମେ ଗ୍ରାମବାସୀ ବିଶ୍ୱାସ କରୁ ନ ଥିଲେ। ହେଲେ ଖଣି କମ୍ପାନୀ କ୍ଷତିଗ୍ରସ୍ତଙ୍କ ସମସ୍ୟାର ସମାଧାନ କରିଛି। ଫଳରେ ଘରଦ୍ୱାର ଭାଙ୍ଗି କମ୍ପାନୀକୁ ଗଁା ଟେକି ଦିଆଯାଇଛି। ହିଙ୍ଗୁଳା କ୍ଷେତ୍ର ମହାପ୍ରବନ୍ଧକ ଓ ପ୍ରଶାସନକୁ କୃତଜ୍ଞତା ଜଣାଉଛୁ।
-ଅନାଦି ସାହୁ, ଭାଲୁଗାଡ଼ିଆ ଗ୍ରାମବାସୀ

ଗ୍ରାମବାସୀ ବହୁତ ଖୁସି
ଏମ୍‌ସିଏଲ୍‌ଠାରୁ ଯେଉଁ ସହଯୋଗ ଆଶା କରୁଥିଲୁ, ତାହା ମିଳିଲା। ଲୋକଙ୍କ ଦାବି ଅନୁସାରେ ଟଙ୍କା ଦିଆଗଲା। ଏଥିରେ ଗ୍ରାମବାସୀ ବହୁତ ଖୁସି। ସେଥିପାଇଁ ଗ୍ରାମ ଖାଲି କରି ଅନ୍ୟତ୍ର ଚାଲିଆସିଛୁ। ପ୍ରଶାସନ, ଏମ୍‌ସିଏଲ୍‌ କର୍ତ୍ତୃପକ୍ଷଙ୍କୁ ସାଧୁବାଦ ଜଣାଉଛୁ।
– ପଦ୍ମନାଭ ପ୍ରଧାନ, ଭାଲୁଗାଡ଼ିଆ ଗ୍ରାମବାସୀ

ବିଶ୍ୱାସଭାବ ସୃଷ୍ଟି କଲୁ
ପ୍ରଥମେ ଗ୍ରାମବାସୀଙ୍କ ମନ ଜିଣିଲୁ। ତାଙ୍କ ସହ ବିଶ୍ୱାସଭାବ ସୃଷ୍ଟି କଲୁ। ଏହାପରେ ଗ୍ରାମବାସୀ କମ୍ପାନୀକୁ ସହଯୋଗ କଲେ। ଘରଭାଙ୍ଗି ଗ୍ରାମ ଖାଲି କରିଦେଲେ। ୩/୪ ଦିନ ମଧ୍ୟରେ ୨୩୪ ପରିବାରକୁ ବିସ୍ଥାପନ ପ୍ୟାକେଜ ଓ ଅନୁମୋଦନ ରାଶି ପ୍ରଦାନ କରାଯାଇଛି। ଅନ୍ୟ ଗ୍ରାମ କ୍ଷେତ୍ରରେ ଏହା ଲାଗୁ ହେବ।
-ସଞ୍ଜୟ କୁମାର ଦେ, ଭୂ-ଅର୍ଜନ ଅଧିକାରୀ, ହିଙ୍ଗୁଳାକ୍ଷେତ୍ର

ଅନ୍ୟ ଗ୍ରାମ ପାଇଁ ଉଦାହରଣ
ବିନା ବାଧାରେ ଗ୍ରାମବାସୀ ଖୁସିରେ ଖୁସିରେ ଗ୍ରାମଛାଡ଼ି ଚାଲିଗଲେ। ଏହା ଏକ ଅନନ୍ୟ ଘଟଣା। ଗ୍ରାମବାସୀ ଓ ମ୍ୟାନେଜମେଣ୍ଟ ମିଳିମିଶି କାମ କଲେ ସଫଳତା ନିଶ୍ଚିତ ମିଳିବ। ଏହା ଅନ୍ୟ ଗ୍ରାମବାସୀଙ୍କ ପାଇଁ ଏକ ଉଦାହରଣ। ଗଁା ଲୋକେ, ରାଜ୍ୟ ଓ ଜିଲା ପ୍ରଶାସନ ଏବଂ ରାଜନେତାଙ୍କ ସହଯୋଗ ଯୋଗୁ ଏହା ସମ୍ଭବ ହୋଇଛି।
-ପି.ବି. ରେଡି, ମହାପ୍ରବନ୍ଧକ, ହିଙ୍ଗୁଳାକ୍ଷେତ୍ର

ପ୍ରେରଣାଦାୟୀ, ସ୍ମରଣୀୟ ଘଟଣା
ଉତ୍ତମ ବୁଝାମଣା ଓ ପାରସ୍ପରିକ ବିଶ୍ୱାସ ଯୋଗୁ ଏହା ସମ୍ଭବ ହେଲା। ଏହା ଅତ୍ୟନ୍ତ ପ୍ରେରଣାଦାୟୀ ଓ ସ୍ମରଣୀୟ ଘଟଣା। ରାଜ୍ୟ ସରକାରଙ୍କ ସକ୍ରିୟ ସମର୍ଥନ ଓ ମାର୍ଗଦର୍ଶନ ସହିତ ହିଙ୍ଗୁଳା କ୍ଷେତ୍ରର ପରିଚାଳକଙ୍କ ଉଦ୍ୟମ ସହ ଠିକ୍‌ ପରିଚାଳନା ଯୋଗୁ ଏପରି କାର୍ଯ୍ୟ ସମ୍ଭବ ହୋଇପାରିଛି।
-ପି.କେ. ସିହ୍ନା, ସିଏମ୍‌ଡି ଏମ୍‌ସିଏଲ୍‌


Enter your email to get our daily news in your inbox.

All Right Reserved By Dharitri.Com

ଝୁଲିଲା ଅନୁଗୋଳ, ତାଳଚେର, ଆଠମଲ୍ଲିକ

ଅନୁଗୋଳ, ୨୮ା୩ (ଅମିତ କୁମାର ସାମଲ)ବିଜୁ ଜନତା ଦଳ ପକ୍ଷରୁ ବୁଧବାର ପ୍ରଥମ ପର୍ଯ୍ୟାୟରେ ୭୧ଟି ବିଧାନସଭା କ୍ଷେତ୍ର ପାଇଁ ପ୍ରାର୍ଥୀ ଘୋଷଣା କରାଯାଇଛି। ଏଥିରେ...

ରାସ୍ତା ପାର୍ଶ୍ୱରେ ବିପଜ୍ଜନକ ଅବସ୍ଥାରେ ଚାଲୁଛି ପରିବା ବଜାର

ବଅଁରପାଳ/ଅନୁଗୋଳ,୨୫ା୩(ଅମିତ କୁମାର ସାମଲ): ବଅଁରପାଳ ବ୍ଲକ କୁଲା଼ଡ ଏଫ୍‌ସିଆଇ ଛକରୁ ନାଲ୍‌କୋ ସିପିପିକୁ ସଂଯୋଗ କରୁଥିବା ରାସ୍ତାର ଉଭୟ ପାଖରେ ଚାଲିଛି ପରିବା ବଜାର। କରୋନା...

ଲୁଚାଚୋରାରେ ଘରୋଇ ଜାଗାରେ ପଡ଼ୁଛି ଅଳିଆ

ଅନୁଗୋଳ, ୨୨ା୩ (ଅମିତ କୁମାର ସାମଲ): ଅନୁଗୋଳ ସହରରୁ ବାହାରୁଥିବା ଆବର୍ଜନା କେଉଁଠାରେ ପକାଯିବ ତାହାକୁ ନେଇ ସୃଷ୍ଟି ହୋଇଥିବା ସମସ୍ୟାର ଏଯାଏ ସମାଧାନ ହୋଇପାରୁ...

ରାଜନୈତିକ ସମୀକରଣ ଦେଖି ରଣନୀତି

ଆଠମଲ୍ଲିକ,୨୨।୩(ଉଦୀପ୍ତ ପୁରୋହିତ): ସାଧାରଣ ନିର୍ବାଚନ ପାଇଁ ତାରିଖ ଘୋଷଣା ପରଠାରୁ ସମ୍ଭାବ୍ୟ ପ୍ରାର୍ଥୀଙ୍କୁ ନେଇ ସାଧାରଣରେ ବହୁ ଆଲୋଚନା ଚାଲିଛି। ଅନୁଗୋଳ ଜିଲାର ୫ଟି ବିଧାନସଭା...

ଜଙ୍ଗଲ ନିଆଁ ଆୟତ୍ତ କଲେ ଗାଁ ପିଲା

ପାଲଲହଡ଼ା,୨୦ା୩ (ଦିବ୍ୟଜ୍ୟୋତି ଦାଶ): ଖେଳକୁଦ କରିବା ବୟସରେ ୭ ଜଣ ପିଲା ଦେଖାଇଛନ୍ତି ସାହସିକତା। ସଚେତନ ମଣିଷଙ୍କ ପରି ସେମାନେ ବୁଦ୍ଧି ଖଟାଇ ଜଙ୍ଗଲ ନିଅଁାକୁ...

ଅନୁଗୋଳରେ ୨୭, ୬୨୫ ନୂଆ, ୭, ୭୪୮ ବରିଷ୍ଠ ମତଦାତା

ଅନୁଗୋଳ, ୧୮ା୩ (ଅମିତ କୁମାର ସାମଲ): ଅନୁଗୋଳ ଜିଲାରେ ଥିବା ବିଧାନସଭା ଆସନ ଏବଂ ଢେଙ୍କାନାଳ ଓ ସମ୍ବଲପୁର ଲୋକ ସଭା ଅଧୀନରେ ଆସୁଥିବା ନିର୍ବାଚନମଣ୍ଡଳୀରେ...

ଅନୁଗୋଳ ଜିଲାରେ ୧୬୫ ବୁଥ୍‌ ସମ୍ବେଦନଶୀଳ

ଅନୁଗୋଳ, ୧୮ା୩ (ଅମିତ କୁମାର ସାମଲ): ଅନୁଗୋଳ ଜିଲାରେ ନିର୍ବାଚନ ପ୍ରସ୍ତୁତି ସମ୍ପର୍କରେ ଜିଲାପାଳ ତଥା ଜିଲା ନିର୍ବାଚନ ଅଧିକାରୀ ମହମ୍ମଦ ଅବଦଲ ଅଖତାର ରବିବାର...

ଅନୁଗୋଳରେ ବିଗୁଡୁଛି ଆଇନଶୃଙ୍ଖଳା ସ୍ଥିତି

ଅନୁଗୋଳ, ୧୩।୩ (ଅମିତ କୁମାର ସାମଲ): ଅନୁଗୋଳ ଦେଇ ଯାଇଥିବା କଟକ-ସମ୍ବଲପୁର ୫୫ନଂ. ଜାତୀୟ ରାଜପଥ ସମ୍ପ୍ରସାରଣ କାର୍ଯ୍ୟ ଶେଷ ହେବାରେ ଅହେତୁକ ବିଳମ୍ବ ହେଉଛି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri