ଭିଟାମାଟି ଛାଡ଼ି ଅନୁତପ୍ତ ବୁଡ଼ଇଞ୍ଚଳ ବିସ୍ଥାପିତ

ବଲାଙ୍ଗୀର, ୧୯ା୪(ବୀରେନ୍ଦ୍ର କୁମାର ଝାଙ୍କର):ଲୋୟର ସୁକ୍‌ତେଲ ଡ୍ୟାମ୍‌ ହେଲେ ଚିର ମରୁଡି ପ୍ରପୀଡିତ ବଲାଙ୍ଗୀର ଜିଲା ଜଳପ୍ଳାବିତ ହେବ। ହଜାର ଏକର କୃଷିକ୍ଷେତ୍ରକୁ ପାଣି ମାଡ଼ିବ। ଏକାଧିକ ସହର, ଗଁା ଲୋକଙ୍କ ପାନୀୟ ଜଳ ସମସ୍ୟା ସବୁଦିନ ପାଇଁ ଦୂର ହେବ। ଜିଲାର ଅର୍ଥନୈତିକ ବିକାଶ ତ୍ୱରାନ୍ବିତ ହେବ। ଅନଗ୍ରସର ଜିଲା ତାଲିକାରୁ ବାଦ୍‌ ପଡି ବିକଶିତ ତାଲିକାକୁ ଉନ୍ନୀତ ହେବ ଏଇ ଜିଲା। ଏଭଳି ବିକାଶର କଥା କହି ସରକାର ପ୍ରକଳ୍ପ ପ୍ରଭାବିତ ଲୋଇସିଂହା ଓ ବଲାଙ୍ଗୀର ବ୍ଲକ ଅଧୀନ ୨୯ଖଣ୍ଡ ଗଁାର ବିସ୍ଥାପିତଙ୍କ ପାଇଁ ସବୁ ପ୍ରକାର ବ୍ୟବସ୍ଥା କରିବାର ପ୍ରତିଶ୍ରୁତି ଦେଇଥିଲେ। ସରକାରଙ୍କ କଥାକୁ ବିଶ୍ୱାସ କରି ସହସ୍ରାଧିକ ଲୋକ ନିଜ ଭିଟାମାଟି ଛାଡିଥିଲେ। ହେଲେ ଗଁା ଛାଡିବା ଦିନଠାରୁ ବିସ୍ଥାପିତଙ୍କ ଜୀବନ ହୋଇପଡିଛି ଦୁର୍ବିଷହ। ଜିଲାକୁ ଜଳପ୍ଲାବିତ କରିବା ପାଇଁ ସର୍ବସ୍ବ ତ୍ୟାଗ କରିଥିବା ବିସ୍ଥାପିତଙ୍କୁ ଏବେ ପ୍ରଚଣ୍ଡ ଖରାରେ ମିଳୁନାହିଁ ମୁନ୍ଦାଏ ପାଣି। ଲୋଇସିଂହା ବ୍ଳକ୍‌ର କୁସମେଲସ୍ଥିତ ଲୋୟର ସୁକତେଲ ଅସ୍ଥାୟୀ ଥଇଥାନ କଲୋନୀରେ ସେମାନେ ଏବେ ସଂଘର୍ଷମୟ ଜୀବନଯାପନ କରୁଛନ୍ତି।
ଗଁାକୁ ଲାଗି ରହିଥିଲା ସୁକ୍‌ତେଲ ନଈ। ଘର ପଛପଟ ବାଡିରେ ଥିଲା କୂଅ, ପୋଖରୀ। ଘର ସମ୍ମୁଖ ରାସ୍ତା କଡରେ ଥିଲା ନଳକୂପ। ପାଣି ଅଭାବ ବୋଲି କିଛି ଜାଣି ନ ଥିଲେ ଲୋଇସିଂହା ବ୍ଲକ ବନ୍‌ଛୋରପାଲି, ଗଡଶଙ୍କର ଡୁଙ୍ଗୁରିପାଲି, ପୋଢ଼ମୁଣ୍ଡ, କୋଇଣ୍ଡାପାଲି ଓ ବିଜାପାଟି ଭଳି କେତେ ଖଣ୍ଡ ଗଁାର ଲୋକ। ଆଜି କିନ୍ତୁ ସେମାନେ ବିସ୍ଥାପିତ। ଥଇଥାନ କଲୋନୀରେ ନାହିଁ ନାହିଁର ଇଲାକା ଭିତରେ ସନ୍ତପ୍ତ ସେମାନଙ୍କ ଜୀବନ। ବଲାଙ୍ଗୀର ଜିଲା ସଦର ମହକୁମାଠାରୁ ପ୍ରାୟ ୧୫ କିଲୋମିଟର ଦୂର ଲୋଇସିଂହା ବ୍ଳକ୍‌ର କୁସମେଲସ୍ଥିତ ଲୋୟର ସୁକତେଲ ଅସ୍ଥାୟୀ ଥଇଥାନ କଲୋନୀ ଏବେ ସେମାନଙ୍କ ନୂଆ ଠିକଣା। ସେଠାରେ ରହୁଛନ୍ତି ୩୨ଟି ଭୂମିହୀନ ପରିବାର। ଗତ ପ୍ରାୟ ୯ମାସ ହେଲା ଅସ୍ଥାୟୀ ଟିଣ ଘରେ ରହୁଛନ୍ତି ଏମାନେ। ଏଠାରେ ପିଇବା ପାଣି ବ୍ୟବସ୍ଥା ନାହିଁ। ଏଣୁ ପ୍ରତିଦିନ ସକାଳୁ ଏବଂ ସଞ୍ଜରେ ପାଣି ସଂଗ୍ରହ ପାଇଁ ପ୍ରାୟ ଦେଢ଼ କିଲୋମିଟର ଦୂର ଫଟାବାହାଲ ଗଁାକୁ ଯାଇ ଆଣୁଛନ୍ତି। ଖରାଦିନ ଆସିବା ପରେ ଦିନକୁ ପ୍ରାୟ ୬ ଥର ଫଟାବାହାଲ ଯିବା ଆସିବା କରିବାକୁ ପଡୁଛି ସେମାନଙ୍କୁ ପିଇବା ପାଣି ପାଇଁ। ପ୍ରତିଦିନ ଘରର ମହିଳା ସଦସ୍ୟ ଓ କିଛି ସ୍କୁଲପିଲା ଚାଲିଚାଲି ଫଟାବାହାଲ ଯାଇ ପାଣି ସଂଗ୍ରହ କରୁଛନ୍ତି। ଥଇଥାନ କଲୋନୀରେ ନଳକୂପ ଅଛି। ଭଲ ପାଣି ବାହାରୁ ନାହିଁ। ଟ୍ୟାଙ୍କର ଯୋଗେ ପାଣି ଯୋଗାଇବାକୁ ବାରମ୍ବାର ଦାବି କରୁଥିଲେ ମଧ୍ୟ ପ୍ରଶାସନ ପ୍ରତିଶ୍ରୁତି ଦେଇ ଚୁପ୍‌। ଏପର୍ଯ୍ୟନ୍ତ ଆସିନାହିଁ ପାଣି ଟ୍ୟାଙ୍କର। ବିସ୍ଥାପିତମାନେ କହିଛନ୍ତି ଯେ, ସେମାନଙ୍କୁ ଠକି ଦିଆଯାଇଛି। ସେମାନଙ୍କ ଦୁଃଖ ଶୁଣିବାକୁ ଏବେ କେହି ନାହିଁ; ନା’ ପ୍ରଶାସନ ନା’ ରାଜନେତା। ଏଠାକାର ଅସ୍ଥାୟୀ ଟିଣ ଛାଉଣୀ ଘରେ ଏବେ କଲବଲ ହେଉଛନ୍ତି ଆବାଳ ବୃଦ୍ଧବନିତା। ତାପମାତ୍ରା ବୃଦ୍ଧି ଯୋଗୁ ଜୀବନ ହେଲାଣି ଦୁର୍ବିଷହ। ଟିଣଘରେ ଅନୁଭୂତ ହେଉଛି ୪୫/୪୬ ଡିଗ୍ରୀରୁ ଅଧିକ ତାପମାତ୍ରା। ଦିନ ସାରା ଲୋକେ ଟିଣଘରେ ରହି ନ ପାରି ଗଛତଳେ ରହୁଛନ୍ତି। ବିସ୍ଥାପିତ ହେବା ପୂର୍ବରୁ ଏଇ ଭୂମିହୀନ ପରିବାରବର୍ଗଙ୍କୁ ପ୍ରଶାସନ ସର୍ବାଧିକ ୫ ଲକ୍ଷ ଯାଏ ସହାୟତା ରାଶି ଦେଇଥିଲେ। ସେମାନଙ୍କୁ ଘରଡିହ, ଆବାସ ଘର ମିଳିବ ଏବଂ ସେମାନଙ୍କ ରୋଜଗାର ସୁନିଶ୍ଚିତ କରାଯିବ ବୋଲି ପ୍ରଶାସନ ପକ୍ଷରୁ ପ୍ରତିଶ୍ରୁତି ଦିଆଯାଇଥିଲା। ହେଲେ ଏବେ ସବୁ ପାଣିର ଗାର। ଗତ ୯ମାସ ହେଲା ଏଇ ବିସ୍ଥାପିତଙ୍କ ପିଲାଛୁଆ ପାଠ ପଢୁନାହାନ୍ତି। ଅସ୍ଥାୟୀ କଲୋନୀ ପାଖରେ ସ୍କୁଲ ନାହିଁ। କିଛିଦିନ ତଳେ ଜିଲାପାଳ ଗୌରବ ଶିୱାଜୀ ଇସଲୱାର ଅସ୍ଥାୟୀ କଲୋନୀ ପରିଦର୍ଶନ କରି ମୌଳିକ ସମସ୍ୟା ସମାଧାନ ପ୍ରତିଶ୍ରୁତି ଦେଇଥିଲେ। ହେଲେ ଏଯାଏ ପିଇବା ପାଣି ବ୍ୟବସ୍ଥା ହୋଇନାହିଁ। ମିଳିଥିବା ସୂଚନା ମୁତାବକ ଝାଙ୍କରପାଲି, କୁସମେଲ, ଗେଡାବାଞ୍ଜି ଓ ଅନ୍ୟ ଥଇଥାନ କଲୋନୀରେ ମଧ୍ୟ ବିସ୍ଥାପିତମାନେ ପିଇବା ପାଣି ପାଇଁ ଏବେ ଡହଳ ବିକଳ। ଜିଲାକୁ ଜଳପ୍ଳାବିତ କରିବାର ସୂତ୍ରଧର ସାଜିଥିବା ଏଇ ବିସ୍ଥାପିତମାନେ ଏବେ ସର୍ବସ୍ବ ତ୍ୟାଗ କରି ପାଣିପାଇଁ ସଂଘର୍ଷ କରିବା ବିଡମ୍ବନା ମାତ୍ର।


Enter your email to get our daily news in your inbox.

All Right Reserved By Dharitri.Com

ଅର୍ଣ୍ଣବ ପରେ ଅକ୍ୱାନ ଭୟ, ଅଧା ପାଚିଲା ଧାନ କାଟି ନେଉଛନ୍ତି ଚାଷୀ

ଗଞ୍ଜାମ, ୧୭।୧୧(ବିଦ୍ୟାଧର ସାହୁ): ଅର୍ଣ୍ଣବ ବାତ୍ୟାର କ୍ଷୟକ୍ଷତି ଭରଣା ହୋଇନଥିବା ବେଳେ ପୁଣି ଏକ ସମ୍ଭାବ୍ୟ ବାତ୍ୟା ‘ଅକ୍ୱାନ’ ଚାଷୀଙ୍କ ଚିନ୍ତା ବଢ଼ାଇ ଦେଇଛି। ଏହି ବାତ୍ୟା…

IPL ୨୦୨୭ ପୂର୍ବରୁ ଆଉ ଏକ ବଡ଼ ଟ୍ରେଡ୍‌! SRH ଛାଡ଼ିଲେ ୨ ଥରର ପର୍ପଲ କ୍ୟାପ ବିଜେତା

ନୂଆଦିଲ୍ଲୀ,୧୭।୧୧: IPL ୨୦୨୭ର ରିଟେନ୍ସନ ତାଲିକା ପ୍ରକାଶ ପାଇବାର ଠିକ ପୂର୍ବରୁ ହର୍ଷଲ ପଟେଲ ଗୁଜରାଟ ଟାଇଟନ୍ସ ଦଳକୁ ଚାଲିଯାଇଛନ୍ତି। ଦୁଇ ଥର ପର୍ପଲ କ୍ୟାପ ବିଜେତା…

ଦେଶ ପାଇଁ ୧୪ କୋଟି ଟଙ୍କା ତ୍ୟାଗ କରିଦେଲେ ଟ୍ରାଭିସ ହେଡ୍‌! IPL ୨୦୨୭ରୁ ଓହରିଯାଇ ସମସ୍ତଙ୍କୁ କଲେ ଚକିତ

ନୂଆଦିଲ୍ଲୀ,୧୭।୧୧: IPL ୨୦୨୭ ପାଇଁ ରିଟେନ ଓ ରିଲିଜ ହୋଇଥିବା ଖେଳାଳିଙ୍କ ତାଲିକା ସାମ୍ନାକୁ ଆସିବା ପୂର୍ବରୁ ଟ୍ରାଭିସ ହେଡ୍‌କୁ ନେଇ ଏକ ବଡ଼ ଖବର ଆସିଛି।…

ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ, କହିଲେ ମା’ଙ୍କ ସମ୍ପତ୍ତିରେ ନାହିଁ ପୁଅଙ୍କ ଅଧିକାର!

ଚେନ୍ନାଇ,୧୭।୧୧: ଅନେକ ଲୋକଙ୍କର ଏପରି ଧାରଣା ଥାଏ ଯେ, ଆଇନଗତ ଉତ୍ତରାଧିକାରୀ ଭାବରେ ମାତାପିତାଙ୍କ ମୃତ୍ୟୁ ପରେ ସେମାନଙ୍କ ସନ୍ତାନମାନେ ସ୍ବତଃ ହିଁ ମାତାପିତାଙ୍କ ସମ୍ପତ୍ତି ଉପରେ…

ଡେବ୍ରିଗଡ଼ରେ ଠାବ ମହାବଳ ବାଘର ମଳିଲା ପରିଚୟ, ବୟସ ସ୍ପଷ୍ଟ କଲା ଏନଟିସିଏ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଓଡ଼ିଶାର ଡେବ୍ରିଗଡ଼ ଅଭୟାରଣ୍ୟରେ ଗତ ନଭେମ୍ବର ୯ ତାରିଖରେ ପ୍ରଥମ ଥର ପାଇଁ ଠାବ ହୋଇଥିବା ଅଣ୍ଡିରା ବାଘର ପରିଚୟ ଓ ବୟସ ଜାତୀୟ…

ମାଛ ଧରୁଥିଲେ ଧର୍ମପଦ: ଟାଣିନେଲା କୁମ୍ଭୀର, ଆଉ ତା’ପରେ ଯାହା ଘଟିଲା…

ମହାକାଳପଡ଼ା,୧୭।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲାରେ ପୁଣି କୁମ୍ଭୀର ଆତଙ୍କ। ନଦୀରେ ଡଙ୍ଗାରେ ଜାଲ ପକାଇ ମାଛ ଧରୁଥିବା ବେଳେ ଜଣେ ଯୁବ ମତ୍ସ୍ୟଜୀବୀଙ୍କୁ ଆକ୍ରମଣ କରିଛି…

ରିଟେନ୍ସନ ପୂର୍ବରୁ SRH ଫ୍ୟାନ୍‌ଙ୍କୁ ବଡ଼ ଝଟକା! IPL ୨୦୨୭ରୁ ବାଦ୍‌ ପଡ଼ିଲେ ଷ୍ଟାର୍‌ ଓପନର୍‌, ଜାଣନ୍ତୁ କାହିଁକି…

ନୂଆଦିଲ୍ଲୀ,୧୭।୧୧: ଅଷ୍ଟ୍ରେଲିଆର ବିସ୍ଫୋରକ ବ୍ୟାଟର୍‌ ଟ୍ରାଭିସ ହେଡ୍‌ IPL ୨୦୨୭ରେ ଖେଳିବେ ନାହିଁ। ଏହାର ଅର୍ଥ ଆଗାମୀ ସିଜିନରେ ସନରାଇଜର୍ସ ହାଇଦ୍ରାବାଦ (SRH) ପକ୍ଷରୁ ଅଭିଷେକ ଶର୍ମା…

ମୃତ୍ୟୁକୁ ଆମନ୍ତ୍ରଣ କରୁଛି ଖୋଲା ଟ୍ରାନ୍ସଫର୍ମର, ତେଜୁଛି ଜନଅସନ୍ତୋଷ

କର୍ଲାମୁଣ୍ଡା:୧୭।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଅଧୀନ ଗଜବାହାଲ ପଞ୍ଚାୟତ ଅବୁଜବାହାଲ ଗାଁ ବସ୍ତିକୁ ସଂଯୋଗ କରୁଥିବା ମୁଖ୍ୟ ରାସ୍ତାରେ ଏକ ବିଦ୍ୟୁତ୍‌ ଟ୍ରାନ୍ସଫର୍ମର ବିନା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?