ରାଞ୍ଚି,୧୦।୩: ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ରାଷ୍ଟ୍ରିୟ ଜନତା ଦଳ (ଆରଜେଡି) ମୁଖ୍ୟ ଲାଲୁ ଯାଦବଙ୍କ ତକିଆ ଏବଂ ରେଜେଇ ଚୋରି ହୋଇଯାଇଛି। ଏହି ଘଟଣା ସାମ୍ନାକୁ ଆସିବା ପରେ ବରିଷ୍ଠ ପୋଲିସ ଅଧୀକ୍ଷକ ଲାଲୁ ଯାଦବଙ୍କ ସୁରକ୍ଷା ଅଧୀନରେ ନିଯୁକ୍ତ ଥିବା ୧୦ ଜଣ ପୋଲିସ କର୍ମଚାରୀଙ୍କଠାରୁ ସ୍ପଷ୍ଟୀକରଣ ମାଗିଛନ୍ତି। ସୂଚନାଯୋଗ୍ୟ, ଚାରା ଘୋଟାଲାରେ ଦୋଷୀ ସାବ୍ୟସ୍ତ ହୋଇ ଲାଲୁ ଯାଦବ ଜେଲ୍ ଦଣ୍ଡାଦେଶ ଭୋଗୁଛନ୍ତି। ଜେଲ୍ରେ ତାଙ୍କ ସ୍ବସ୍ଥ୍ୟାବସ୍ଥା ଖରାପ ହେବାରୁ ତାଙ୍କୁ ରିମ୍ସ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି। ଚିକିତ୍ସିତ ହେଉଥିବାବେଳେ ରାଞ୍ଚି ପୋଲିସର ୧୦ ଜଣ ପୋଲିସ ଲାଲୁଙ୍କ ସୁରକ୍ଷା ଅଧୀନରେ ରହିଥିଲେ। ଏହି ସମୟରେ ସେମାନଙ୍କୁ ତାଙ୍କୁ ରିମସ ଦ୍ୱାରା ଗଦି, ତକିଆ ଏବଂ ବେଡ ସିଟ ଦିଆଯାଇଥିଲା। ପରେ ଲାଲୁ ଯାଦବଙ୍କୁ ରିମ୍ସରୁ ଚିକିତ୍ସା ପାଇଁ ଦିଲ୍ଲୀ ପଠାଯାଇଥିଲା। ଲାଲୁଙ୍କ ସୁରକ୍ଷା ଅଧୀନରେ ନିୟୋଜିତ ପୋଲିସମାନେ ଗଦି ଏବଂ ତକିଆ ସହିତ ଅନ୍ୟାନ୍ୟ ଜିନିଷ ନେଇ ପଳାଇଥିଲେ। ରିମ୍ସରୁ ଚିଠି ପାଇବା ପରେ ରାଞ୍ଚିର ଏସଏସପି ଏହାକୁ ଗୁରୁତର ସହ ନେଇ ଲାଲୁ ପ୍ରସାଦ ଯାଦବଙ୍କ ସୁରକ୍ଷା କାର୍ଯ୍ୟରେ ନିୟୋଜିତ ଦୁଇ ଜଣ କନଷ୍ଟେବଳ ଏବଂ ଆଠ ଜଣ ପୋଲିସ କର୍ମଚାରୀଙ୍କୁ ଗଦି ଏବଂ ତକିଆ ରିମକୁ ଶୀଘ୍ର ଫେରାଇବାକୁ ନିର୍ଦ୍ଦେଶ ଦେଇଛନ୍ତି। ଏଥିପାଇଁ ଏସଏସପି ଯବାନମାନଙ୍କୁ କେବଳ ୨୪ ଘଣ୍ଟିଆ ଅଲ୍ଟିମେଟମ ଦେଇଛନ୍ତି। ଯଦି ଏହି ସମୟରେ ଗଦି ଏବଂ ତକିଆ ଜମା ହୋଇ ନ ନ ହୁଏ ତେବେ ସମ୍ପୃକ୍ତ ପୋଲିସ କର୍ମଚାରୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
