ନିରାକାରପୁର,୨ା୬(ଡି.ଏନ୍.ଏ.): ଖୋର୍ଦ୍ଧା ଜିଲା ନିରାକାରପୁର ଥାନା ଅନ୍ତର୍ଗତ ଡିଆ ପଞ୍ଚାୟତ ନିରାକାରପୁର ଭୂଷଣ୍ଡପୁର ମୁଖ୍ୟ ରାସ୍ତା କୋଲସାହି ଗାଁ ନିକଟରେ ଶୁକ୍ରବାର ସକାଳେ ଜଣେ ବୁଲା ବେପାରୀଙ୍କୁ ଖଣ୍ଡାରେ ହାଣି ଲକ୍ଷାଧିକ ଟଙ୍କାର ସୁନା, ରୁପା ଅଳଙ୍କାର ଦୁର୍ବୃତ୍ତମାନେ ଲୁଟି ନେଇ ଫେରାର ହୋଇଯାଇଛନ୍ତି। ଘଟଣାରୁ ଜଣାପଡ଼ିଛି ଯେ, ଲୁଟ୍ରେ ଶିକାର ହୋଇଥିବା ସୁନା, ଅଳଙ୍କାର ବ୍ୟକ୍ତି ଜଣଙ୍କ ଗାଁ ଗହଳିରେ ସବୁଦିନ ଭଳି ଆଜି ନିଜ ସ୍କୁଟିରେ ସୁନା ଅଳଙ୍କାର ନେଇ ଯାଉଥିବା ବେଳେ ଦୁର୍ବୃତ୍ତମାନେ ଏକ ପଲସର ଗାଡ଼ିରେ ପିଛା କରିବା ସହ ଆକ୍ରମଣ କରି ଲୁଟି ନେବାରେ ସକ୍ଷମ ହୋଇଥିଲେ। ତେବେ ଉକ୍ତ ବ୍ୟବସାୟୀ ଜଣଙ୍କ ଗାଁ ଗହଳିରେ ବୁଲି ହାଣ୍ଡିମାଠିଆ ବ୍ୟବସାୟ କରୁଥିବା ବେଳେ ଏତେ ସୁନା ଅଳଙ୍କାର କେଉଁଠୁ ଆଣି ବେପାର କରୁଥିଲେ ସେ ନେଇ ପ୍ରଶ୍ନ ଉଠିଛି।
