ଦାରିଙ୍ଗବାଡି,୨।୧୧(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ଗଦାପୁର ପଞ୍ଚାୟତ ମାଣ୍ଡିପଙ୍କାରେ ଆମ୍ବ ଟାକୁଆ ଖାଇ୨ ଜଣଙ୍କ ମୃତ୍ୟୁ ଘଟିଛି। ୬ ଜଣ ଏବେ ମଧ୍ୟ ବ୍ରହ୍ମପୁର ବଡ଼ ମେଡିକାଲରେ ଚିକିତ୍ସାଧୀନ ଘଟଣାକୁ କନ୍ଧମାଳ ଜିଲାପାଳ ଅମ୍ରିତ ଋତୁରାଜ ଗୁରୁତର ଭାବେ ନେଇଛନ୍ତି। ସେ ବିଡିଓ ପ୍ରୀତିରଞ୍ଜନ ରଥ, ତହସିଲଦାର ଶରତ ଶବର ଓ ଜିଲା ଏବଂ ବ୍ଲକର ସ୍ବାସ୍ଥ୍ୟ ବିଭାଗର ଡାକ୍ତରଙ୍କୁ ଘଟଣାସ୍ଥଳକୁ ପଠାଇ ତଦନ୍ତ କରାଇବା ସହ ସ୍ଥିତି ଅନୁଧ୍ୟାନ କରିଛନ୍ତି। ଏଥିସହ ଜିଲାପାଳ ଶୁକ୍ରବାର ଓ ଶନିବାର ଦାରିଙ୍ଗବାଡି ଓ ବ୍ରାହ୍ମଣୀଗାଁ ଅଞ୍ଚଳ ପରିଦର୍ଶନ କରି ତଦାରଖ କରିଛନ୍ତି। ସେ ବ୍ରାହ୍ମଣୀଗାଁ ସ୍ବାସ୍ଥ୍ୟକେନ୍ଦ୍ର ଓ ପିଡିିଏସ ବଣ୍ଟନ କେନ୍ଦ୍ରର ସ୍ଥିତି ଅନୁଧ୍ୟାନ କରଥିଲେ।
ପ୍ରାଥମିକ ତଦନ୍ତ ରିପୋର୍ଟ ଅନୁସାରେ, ଆମ୍ବ ଟାକୁଆକୁ ଯାଉ କରି ଖାଇବା ସହ ତାକୁ ୨ ରୁ ୩ ଦିନ ପର୍ଯ୍ୟନ୍ତ ବାସି ଖାଇବାରୁ ଭୁତାଣୁ ଜନିତ ଖାଦ୍ୟ ବିଷାକ୍ତ ହୋଇଥିବା ଜିଲାପାଳ କହିଛନ୍ତି। ସେ କହିଛନ୍ତି, ଭୋକ ଉପାସ ଯୋଗୁ ନୁହଁ ପାରମ୍ପରିକ ଭାବେ ଖାଇଥିବା ପୀଡିତାମାନେ କହିଛନ୍ତି। ଯଦି ବାସି ଯାଉ ଖାଇ ନ ଥାନ୍ତେ ଏଭଳି ପରିସ୍ଥିତି ଉପୁଜିନଥାନ୍ତା ବୋଲି ଜିଲାପାଳ ଅମ୍ରିତ ଋତୁରାଜ କହିଛନ୍ତ।
ସେ ଅଞ୍ଚଳରେ କିଭଳି ଆଉ ଆମ୍ବ ଟାକୁଆ ଏବଂ ବିପଦ ସୃଷ୍ଟିକାରୀ ଖାଦ୍ୟ ନ ଖାଇବେ ସେ ନେଇ ଗାଁ ଗାଁରେ ସଚେତନ କାର୍ଯ୍ୟ ଆରମ୍ଭ କରାଯାଇଥିବା ଜିଲାପାଳ ସୂଚନା ଦେଇଛନ୍ତି ।
