Posted inUncategorized

ଜାଏଣ୍ଟ୍ସକୁ ପରାଜୟ ଚଖାଇଲା ଜଗରନଟ୍ସ

ଭୁବନେଶ୍ୱର, ୨୨।୮ (କ୍ରୀଡ଼ା ପ୍ରତିନିଧି): ପୁଣେର ମହାଲୁଙ୍ଗେସ୍ଥିତ ଶ୍ରୀ ଶିବ ଛତ୍ରପତି ସ୍ପୋଟର୍‌ସ କମ୍ପ୍ଲେକ୍ସରେ ଚାଲିଥିବା ଅଲ୍‌ଟିମେଟ୍‌ ଖୋ ଖୋ ଲିଗ୍‌ର ରବିବାର ଅନୁଷ୍ଠିତ ଏକ ମ୍ୟାଚ୍‌ରେ ଓଡ଼ିଶା ଜଗରନଟ୍ସ ୩ (୫୦-୪୭) ପଏଣ୍ଟରେ ଗୁଜରାଟ ଜାଏଣ୍ଟ୍ସକୁ ପରାସ୍ତ କରିଛି। ତୀବ୍ର ସଂଘର୍ଷପୂର୍ଣ୍ଣ ମ୍ୟାଚରେ ଦିଲୀପ ଖାଣ୍ଡଭି ଓ ବିଶାଲଙ୍କ ଚମତ୍କାର ପ୍ରଦର୍ଶନ ବଳରେ ଓଡ଼ିଶା ଦଳ ବିଜୟୀ ହୋଇଛି। ଭିନ୍ନ ଭିନ୍ନ ସମୟରେ ନାଟକୀୟ ମୋଡ଼ ନେବାପରେ ଶେଷରେ ଜଗରନଟ୍ସ ବିଜୟ ହାସଲ କରିଥିଲା। ଦୁଇ ଦଳ ମଧ୍ୟରେ ଅନୁଷ୍ଠିତ ପୂର୍ବ ମୁକାବିଲାରେ ଗୁଜରାଟ ୫ ପଏଣ୍ଟରେ ବିଜୟୀ ହୋଇଥିଲା। ତେଣୁ ଏଠାରେ ବିଜୟ ହାସଲ ସହ ଜଗରନଟ୍ସ ପରାଜୟର ମଧୁର ପ୍ରତିଶୋଧ ନେଇଛି। ଲିଗ୍‌ରେ ଗୁଜରାଟକୁ ପ୍ରଥମଥର ପାଇଁ ପରାଜୟ ସ୍ବାଦ ଚଖାଇଛି ଓଡ଼ିଶା ଜଗରନଟ୍ସ। ଏହି ଦଳର ଦିଲୀପ ୪ ମିନିଟ ୩୩ ସେକେଣ୍ଡ ଏବଂ ବିଶାଲ ୩ ମିନିଟ ୪ ସେକେଣ୍ଡ ଡିଫେଣ୍ଡ କରିବାରେ ସକ୍ଷମ ହୋଇଥିଲେ। ଓ୍ବାଜିର ଶୁଭାଶିଷ ସାନ୍ତ୍ରା ୪ ଖେଳାଳିଙ୍କୁ ଆଉଟ କରି ୧୦ ପଏଣ୍ଟ ଏବଂ ମିଲିନ୍ଦ ଚଭାରେକର ୭ ପଏଣ୍ଟ ହାସଲ କରି ଦଳକୁ ଫାଇଦାରେ ରଖିଥିଲେ। ଜାଏଣ୍ଟ୍ସ ପକ୍ଷରୁ ଅନିକେତ ପୋଟେ ଓ ସୟାଶ ଗାର୍ଗେଟ ଯଥାକ୍ରମେ ୯ ଓ ୮ ପଏଣ୍ଟ ହାସଲ କରିଥିଲେ। ଏହି ମ୍ୟାଚରେ ୬ ପଏଣ୍ଟ ହାସଲ କରିଥିବାରୁ ଗୁଜରାଟ ଅଲ୍‌ରାଉଣ୍ଡର ଅଭିନନ୍ଦନ ପାଟିଲ ମୁମ୍ବାଇ ଖିଲାଡିଜ୍‌ର ଦୁର୍ଭେଶ ସାଲୁଙ୍କେ (୩୦ ପଏଣ୍ଟ)ଙ୍କୁ ପଛରେ ପକାଇ ଲିଗ୍‌ର ଟପ୍‌ ଓ୍ବାଜିର ହୋଇଛନ୍ତି। ତାଙ୍କ ପଏଣ୍ଟ ସଂଖ୍ୟା ୩୫ରେ ପହଞ୍ଚତ୍ଛି।
ଓଡ଼ିଶା ଜଗରନଟ୍ସ ଟସ୍‌ ଜିତି ଡିଫେଣ୍ଡ ନିଷ୍ପତ୍ତି ନେଇଥିଲା। ପ୍ରଥମ ଟର୍ନ ଶେଷବେଳକୁ ଜାଏଣ୍ଟ୍ସ ୨୨-୪ରେ ଅଗ୍ରଣୀ ହୋଇଥିଲା। ମାତ୍ର ଓଡ଼ିଶା ଦଳ ଆଟାକ୍‌ରେ ୨୪ ପଏଣ୍ଟ ସଂଗ୍ରହ କରିବାରୁ ପ୍ରଥମ ଇନିଂସ ଶେଷବେଳକୁ ୨୮-୨୪ରେ ଅଗ୍ରଣୀ ହାସଲ କରିଥିଲା। ଓଡ଼ିଶା ଦଳର ଦିଲୀପଙ୍କ ଦୃଢ଼ ଡିଫେନ୍ସ ଯୋଗୁ ଗୁଜରାଟ ଦ୍ୱିତୀୟ ଆଟାକ୍‌ରେ ମାତ୍ର ୧୯ ପଏଣ୍ଟ ପାଇଥିଲା। ପରେ ଏମ.କେ. ଗୋଥାମ ଗୁଜରାଟର ସାଗର ପୋଟଦାରଙ୍କୁ ଆଉଟ କରିବା ସହ ଓଡ଼ିଶା ପାଇଁ ବିଜୟ ସ୍ପଷ୍ଟ କରିଥିଲେ। ଜାଏଣ୍ଟ୍ସ ନିଜର ପ୍ରଥମ ୩ ମ୍ୟାଚ୍‌ରେ ମୁମ୍ବାଇ ଖିଲାଡିଜ୍‌କୁ ୨ଥର ଏବଂ ଓଡ଼ିଶା ଜଗରନଟ୍ସକୁ ଥରେ ପରାସ୍ତ କରିଥିଲା। ୪ ମ୍ୟାଚରୁ ୧୦ ପଏଣ୍ଟ ସହ ଗୁଜରାଟ ଟେବୁଲର ଶୀର୍ଷସ୍ଥାନରେ ଅପରିବର୍ତ୍ତିତ ରହିଛି। ଅନ୍ୟପକ୍ଷରେ ଜଗରନଟ୍ସ ୪ ମ୍ୟାଚରୁ ୩ ବିଜୟ ସହ ୯ ପଏଣ୍ଟରେ ପହଞ୍ଚତ୍ଛି। ଏହି ଦଳ ଚେନ୍ନାଇ କୁଇକ୍‌ ଗନ୍ସକୁ ହରାଇ ଅଭିଯାନ ଆରମ୍ଭ କରିଥିବାବେଳେ ଦ୍ୱିତୀୟ ମ୍ୟାଚରେ ଗୁଜରାଟ ଦଳ ନିକଟରୁ ହାରିଯାଇଥିଲା। ତେବେ ତୃତୀୟ ମ୍ୟାଚ୍‌ରେ ରାଜସ୍ଥାନ ଓ୍ବାରିୟର୍ସକୁ ହରାଇ ସଫଳ ପ୍ରତ୍ୟାବର୍ତ୍ତନ କରିଥିଲା। ରବିବାର ଅନୁଷ୍ଠିତ ଅନ୍ୟ ଏକ ମ୍ୟାଚରେ ତେଲ୍‌ଗୁ ଯୋଦ୍ଧାସ ୮୩-୪୫ ପଏଣ୍ଟରେ ରାଜସ୍ଥାନ ଓ୍ବାରିୟର୍ସକୁ ହରାଇ ଦେଇଛି। ଫଳରେ ଯୋଦ୍ଧାସ ୨ୟ ଓ ଜଗରନଟ୍ସ ୩ୟ ସ୍ଥାନରେ ରହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଆଣବିକ ଶକ୍ତି, ପମ୍ପ୍‌ଡ ଷ୍ଟୋରେଜ୍‌, ଥର୍ମାଲ ପ୍ଲାଣ୍ଟକୁ ଗୁରୁତ୍ୱ ଦେଲେ ମୋଦି ସରକାର

ନୂଆଦିଲ୍ଲୀ,୨୪।୦୭: ଭାରତର ଶକ୍ତି ପରିବର୍ତ୍ତନ ଯୋଜନାରେ କ୍ଷୁଦ୍ର ମଡ୍ୟୁଲାର ଆଣବିକ ରିଆକ୍ଟର (ଏସ୍‌ଏମ୍‌ଆର୍‌), ପମ୍ପ୍‌ଡ ଷ୍ଟୋରେଜ ପ୍ରୋଜେକ୍ଟ ଏବଂ ଅଧିକ ଦକ୍ଷ ଥର୍ମାଲ ପ୍ଲାଣ୍ଟଗୁଡ଼ିକର ବିକାଶ...

ଶ୍ରାବଣରେ ମହାଦେବଙ୍କ ଶୁଭଦୃଷ୍ଟି ପାଇବାକୁ ଚାହାନ୍ତି କି, କରନ୍ତୁ ଏପରି…

ଶ୍ରାବଣ ମାସ ଆରମ୍ଭ ହୋଇଯାଇଛି। ବିଶ୍ୱାସ ରହିଛି ଯଦି ଭଗବାନ ଶିବ ଏହି ମାସରେ ସନ୍ତୁଷ୍ଟ ହୁଅନ୍ତି ତେବେ ସେ ଭକ୍ତର ପ୍ରତ୍ୟେକ ଇଚ୍ଛା ପୂରଣ...

ରାଜ୍ୟରେ ଲାଗୁ ହେବ ଆୟୁଷ୍ମାନ ଭାରତ

ଭୁବନେଶ୍ୱର,୨୨ା୭: ସୋମବାର ଆରମ୍ଭ ହୋଇଛି ସପ୍ତଦଶ ବିଧାନସଭାର ପ୍ରଥମ ଅଧିବେଶନ। ରାଜ୍ୟପାଳ ରଘୁବର ଦାସ ଅଧିବେଶନ ଆରମ୍ଭରେ ଅଭିଭାଷଣରେ ଓଡ଼ିଶାକୁ ପୂର୍ବ ଭାରତର ଶକ୍ତିଶାଳି ରାଜ୍ୟ...

କେମିତି ହେବ ଆଗାମୀ ବଜେଟ୍‌: ପ୍ରଧାନମନ୍ତ୍ରୀ ମୋଦି କଲେ ଖୁଲାସା

ନୂଆଦିଲ୍ଲୀ,୨୨।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବଜେଟ ଅଧିବେଶନ ପୂର୍ବରୁ ଦେଶକୁ ସମ୍ବୋଧିତ କରିଛନ୍ତି। ଏହି ସମୟରେ ବଜେଟ୍‌କୁ ନେଇ ପ୍ରଧାନମନ୍ତ୍ରୀ ନିଜ ମତ ପ୍ରକାଶ କରିଛନ୍ତି।...

ବିଧାୟକଙ୍କୁ କରିଦେଲେ ଓଜନ: ଏପଟେ ମିଠା ସେପଟେ ବିଧାୟକ, ଭିଡିଓ ଭାଇରାଲ

ବରଗଡ,୧୬।୭(ପ୍ରେମାନନ୍ଦ ଖମାରୀ): ବରଗଡ଼ ଜିଲା ଭଟଲି ବିଧାନସଭା ନିର୍ବାଚନମଣ୍ଡଳୀର ନବନିର୍ବାଚିତ ବିଧାୟକ ଇରାସିସ ଆଚାର୍ଯ୍ୟଙ୍କୁ ଅଭିନବ ସମ୍ବର୍ଦ୍ଧନା ଜ୍ଞାପନ କରାଯାଇଛି। ଭଟଲି ନିର୍ବାଚନମଣ୍ଡଳୀର ଅମ୍ବାଭୋନା ବ୍ଲକ...

୧୯ରେ ସିୟୁଇଟି-ୟୁଜି ପୁନଃପରୀକ୍ଷା କରିବ ଏନ୍‌ଟିଏ

ନୂଆଦିଲ୍ଲୀ,୧୫ା୭: ନ୍ୟାଶନାଲ ଟେଷ୍ଟିଂ ଏଜେନ୍ସି (ଏନ୍‌ଟିଏ) ୧,୦୦୦ରୁ ଊର୍ଦ୍ଧ୍ୱ ଛାତ୍ରୀଛାତ୍ରଙ୍କ ପାଇଁ କମନ ୟୁନିଭର୍ସିଟି ଏଣ୍ଟ୍ରାନ୍ସ ଟେଷ୍ଟ ଅଣ୍ଡରଗ୍ରାଜୁଏଟ୍‌ (ସିୟୁଇଟି-ୟୁଜି) ପରୀକ୍ଷା ୧୯ରେ ପୁଣିଥରେ କରାଇବାକୁ...

ଫାଇନାଲ ମ୍ୟାଚରେ ଆହତ ହେଲା ପରେ ଭୋ ଭୋ ହୋଇ କାନ୍ଦିଲେ ଲିଓନେଲ ମେସି

ମିଆମି,୧୫ା୭: କୋପା ଆମେରିକା ୨୦୨୪ ଫାଇନାଲ ମ୍ୟାଚରେ ଆହତ ହେବା ପରେ ନିଜର କୋହକୁ ସମ୍ଭାଳି ପରି ନାହାନ୍ତି ଆର୍ଜେଣ୍ଟିନାର ଲିଓନେଲ ମେସି। ମିଆମିର ହାର୍ଡ...

ଫେଲ୍‌ ମାରିଲା ରଣନୀତି, ଏନ୍‌ଡିଏ ସହ ଇଣ୍ଡିଆ ମେଣ୍ଟ ପ୍ରାର୍ଥୀଙ୍କୁ ହରାଇ ଚର୍ଚ୍ଚାରେ ଥିବା ଶଙ୍କର ସିଂ କିଏ?

ପାଟନା,୧୩।୭: ଶନିବାର ୭ ରାଜ୍ୟର ୧୩ ବିଧାନସଭା ଆସନରେ ଉପନିର୍ବାଚନ ଫଳାଫଳ ଆସିଛି। ଏଥିରେ ବିହାରର ରୁପୌଲି ଆସନର ଫଳାଫଳ ରାଜନୈତିକ ବିଶେଷଜ୍ଞଙ୍କୁ ଚକିତ କରିଛି।...

Advertisement
Mettle Meet 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri