ପୁରୁଷୋତ୍ତମପୁର,୩ା୭(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ବିଚାର ବିଭାଗୀୟ ଅଦାଲତର ତାଲୁକ ଆଇନ ସେବା କମିଟି ପକ୍ଷରୁ ଶୁକ୍ରବାର ନୂତନ ସିଭିଲ କୋର୍ଟ ପରିସରରେ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ସିନିୟର ସିଭିଲ ଜଜ୍ ତଥା ଆଇନ ସେବା କମିଟିର ଅଧ୍ୟକ୍ଷା ସୁମିତା ଆଚାର୍ଯ୍ୟ ଓ ପ୍ରଥମଶ୍ରେଣୀ ବିଚାରପତି ଅନନ୍ୟା ଅପର୍ମିତା ଯୋଗଦେଇ ବିଭିନ୍ନ ପ୍ରକାରର ଔଷଧିୟ ଓ ମୂଲ୍ୟବାନ ଚାରା ରୋପଣ କରିଥିଲେ। ଏହି କାର୍ଯ୍ୟକ୍ରମର ତାତ୍ପର୍ଯ୍ୟ ସହ ବୃକ୍ଷର ଆବଶ୍ୟକତା, ଉପକାରିତା ସମ୍ପର୍କରେ ଆଲୋକପାତ କରି ସବୁଜ ପରିବେଶ ସୃଷ୍ଟି ଲାଗି ସଚେତନ କରାଇ ବିଭିନ୍ନ ସ୍ଥାନରେ ଅଧିକରୁ ଅଧିକ ବୃକ୍ଷରୋପଣ କରିବାକୁ ପରାମର୍ଶ ଦେଇଥିଲେ। ଏଥିରେ ଓକିଲ ସଂଘ ସଭାପତି ପ୍ରକାଶଚନ୍ଦ୍ର ତ୍ରିପାଠୀ, ସମ୍ପାଦକ ରବୀନ୍ଦ୍ର ସାହୁ , ନରସିଂହ ଦାସ ହାଇସ୍କୁଲର ଶିକ୍ଷକ ବୃନ୍ଦାବନ ଡାକୁଆ, ଫରେଷ୍ଟର ଉର୍ମିଳା ବେହେରାଙ୍କ ସମେତ ବହୁ ଓକିଲ,ଛାତ୍ରୀଛାତ୍ର ଯୋଗଦେଇଥିଲେ।
