ଚଳିତ ବର୍ଷ ଶ୍ରୀକୃଷ୍ଣ ଜନ୍ମାଷ୍ଟମୀ ପର୍ୱ କେବଳ ଧାର୍ମିକ ଦୃଷ୍ଟିକୋଣରୁ ନୁହେଁ, ବରଂ ଜ୍ୟୋତିଷ ଶାସ୍ତ୍ର ଅନୁଯାୟୀ ମଧ୍ୟ ଅତ୍ୟନ୍ତ ବିରଳ ଏବଂ ଶୁଭଙ୍କର। ୪ ସେପ୍ଟେମ୍ୱର ଶୁକ୍ରବାର ଜନ୍ମାଷ୍ଟମୀରେ ଗ୍ରହମାନଙ୍କ ଅବସ୍ଥିତି ଅନେକ ଶୁଭ ରାଜଯୋଗ ସୃଷ୍ଟି କରୁଛି।
ଏହି ଦିନ ଚନ୍ଦ୍ର ତାଙ୍କ ଉଚ୍ଚ ରାଶି ବୃଷରେ ରହିବେ। ଶୁକ୍ର ନିଜ ରାଶି ତୁଳାରେ ରହି ମାଲବ୍ୟ ରାଜଯୋଗ ଏବଂ ସୂର୍ଯ୍ୟ-ବୁଧଙ୍କ ସିଂହ ରାଶିରେ ଯୁତି ଯୋଗୁଁ ବୁଧାଦିତ୍ୟ ରାଜଯୋଗ ନିର୍ମାଣ ହେଉଛି। ଏଥିସହ କର୍କଟ ରାଶିରେ ବୃହସ୍ପତିଙ୍କ ଉପସ୍ଥିତି ହଂସ ରାଜଯୋଗକୁ ଅତ୍ୟନ୍ତ ପ୍ରଭାବଶାଳୀ କରୁଛି। ଏହା ବ୍ୟତୀତ ମଙ୍ଗଳ ମିଥୁନରେ, ଶନି ମୀନରେ, ରାହୁ କୁମ୍ଭରେ ଏବଂ କେତୁ ସିଂହ ରାଶିରେ ରହିବେ।
ଏହି ଶୁଭ ଯୋଗଗୁଡ଼ିକ ଧନଲାଭ, ସଫଳତା, କ୍ୟାରିୟରରେ ଉନ୍ନତି ଓ ନୂତନ ସୁଯୋଗର ରାସ୍ତା ଖୋଲିବ। ଜାଣନ୍ତୁ ଭଗବାନ ଶ୍ରୀକୃଷ୍ଣ ଓ ଗ୍ରହମାନଙ୍କ ବିଶେଷ କୃପା କେଉଁ ୯ଟି ରାଶି ଉପରେ ରହିବ:
ମେଷ ରାଶି
ଆର୍ଥିକ କ୍ଷେତ୍ରରେ ବଡ଼ ଆଶ୍ୱସ୍ତି ମିଳିପାରେ। ଅଟକି ରହିଥିବା ଟଙ୍କା ଫେରି ପାଇବାର ସମ୍ଭାବନା ରହିଛି କିମ୍ୱା ଆୟର ନୂତନ ଉତ୍ସ ସୃଷ୍ଟି ହୋଇପାରେ। କାର୍ଯ୍ୟକ୍ଷେତ୍ରରେ କଠିନ ପରିଶ୍ରମର ଭଲ ଫଳ ମିଳିବ ଏବଂ କୌଣସି ଶୁଭ ଖବର ମିଳିପାରେ।
ବୃଷ ରାଶି
ଆପଣଙ୍କ ପାଇଁ ଏହି ଦିନ ଉତ୍ସାହ ଓ ସକାରାତ୍ମକତା ଆଣିଦେବ। ଆତ୍ମବିଶ୍ୱାସ ବୃଦ୍ଧି ପାଇବ ଏବଂ ଜରୁରୀ କାର୍ଯ୍ୟଗୁଡ଼ିକ ସଫଳତାର ସହ ସମ୍ପୂର୍ଣ୍ଣ ହେବ। ବ୍ୟକ୍ତିଗତ ତଥା ବୃତ୍ତିଗତ ଜୀବନ ପୂର୍ୱ ଅପେକ୍ଷା ବହୁତ ଭଲ ରହିବ।
କର୍କଟ ରାଶି
ଏହି ସମୟ ଆପଣଙ୍କ ପାଇଁ ବିଶେଷ ଲାଭଦାୟକ ପ୍ରମାଣିତ ହୋଇପାରେ। ରୋଜଗାରର ନୂତନ ସୁଯୋଗ ମିଳିବ ଏବଂ ବ୍ୟବସାୟ ସହ ଜଡ଼ିତ ଲୋକଙ୍କୁ ଉଲ୍ଲେଖନୀୟ ସଫଳତା ମିଳିବ। ପୁରୁଣା ସମ୍ପର୍କରୁ ମଧ୍ୟ ଲାଭ ମିଳିପାରେ।
ସିଂହ ରାଶି
ଅଟକି ରହିଥିବା କାମଗୁଡ଼ିକ ଭାଗ୍ୟ ବଳରେ ଦ୍ରୁତ ଗତିରେ ଆଗକୁ ବଢ଼ିବ। କୋର୍ଟ-କଚେରୀ କିମ୍ୱା ବିବାଦୀୟ ମାମଲାରେ ଫଳାଫଳ ଆପଣଙ୍କ ସପକ୍ଷରେ ଯାଇପାରେ। କ୍ୟାରିୟର କ୍ଷେତ୍ରରେ କିଛି ଉତ୍ସାହଜନକ ଖବର ମିଳିବାର ସମ୍ଭାବନା ରହିଛି।
କନ୍ୟା ରାଶି
କାମ, ବ୍ୟବସାୟ କିମ୍ୱା କୌଣସି ଜରୁରୀ ଉଦ୍ଦେଶ୍ୟରେ ଯାତ୍ରାର ଯୋଗ ବନୁଛି। ଭାଗ୍ୟର ସାଥ ମିଳିବା ଯୋଗୁଁ ନୂଆ ଯୋଜନା ଉପରେ କାମ ଆରମ୍ଭ କରିବାର ସୁଯୋଗ ପାଇବେ। ଧାର୍ମିକ କାର୍ଯ୍ୟକଳାପରେ ମନ ଲାଗିବ।
ବିଛା ରାଶି
ଜୀବନସାଥୀଙ୍କ ଠାରୁ ଭରପୂର ସହଯୋଗ ମିଳିବ, ଯାହା ଦାମ୍ପତ୍ୟ ଜୀବନରେ ଉତ୍ତମ ବୁଝାମଣା ଆଣିବ। ଚାକିରି କରୁଥିବା ବ୍ୟକ୍ତିଙ୍କ ପାଇଁ ଦିନଟି ବେଶ ଭଲ ରହିବ; କାର୍ଯ୍ୟକ୍ଷେତ୍ରରେ ସ୍ଥିତି ମଜଭୁତ ହେବା ସହ ଦାୟିତ୍ୱ ସଫଳତାର ସହ ର୍ନିବାହ କରିପାରିବେ।
ଧନୁ ରାଶି
କିଛି ପ୍ରତିଯୋଗିତା ବା ବିରୋଧର ସାମ୍ନା କରିବାକୁ ପଡ଼ିପାରେ, କିନ୍ତୁ ବିରୋଧୀମାନେ ଆପଣଙ୍କର କୌଣସି କ୍ଷତି କରିପାରିବେ ନାହିଁ। ଆପଣଙ୍କ କାର୍ଯ୍ୟଦକ୍ଷତା ଓ ଆତ୍ମବିଶ୍ୱାସ ବଜାୟ ରହିବ ଏବଂ କଠିନ ପରିସ୍ଥିତିରୁ ସହଜରେ ବାହାରି ପାରିବେ।
କୁମ୍ଭ ରାଶି
ଜମି, ବାସଗୃହ କିମ୍ୱା ଗାଡ଼ି କିଣିବା ସମ୍ୱନ୍ଧୀୟ ମାମଲାରେ ଅନୁକୂଳ ପରିସ୍ଥିତି ସୃଷ୍ଟି ହେବ। ସମ୍ପତ୍ତି କିଣିବାକୁ ଯୋଜନା କରୁଥିଲେ ସମୟ ଉପଯୁକ୍ତ ରହିଛି। ପାରିବାରିକ ଜୀବନରେ କୌଣସି ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇପାରେ।
ମୀନ ରାଶି
କାର୍ଯ୍ୟ ଓ ବ୍ୟବସାୟ ଦୃଷ୍ଟିକୋଣରୁ ଦିନଟି ବହୁତ ଭଲ ପ୍ରମାଣିତ ହେବ। ଆପଣଙ୍କ କଠିନ ପରିଶ୍ରମ ରଙ୍ଗ ଆଣିବ ଏବଂ ନୂଆ ଦାୟିତ୍ୱ ପୂରଣ କରିବାରେ ସଫଳ ହେବେ। ବ୍ୟବସାୟରେ ଉନ୍ନତିର ସଙ୍କେତ ମିଳୁଛି। ନିଜ ନିଷ୍ପତ୍ତି ଉପରେ ଭରସା ରଖିଲେ ଉତ୍ତମ ଫଳାଫଳ ପ୍ରାପ୍ତ ହେବ।
