ଲଣ୍ଡନ,୧୮।୧୦: ଇସ୍ରାଏଲ-ହମାସ ବିବାଦ ଯୋଗୁ ଉତ୍ତେଜନା ବୃଦ୍ଧି ପାଉଛି। ଉଭୟ ପାର୍ଶ୍ୱରୁ ପ୍ରାୟ ପାଞ୍ଚ ହଜାର ଲୋକଙ୍କ ମୃତ୍ୟୁ ଘଟିଛି। ଏଭଳି ପରିସ୍ଥିତିରେ ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକ ଏହି ସପ୍ତାହରେ ଇସ୍ରାଏଲ ଗସ୍ତ କରିବାକୁ ଯାଉଛନ୍ତି ବୋଲି ସୂଚନା ଆସୁଛି। ତେବେ ଏ ପର୍ଯ୍ୟନ୍ତ କୌଣସି ସରକାରୀ ନିଶ୍ଚିତକରଣ କରାଯାଇ ନାହିଁ।
ଡାଉନିଂ ଷ୍ଟ୍ରିଟ ମୁଖପାତ୍ର ଏହି ରିପୋର୍ଟ ନିଶ୍ଚିତ କରିବାକୁ ମନା କରି ଦେଇଛନ୍ତି। ଗତ ସପ୍ତାହରେ ବୈଦେଶିକ ମନ୍ତ୍ରୀ ଜେମ୍ସ କ୍ଲେିଭର୍ଲି ଇସ୍ରାଏଲ ଗସ୍ତରେ ଆସିଥିଲେ। ସେ ହମାସ ଆକ୍ରମଣ ପରେ ଇସ୍ରାଏଲ ଲୋକଙ୍କ ସହ ଏକତା ଦେଖାଇବାକୁ ଯାତ୍ରା କରିଥିଲେ।
ସୁନକ କହିଛନ୍ତି, ଅନ୍ତର୍ଜାତୀୟ ମାନବିକ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଆବଶ୍ୟକ। ଏଥିସହ ଏହା ମଧ୍ୟ ହେଉଛି ସେମାନେ ଏକ ଗୋଷ୍ଠୀ ସହ ଲଢୁଛନ୍ତି ଯାହା ସାଧାରଣ ନାଗରିକଙ୍କୁ ଅଟକାଇ ରଖିଛି। ସେ କହିଛନ୍ତି ଯେ ଜଣେ ବନ୍ଧୁ ଭାବରେ ସେ ଇସ୍ରାଏଲର ନାଗରିକଙ୍କ ସୁରକ୍ଷା ପାଇଁ ସମସ୍ତ ସତର୍କତା ଅବଲମ୍ବନ କରିବେ।
