ଭଣ୍ଡାରିପୋଖରୀ, ୧୮।୧୦(ରବିନାରାୟଣ ଖିଲାର): ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକର ମାଳଦା ଜଗନ୍ନାଥ ବଣିକ ସଂଘଠାରେ ଗଜଲକ୍ଷ୍ମୀ ପୂଜାରେ ଭଣ୍ଡାରିପୋଖରୀ ମହୋତ୍ସବ ନେଇ ଏକ ପ୍ରସ୍ତୁତି ବୈଠକ ସ୍ଥାନୀୟ ବାରିକପୁରସ୍ଥିତ ରାମ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି। ଶିକ୍ଷାବିତ୍ କାର୍ତ୍ତିକ ଚନ୍ଦ୍ର ସ୍ବାଇଁ ଏଥିରେ ସଭାପତିତ୍ୱ କରିଥିଲେ। ଶିକ୍ଷାବିତ୍ ପୁରୁଷୋତ୍ତମ ଧଳ, ସନ୍ତୋଷ ସାହୁ, ରାଜ୍ୟସ୍ତରୀୟ ମହୋତ୍ସବ କମିଟିର ସଭାପତି ଖବରଦାତା ରବିନାରାୟଣ ଖିଲାର, ଶିକ୍ଷାବିତ୍ ଘନଶ୍ୟାମ ସ୍ବାଇଁ, ଜଗନ୍ନାଥ ନାୟକ, ହିମାଂଶୁ ଭୂଷଣ ରାଉତ, ଭରତ ଚନ୍ଦ୍ର ସାହୁ, ନାରାୟଣ ପୋଥାଳ, ନାରାୟଣ ସ୍ବାଇଁ, ଅକ୍ଷୟ ମହାନ୍ତି, ଡା. ନିରଞ୍ଜନ ଓଝା, ପ୍ରଫୁଲ୍ଲ ସାହୁ, ପ୍ରଫୁଲ୍ଲ ନାୟକ, ପବନ ନାୟକ ପ୍ରମୁଖ ଯୋଗ ଦେଇଥିଲେ। ମହୋତ୍ସବ କିପରି ଆକର୍ଷଣୀୟ ହୋଇପାରିବ, ସେଥିନେଇ ଉପସ୍ଥିତ କର୍ମକର୍ତ୍ତାମାନେ ମତ ରଖିଥିଲେ। ଆସନ୍ତା ୨୯ ତାରିଖରୁ ଏହି ମହୋତ୍ସବ ଆରମ୍ଭ ହେବାକୁ ଥିବାବେଳେ ବିଧାୟକ ପ୍ରଫୁଲ୍ଲ ସାମଲ ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି। ୭ଦିନ ଧରି ମହୋତ୍ସବ ଚାଲିବ। ପ୍ରତ୍ୟେହ ସାରେ ପିଲାମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ସହ ପାଲା ପରିବେଷଣ, କବିତା ପାଠୋତ୍ସବ, ଆଲୋଚନାଚକ୍ର, ମେଲୋଡ଼ି, ମୋଗଲ ତାମସା, ସରକାରୀ ପ୍ରୋତ୍ସାହନରେ ସାଂସ୍କୃତିକ ଉତ୍ସବ ଆଦି କାର୍ଯ୍ୟକ୍ରମ ରହିଥିବା ସଂଘ କର୍ମକର୍ତ୍ତାମାନେ ପ୍ରକାଶ କରିଛନ୍ତି।
