ଗାଜିପୁର,୫।୨: ଉତ୍ତର ପ୍ରଦେଶ-ଦିଲ୍ଲୀର ଗାଜିପୁର ସୀମାରେ ନୂଆ କୃଷି ଆଇନ ବିରୋଧରେ ଚାଲିଥିବା କୃଷକ ଆନ୍ଦୋଳନକୁ ବାହ୍ୟ ଯୋଗାଯୋଗରୁ ବିଚ୍ଛିନ୍ନ କରିବା ପାଇଁ ବ୍ୟାରିକେଡ ବ୍ୟବସ୍ଥା କରାଯାଇଛି। ରାସ୍ତାରେ ଲଗାଯାଇଛି ଲୁହାକଣ୍ଟା। ସୋସିଆଲ ମିଡିଆରେ ଗୁରୁବାର ଲୁହାକଣ୍ଟା ଉଠାଯାଉଥିବାର କିଛି ଫଟୋ ଓ ଭିଡିଓ ସାମ୍ନାକୁ ଆସିଥିଲା। ଏହା ଉପରେ ଗୁରୁବାର ପତିକ୍ରିୟା ରଖିଛନ୍ତି ପୂର୍ବ ଦିଲ୍ଲୀର ଡେପୁଟି କମିଶନର ଦୀପକ ଯାଦବ।
ଗାଜିପୁର ସୀମାରୁ ଲୁହାକଣ୍ଟା ଉଠାଯାଇଥିବା ଭିଡିଓ ଓ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ସେଗୁଡ଼ାକୁ କେବଳ ସ୍ଥାନାନ୍ତର କରାଯାଇଛି ଉଠା ଯାଇନାହିଁ। ସୀମାରେ ସୁରକ୍ଷା ବ୍ୟବସ୍ଥା ପୂର୍ବଭଳି ରହିଥିବା ସେ କହିଛନ୍ତି। ଭାରତୀୟ କିଷାନ ୟୁନିୟନ ନେତା ରାକେଶ ଟିକାଏତ୍ ଭାବବିହ୍ବଳ ହେବାବେଳର ଭିଡିଓ ଭାଇରାଲ ହେବା ପରେ ଗାଜିପୁର ସୀମାରେ କୃଷକଙ୍କ ସଂଖ୍ୟା ବଢ଼ିବାରେ ଲାଗିଛି। ଏହାକୁ ଦୃଷ୍ଟିରେ ରଖି ଦିଲ୍ଲୀ ପୋଲିସ ବ୍ୟାରିକେଡିଂ କରିଛି।
