ୟୁଏଇ,୨୦।୯: ଇଣ୍ଡିଆନ ପ୍ରିମିୟର ଲିଗ (ଆଇପିଏଲ ୨୦୨୧)ର ୧୪ ତମ ସିଜନ ଦ୍ୱିତୀୟ ପର୍ଯ୍ୟାୟ ଆରମ୍ଭ ହୋଇଛି। ଦ୍ୱିତୀୟ ପର୍ଯ୍ୟାୟର ପ୍ରଥମ ମ୍ୟାଚ ମୁମ୍ବାଇ ଇଣ୍ଡିଆନ୍ସ ଏବଂ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ଖେଳାଯାଇଥିଲା। ଏହି ମ୍ୟାଚ୍ରେ ଧୋନୀଙ୍କ ସିଏସକେ ମୁମ୍ବାଇକୁ ୨୦ ରନରେ ପରାସ୍ତ କରିଛି। ଓପନର ଋତୁରାଜ ଗାଇକ୍ୱାଡଙ୍କ ଅପରାଜିତ ଅର୍ଦ୍ଧଶତକ ପରେ ଡ୍ବେନ ବ୍ରାଭୋ ଏବଂ ଦୀପକ ଚହର ଚମତ୍କାର ବୋଲିଂ ଆଧାରରେ ଚେନ୍ନାଇ ସୁପର କିଙ୍ଗସ ଏହି ମ୍ୟାଚ୍ ଜିତି ପଏଣ୍ଟ ଟେବୁଲ (ଆଇପିଏଲ ୨୦୨୧ ପଏଣ୍ଟ ଟେବୁଲ)ର ଶୀର୍ଷରେ ପହଞ୍ଚିଛି। ପଏଣ୍ଟ ଟେବୁଲର ଶୀର୍ଷରେ ପହଞ୍ଚିବା ସହିତ ସିଏସକେର ଋତୁରାଜ ଗାଇକ୍ୱାଡ ଏବଂ ଦୀପକ ଚହର ଯଥାକ୍ରମେ ଅରେଞ୍ଜ୍ କ୍ୟାପ ଏବଂ ପର୍ପଲ କ୍ୟାପ ଦୌଡ଼ରେ ଶ୍ରେଷ୍ଠ ୫ ତାଲିକାରେ ପ୍ରବେଶ କରିଛନ୍ତି।
ତାଙ୍କର ଉଜ୍ଜ୍ୱଳ ଇନିଂସ ଆଧାରରେ ବର୍ତ୍ତମାନ ଋତୁରାଜ ଗାଇକ୍ୱାଡ ଆଇପିଏଲ ୧୪ରେ ୮ ଟି ମ୍ୟାଚରେ ୨୮୪ ରନ ସହ ପଞ୍ଚମ ସ୍ଥାନରେ ରହିଛନ୍ତି। ଏଥି ସହିତ ଦିଲ୍ଲୀ କ୍ୟାପିଟାଲ୍ସର ଶିଖର ଧାୱନ ୮ଟି ମ୍ୟାଚରେ ୩୮୦ରନ ସହ ତାଲିକାର ଶୀର୍ଷରେ ଅଛନ୍ତି। ପଞ୍ଜାବ କିଙ୍ଗ୍ସର ଅଧିନାୟକ କେ.ଏଲ ରାହୁଲ ୭ଟି ମ୍ୟାଚରେ ୩୩୧ ରନ ସହ ଦ୍ୱିତୀୟ ସ୍ଥାନରେ ଅଛନ୍ତି। ସିଏସ୍କେର ଫାଫ ଡୁ ପ୍ଲେସିସ ୮ଟି ମ୍ୟାଚ ରେ ୩୨୦ ରନ ସହ ତୃତୀୟ ସ୍ଥାନରେ ଅଛନ୍ତି । ଦିଲ୍ଲୀ କ୍ୟାପିଟାଲର ପୃଥ୍ବୀ ଶ’ ଚତୁର୍ଥ ସ୍ଥାନରେ ଅଛନ୍ତି। ସେ ୮ ଟି ମ୍ୟାଚରେ ୩୦୮ ରନ ସଂଗ୍ରହ କରିଛନ୍ତି।
