ଭୋଗରାଇ, ୨୯ା୪(ପ୍ରଦୀପ ଦାସ):ଦିନରେ ଘର ଘର ବୁଲି ଚୁଟି ବେପାର କରୁଥିଲେ। ରାତି ହେଲେ ଘରେ ପଶି ଟଙ୍କା ପଇସା, ସୁନାଗହଣା ଲୁଟ୍ କରି ଚମ୍ପଟ ମାରୁଥିଲେ। ଏଭଳି ଘଟଣା ଉଭୟ ଓଡ଼ିଶା ଓ ପଶ୍ଚିମବଙ୍ଗ ସୀମାନ୍ତ ଗାଁରେ ଦୈନନ୍ଦିନ ଘଟିଚାଲିଥିବା ବେଳେ ଦୁଇ ରାଜ୍ୟର ପୋଲିସକୁ ଚକ୍ମା ଦେଖାଇ ଲୁଟେରା ଖସିଯାଉଥିଲେ। ଏହି ଲୁଟେରା ଘରେ କଳାକନା ବୁଲାଇବା ସହିତ ବିଭିନ୍ନ ମନ୍ଦିରରେ ଠାକୁରଙ୍କର ଅଳଙ୍କାର, ଦାନବାକ୍ସରୁ ଟଙ୍କା ଲୁଟ୍ ଓ ଛିନତାଇ ଭଳି ସଙ୍ଗୀନ ଅଭିଯୋଗ ପୋଲିସ ଥାନାରେ ହୋଇଥିଲା। ଏହି ଅଭିଯୁକ୍ତ ହେଲେ ପଶ୍ଚିମବଙ୍ଗ ପୂର୍ବମେଦିନୀପୁର ଜିଲା ରାମନଗର ଥାନା ସନ୍ତେଶରପୁର ଗ୍ରାମର ଏସ୍. କେ. ଅଜିତ। ଅଭିଯୁକ୍ତଙ୍କ ନାମରେ ଉଭୟ ରାଜ୍ୟରେ ୪୦ରୁ ଊର୍ଦ୍ଧ୍ୱ ମାମଲା ରହିଥିବା ବେଳେ ଭୋଗରାଇ ଥାନାରେ ୧୧ଟି ଫୌଜଦାରୀ ମାମଲା ରହିଥିବା ପୋଲିସ ସୂତ୍ରରୁ ପ୍ରକାଶ। ପୋଲିସ ଅଭିଯୁକ୍ତଙ୍କୁ ଗିରଫ କରି ତାଙ୍କଠାରୁ ପାଖାପାଖି ୫ ଲକ୍ଷ ଟଙ୍କାର ସୁନା ରୁପା ସହ ନଗଦ ଟଙ୍କା ଓ ବାଇକ ଜବତ କରିଛି।
Dharitri – Odisha’s No.1 Odia Daily
