ଇନ୍ଦୋର,୧୨।୮:ନକଲି ଫେସବୁକ ଆଇଡି ଜରିଆରେ ନିଜ ପୋଲିସ ସ୍ବାମୀଙ୍କୁ ଫସେଇ ଦେଇଛନ୍ତି ସ୍ବାମୀ। କେବଳ ଏତିକି ନୁହେଁ, ଥାନାରେ ସ୍ବାମୀଙ୍କ ନାଁରେ ମାମଲା ମଧ୍ୟ ରୁଜୁ କରିଛନ୍ତି। ଏହା ପରେ ଇନ୍ଦୋର ଡିଜଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି। ସ୍ତ୍ରୀ ଅଭିଯୋଗ କରିଛନ୍ତି ଯେ, ତାଙ୍କ ସ୍ବାମୀ ତାଙ୍କୁ ଯୌତୁକ ପାଇଁ ମଧ୍ୟ ଦୀର୍ଘ ଦିନ ଧରି ହଇରାଣ କରୁଥିଲେ। ସ୍ତ୍ରୀଙ୍କ କହିବାନୁସାରେ, ସେ ତାଙ୍କ ସ୍ବାମୀଙ୍କୁ ଚରିତ୍ର ବିଷୟରେ ଜାଣିବାକୁ ଯୋଜନା କରିଥିଲେ। ଫେସବୁକରେ ରୁହ ନାମରେ ଏକ ନକଲି ପ୍ରୋଫାଇଲ ତିଆରି କରିଥିଲେ ଏବଂ ସତ୍ୟମଙ୍କ ସହିତ କଥାବାର୍ତ୍ତା ଆରମ୍ଭ କରିଥିଲେ। ସତ୍ୟମ ପ୍ରଥମେ ବନ୍ଧୁତା କଲେ ଏବଂ ପରେ ପ୍ରେମ ବ୍ୟକ୍ତ କଲେ। ତାଙ୍କ ସ୍ତ୍ରୀଙ୍କ ଅନୁଯାୟୀ ସତ୍ୟମ ଅଶ୍ଳୀଳ କଥା କହିବା ଆରମ୍ଭ କରିଥିଲେ, କେବଳ ସେତିକି ନୁହେଁ, ସେ ଶାରୀରିକ ସମ୍ପର୍କ ଏବଂ ସାକ୍ଷାତ ପାଇଁ ଚାପ ପକାଇବା ମଧ୍ୟ ଆରମ୍ଭ କରିଥିଲେ। ଏହାପରେ ସତ୍ୟମ ରୁହିକୁ ସାକ୍ଷାତ କରିବାକୁ ଜିଦ ଧରିବା ଆରମ୍ଭ କଲେ। ରୁହି ରାଜି ହୋଇଥିଲେ। ଯେତେବେଳେ ପୋଲିସ ଝିଅ ବନ୍ଧୁଙ୍କ ବଦଳରେ ତାଙ୍କ ସ୍ତ୍ରୀଙ୍କୁ ଦେଖିଥିଲା। ସେତେବେଳେ ସେ ଆଶ୍ଚର୍ଯ୍ୟ ହୋଇଯାଇଥିଲେ। ଏବେ ତାଙ୍କ ସ୍ତ୍ରୀ ତାଙ୍କ ଅଶ୍ଳୀଳ ଚାଟର ସ୍କ୍ରିନ ଶଟ ନେଇ ପୋଲିସ ବିଭାଗର ବରିଷ୍ଠ ଅଧିକାରୀଙ୍କ ନିକଟରେ ଅଭିଯୋଗ କରିଛନ୍ତି।
ପୋଲିସ ବିଭାଗର ସ୍ବତନ୍ତ୍ର ଶାଖାରେ କାର୍ଯ୍ୟ କରୁଥିବା ସତ୍ୟମ ୨୦୧୯ରେ ଇନ୍ଦୋରର ସୁଖାଲିଆ ଅଞ୍ଚଳରେ ରହୁଥିବା ଜଣେ ମହିଳାଙ୍କୁ ବିବାହ କରିଥିଲେ। ମହିଳା ଏବଂ ତାଙ୍କ ପରିବାର ଅଭିଯୋଗ କରିଛନ୍ତି ଯେ ବିବାହର କିଛି ସମୟ ପରେ ପୋଲିସ କର୍ମଚାରୀ ଏବଂ ତାଙ୍କ ପରିବାର ଝିଅକୁ ଯୌତୁକ ନିର୍ଯାତନା ଦେବା ଆରମ୍ଭ କରିଥିଲେ। ଏହା ପୂର୍ବରୁ ପୋଲିସ ଅଧିକାରୀଙ୍କ ନିକଟରେ ଅଭିଯୋଗ କରାଯାଇଥିଲା। ସେତେବେଳେ କୌଣସି ଶୁଣାଣି ହୋଇ ନ ଥିଲା। ଅଭିଯୁକ୍ତଙ୍କ ସ୍ତ୍ରୀ କହିଛନ୍ତି ଯେ ନିର୍ଯାତନା ଆଗକୁ ବଢିବା ସହ ସେ କିଛି ସମୟ ପରେ ଶାଶୁଙ୍କୁ ଛାଡି ନିଜ ବାପଘରକୁ ଯାଇଥିଲେ। ଏହି ସମୟ ମଧ୍ୟରେ ସତ୍ୟମ ତାଙ୍କ ସ୍ତ୍ରୀଙ୍କ ସହ ଯୋଗାଯୋଗ କରି ନ ଥିଲେ।
