Posted inଜାତୀୟ

ଭାରତର ଭାକ୍ସିନ୍‌ ଆଶା

ନୂଆଦିଲ୍ଲୀ, ୨୦ା୧୧:କରୋନା ମହାମାରୀର ମୁକାବିଲା ଲାଗି ଟିକା ପ୍ରସ୍ତୁତିକୁ ନେଇ ବିଶ୍ୱବ୍ୟାପୀ ଚାଲିଥିବା ପ୍ରତିଯୋଗିତା ଏବେ ଗୁରୁତ୍ୱପୂର୍ଣ୍ଣ ପର୍ଯ୍ୟାୟରେ ପହଞ୍ଚତ୍ଛି। ଆମେରିକୀୟ କମ୍ପାନୀ ଫାଇଜର ଏବଂ ମଡର୍ନା ଇତିମଧ୍ୟରେ ସେମାନଙ୍କ ଟିକାର ଚୂଡ଼ାନ୍ତ ପରୀକ୍ଷା ଫଳାଫଳ ଘୋଷଣା କରି ବିଭିନ୍ନ ଦେଶ ପାଇଁ ଆଶା ସଞ୍ଚାର କରିଛନ୍ତି। ୯୫ ପ୍ରତିଶତ ଫଳପ୍ରଦ ଫାଇଜର ଟିକା ଏବେ ବ୍ୟବହାର ନିମନ୍ତେ ଅନୁମୋଦନ ପାଇଁ ଆବେଦନ କରିଛି। ତେବେ ଏହି ଟିକା ପାଇଁ ଆବଶ୍ୟକ ହେଉଥିବା ସୁପର-କୋଲ୍ଡ ଷ୍ଟୋରେଜ୍‌ ଭାରତରେ ମିଳିବା ସମ୍ଭବ ନୁହେଁ ବୋଲି ବିଶେଷଜ୍ଞମାନେ କହିଛନ୍ତି। ତେବେ ୧୩୦ କୋଟି ଦେଶବାସୀଙ୍କ ପାଇଁ ଟିକା ଉତ୍ପାଦନ ଓ ସଂଗ୍ରହ ନିମନ୍ତେ ଭାରତ ଫାଇଜର ସମେତ କେତେକ କମ୍ପାନୀ ସହ ଆଲୋଚନା ଚଳାଇଛି।
ଅକ୍ସଫୋର୍ଡ-ଅଷ୍ଟ୍ରାଜେନିକା
ଭାରତ ଏପର୍ଯ୍ୟନ୍ତ କରିଥିବା ଭାକ୍ସିନ୍‌ ଡିଲ୍‌ ମଧ୍ୟରୁ ଅକ୍ସଫୋର୍ଡ-ଅଷ୍ଟ୍ରାଜେନିକା ସବୁଠୁ ଅଧିକ ନିର୍ଭରଯୋଗ୍ୟ ବୋଲି କୁହାଯାଉଛି। ୧୦୦ କୋଟି କୋଭିଡ୍‌ ଟିକା ଉତ୍ପାଦନ ଓ ଯୋଗାଣ ଲାଗି ଭାରତର ସେରମ୍‌ ଇନ୍‌ଷ୍ଟିଚ୍ୟୁଟ୍‌ ଅଷ୍ଟ୍ରାଜେନିକା ସହ କାର୍ଯ୍ୟ କରୁଛି। କୋଭିଶିଲ୍ଡ ନାମରେ ଆସିବାକୁ ଥିବା ଏହି ଭାକ୍ସିନ୍‌ ଭାରତରେ ତୃତୀୟ ପର୍ଯ୍ୟାୟ ପରୀକ୍ଷା ଶେଷ କରିବାକୁ ଯାଉଛି। ମହାମାରୀ ରୋକିବାରେ ଏହା ବାସ୍ତବ ସମାଧାନ ହୋଇପାରିବ ବୋଲି ଦ୍ୱିତୀୟ ଓ ତୃତୀୟ ପରୀକ୍ଷା ତଥ୍ୟକୁ ଆଧାର କରି ଆଇସିଏମ୍‌ଆର୍‌ କହିଛି। ଏହାର ଅନ୍ତରୀଣ ଫଳାଫଳ ଖୁବ୍‌ଶୀଘ୍ର ଆସିବା ଆଶା କରାଯାଉଛି। ଯଦି ଏହା ସଫଳ ହୁଏ ତେବେ ବର୍ଷ ଶେଷ ସୁଦ୍ଧା ବଜାରରେ ଉପଲବ୍ଧ ହେବ। କ୍ଷତିକାରକ ହୋଇ ନଥିବା ସାଧାରଣ ଥଣ୍ଡା ରୋଗ ଭୂତାଣୁ ଏବଂ ଆଡେନୋ ଭୂତାଣୁର ଦୁର୍ବଳ ଭର୍ସନକୁ ଆଧାର କରି ଅକ୍ସଫୋର୍ଡ ଉକ୍ତ ଟିକା ପ୍ରସ୍ତୁତ କରିଛି। ଏହାକୁ ୨ରୁ ୮ ଡିଗ୍ରୀ ସେଲ୍‌ସିୟସ୍‌ ତାପମାତ୍ରାରେ ଗଚ୍ଛିତ ରଖାଯାଇପାରିବ।
ଫାଇଜର ଓ ମଡର୍ନା
ଆମେରିକାର ଫାଇଜର-ବାୟୋଏନ୍‌ଟେକ୍‌ ଏବଂ ମଡର୍ନା କମ୍ପାନୀ ପକ୍ଷରୁ ପ୍ରସ୍ତୁତ ଟିକା ଯଥାକ୍ରମେ ୯୫% ଓ ୯୪.୫% ସଫଳ ବୋଲି ଚୂଡ଼ାନ୍ତ ପରୀକ୍ଷା ଫଳାଫଳରୁ ଜଣାପଡ଼ିଥିବା ସେମାନେ ଦାବି କରିଛନ୍ତି। ତେବେ ଫାଇଜର ଟିକା ପାଇଁ ବିଯୁକ୍ତ ୭୦ ଡିଗ୍ରୀ ତାପମାତ୍ରା ଆବଶ୍ୟକ ପଡ଼ୁଥିବାରୁ ଏହା ଭାରତ ପକ୍ଷେ ସମ୍ଭବ ନୁହେଁ। ଅନ୍ୟପକ୍ଷରେ ମଡର୍ନା ଟିକାକୁ ବିଯୁକ୍ତ ୨୦ ଡିଗ୍ରୀ ତାପମାତ୍ରାରେ ସଂରକ୍ଷିତ ରଖାଯାଇପାରିବ। ଏଭଳି କମର୍ସିଆଲ ଡିପ୍‌ ଫ୍ରିଜ୍‌ ଭାରତରେ ଉପଲବ୍ଧ।
କୋଭାକ୍ସିନ୍‌
ଭାରତ ବାୟୋଟେନ୍‌ ଭାରତୀୟ ଭେଷଜ ଗବେଷଣା ପରିଷଦ (ଆଇସିଏମ୍‌ଆର୍‌) ସହ ମିଶି କୋଭାକ୍ସିନ ଟିକା ପ୍ରସ୍ତୁତ କରୁଛି। ଦୁଇଟି ପର୍ଯ୍ୟାୟ ପରୀକ୍ଷାରୁ ଏହା ନିରାପଦ ଏବଂ କୌଣସି ପ୍ରତିକୂଳ ପ୍ରଭାବ ନ ଥିବା ଜଣାପଡିଛି। ପରୀକ୍ଷାରେ ଭାଗ ନେଇଥିବା ୯୦ ପ୍ରତିଶତରୁ ଅଧିକ ଲୋକଙ୍କ ଶରୀରରେ ଆଣ୍ଟିବଡ଼ି ବିକଶିତ ହୋଇଥିବା କମ୍ପାନୀ ପକ୍ଷରୁ କୁହାଯାଇଛି। ତୃତୀୟ ପର୍ଯ୍ୟାୟ ପରୀକ୍ଷାରେ ପ୍ରବେଶ କରିଥିବା ଏହି ଭାକ୍ସିନ୍‌କୁ ୨ରୁ ୮ ଡିଗ୍ରୀ ସେଲ୍‌ସିୟସ୍‌ ତାପମାତ୍ରାରେ ରଖାଯାଇପାରିବ।
ସ୍ପୁଟ୍‌ନିକ ଭି
ସ୍ପୁଟ୍‌ନିକ୍‌ ଭି ଟିକା ପାଇଁ ଭାରତ ରୁଷିଆର ଗାମାଲେୟା ରିସର୍ଚ୍ଚ ଇନ୍‌ଷ୍ଟିଚ୍ୟୁଟ୍‌ ସହ ଡିଲ୍‌ କରିଛି। ଏହି ଟିକା ୯୨ ପ୍ରତିଶତ ଫଳପ୍ରଦ ବୋଲି କମ୍ପାନୀ ପକ୍ଷରୁ କୁହାଯାଇଛି। ଉକ୍ତ ଟିକା ଭାରତରେ ପ୍ରସ୍ତୁତ କରିବା ଲାଗି ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ ମଙ୍ଗଳବାର ବ୍ରିକ୍ସ ସମିଟ୍‌ରେ ପ୍ରସ୍ତାବ ଦେଇଥିଲେ। ଭାରତରେ ଡ. ରେଡିସ୍‌ ଏହି ଟିକାର ଦ୍ୱିତୀୟ ଓ ତୃତୀୟ ପର୍ଯ୍ୟାୟ ପରୀକ୍ଷା ଖୁବ୍‌ଶୀଘ୍ର ଆରମ୍ଭ କରିବ। ଏହାକୁ ବିଯୁକ୍ତ ୨୦ରୁ ବିଯୁକ୍ତ ୭୦ ଡିଗ୍ରୀ ତାପମାତ୍ରା ମଧ୍ୟରେ ରଖାଯାଇପାରିବ।
ନୋଭାଭାକ୍ସ
ଏହି ଟିକାର ତୃତୀୟ ପର୍ଯ୍ୟାୟ ପରୀକ୍ଷା ଆରମ୍ଭ ହୋଇ ନ ଥିବା ବେଳେ ସଫଳ ହେଲେ ଆସନ୍ତାବର୍ଷ ଦ୍ୱିତୀୟାର୍ଦ୍ଧରେ ଉପଲବ୍ଧ ହେବା ଆଶା କରାଯାଉଛି। ବର୍ଷକୁ ୨୦୦ କୋଟି ନୋଭାଭାକ୍ସ ପ୍ରସ୍ତୁତ ଲାଗି ଉକ୍ତ କମ୍ପାନୀ ସହ ଭାରତର ସେରମ୍‌ ଇନ୍‌ଷ୍ଟିଚ୍ୟୁଟ ଚୁକ୍ତି ସ୍ବାକ୍ଷର କରିଛନ୍ତି।
ଜାଇଡସ୍‌ କାଡିଲା
ଭାରତର ଟିକା ଉତ୍ପାଦନକାରୀ କମ୍ପାନୀ ଜାଇଡସ୍‌ କାଡିଲା ଡିଏନ୍‌ଏ ଆଧାରିତ ଭାକ୍ସିନ ଜାଇକୋଭ୍‌-ଡିର ପରୀକ୍ଷା ଆରମ୍ଭ କରିଛି। ଡିସେମ୍ବରରେ ଏହାର ତୃତୀୟ ପର୍ଯ୍ୟାୟ ପରୀକ୍ଷା ହେବ। ବର୍ତ୍ତମାନ ସୁଦ୍ଧା ମିଳିଥିବା ଫଳାଫଳ ଅନୁଯାୟୀ ଉକ୍ତ ଟିକା ନିରାପଦ ବୋଲି କମ୍ପାନୀ ପକ୍ଷରୁ କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

ସାଫ୍‌ ଫୁଟ୍‌ବଲ ଚାମ୍ପିୟନଶିପ୍‌: କ୍ରମାଗତ ତୃତୀୟ ଥର ଚାମ୍ପିୟନ ଲକ୍ଷ୍ୟରେ ଭାରତ

ଢାକା,୧୬ା୧୧: ଭାରତ ଓ ପାକିସ୍ତାନ ମଧ୍ୟରେ ସାଫ୍‌ ଫୁଟ୍‌ବଲ ଚାମ୍ପିୟନଶିପ୍‌ ଫାଇନାଲ ମଙ୍ଗଳବାର ଖେଳାଯିବ। ଭାରତ ଓଭର ଅଲ ରେକର୍ଡ ୯ଥର ଚାମ୍ପିୟନ ହୋଇସାରିଛି। ଏଥର ଫାଇନାଲ…

ବନ୍ୟା ପରେ ଦାଉ ସାଜିଛନ୍ତି ହାତୀ: ଚିନ୍ତାରେ ଚାଷୀ

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗୋଟିଏ ପଟେ ବନ୍ୟାରେ ଫସଲ ନଷ୍ଟ, ଅନ୍ୟପଟେ ହାତୀପଲଙ୍କ ଉପଦ୍ରବ। ଏଭଳି ଦୁଇମୁହାଁ ସମସ୍ୟାରେ ଘାଣ୍ଟି ହେଉଛନ୍ତି ଘୁମୁସର ଅଞ୍ଚଳର ଚାଷୀ।…

ଭୂସ୍ଖଳନ ଆଶଙ୍କା ଥିବା ଅଞ୍ଚଳରୁ ହେବ ଲୋକଙ୍କୁ ସ୍ଥାନାନ୍ତର: ବାତ୍ୟା ମୁକାବିଲା ପାଇଁ ସଜାଗ ରହିବାକୁ ନିର୍ଦ୍ଦେଶ

ଭୁବନେଶ୍ୱର, ୧୬।୧୧: ସମ୍ଭାବ୍ୟ ବାତ୍ୟାର ମୁକାବିଲା ନିମନ୍ତେ ରାଜ୍ୟ ସରକାରଙ୍କ ପକ୍ଷରୁ ଆଗୁଆ ପ୍ରସ୍ତୁତି ଆରମ୍ଭ ହୋଇଛି। ଏ ନେଇ ଅନୁଷ୍ଠିତ ସମୀକ୍ଷା ବୈଠକ ପରେ ରାଜସ୍ୱ…

୨୦୨୭ ବିଶ୍ୱକପରୁ ବାଦ୍‌ ପଡ଼ିବେ ରୋହିତ ଶର୍ମା! ଆସିଲା ଚାଞ୍ଚଲ୍ୟକର ଖବର, ପ୍ରଶଂସକ ଶୁଣିଲେ…

ନୂଆଦିଲ୍ଲୀ,୧୬।୧୧: ଭାରତୀୟ ଦିନିକିଆ ଦଳରେ ରୋହିତ ଶର୍ମାଙ୍କ ସ୍ଥାନକୁ ନେଇ ପୁଣି ଥରେ ପ୍ରଶ୍ନ ଉଠିବା ଆରମ୍ଭ ହୋଇଛି। ୩୯ ବର୍ଷୀୟ ରୋହିତ ଶର୍ମା ୨୦୨୭ ଦିନିକିଆ…

ବ୍ଲକ ପରିସରରେ ସିଆଡି ଚାରା ନଷ୍ଟ

ନନ୍ଦପୁର,୧୬ା୧୧(ତୁଷାର କାନ୍ତ ମହାନ୍ତି): ସରକାର ବନୀକରଣକୁ ପ୍ରାଧାନ୍ୟ ଦେଇ ବିଭିନ୍ନ ସରକାରୀ କାର୍ଯ୍ୟକ୍ରମରେ ଚାରାରୋପଣ କରିବାକୁ ଗୁରୁତ୍ୱ ଦେଉଛନ୍ତି। କୋରାପୁଟ ଜିଲା ନନ୍ଦପୁର ବ୍ଲକ ପ୍ରଶାସନ ଚାରାରୋପଣ…

ଅଗ୍ନିବୀରଙ୍କ ପାଇଁ ଖୁସି ଖବର! ହେଲା ବଡ଼ ଘୋଷଣା, ୬ ବର୍ଷ ପରେ ମିଳିବ…

ନୂଆଦିଲ୍ଲୀ,୧୬।୧୧: ଅଗ୍ନିବୀରଙ୍କ ନିଯୁକ୍ତି ଓ ସେବା ଅବଧିକୁ ନେଇ ଚାଲିଥିବା ଚର୍ଚ୍ଚା ମଧ୍ୟରେ ବଡ଼ ବୟାନ ଦେଇଛନ୍ତି ଚିଫ୍‌ ଅଫ୍‌ ଡିଫେନ୍ସ ଷ୍ଟାଫ୍‌ (CDS) ଜେନେରାଲ୍‌ ଏନ୍‌ଏସ୍‌…

ଆଜି ବିଛା ରାଶିକୁ ଚଳନ କରିବେ ସୂର୍ଯ୍ୟ: ଡିସେମ୍ବର ୧୬ ପୂର୍ବରୁ କୋଟିପତି ହେବେ ଏହି ୬ ରାଶି! ଚାକିରିରେ ବଡ଼ ପ୍ରମୋଶନ

ଆଜି ସନ୍ଧ୍ୟା ୭ଟା ୪୮ ମିନିଟରେ ସୂର୍ଯ୍ୟ ବିଛା ରାଶିକୁ ଚଳନ କରିବେ। ଏହାପରେ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ସୂର୍ଯ୍ୟ ଏହି ରାଶିରେ ଅବସ୍ଥାନ କରିବେ।…

କ୍ରିକେଟ୍‌ରେ ନୂଆ ଇତିହାସ ଲେଖିଲେ ଜିମ୍ବାଓ୍ବେ ଖେଲାଳି: ହାସଲ କଲେ ଏମିତି କାରନାମା

ନୂଆଦିଲ୍ଲୀ,୧୬।୧୧:ଟେଷ୍ଟ କ୍ରିକେଟ୍‌ରେ ନିଜ ବ୍ୟାଟିଂ ଦକ୍ଷତାରେ ଇତିହାସ ରଚିଛନ୍ତି ଜିମ୍ବାୱେର ଦ୍ରୁତ ବୋଲର ବ୍ଲେସିଂ ମୁଜାରାବାନି। ନମ୍ବର-୧୦ରେ ବ୍ୟାଟିଂ କରି ଟେଷ୍ଟରେ ଅର୍ଦ୍ଧଶତକ ହାସଲ କରିବାରେ ସେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?