କେପ ଟାଉନ୍,୧୨।୧: ନ୍ୟୁଲାଣ୍ଡ୍ସଠାରେ ଚାଲିଥିବା ତୃତୀୟ ତଥା ନିର୍ଣ୍ଣାୟକ ଟେଷ୍ଟରେ ପ୍ରଥମ ଭଳି ଦ୍ୱିତୀୟ ଦିନ ମଧ୍ୟ ବୋଲରଙ୍କ ରାଜୁତି ଦେଖିବାକୁ ମିଳି ନାହିଁ। ଦ୍ୱିତୀୟ ଦିନ ପ୍ରଥମ ଓଭରରେ ଏଡେନ ମାରକ୍ରାମଙ୍କୁ କ୍ଲିନ ବୋଲ୍ଡ କରି ଭାରତକୁ ସଫଳତା ଆଣି ଦେଇଥିଲେ ଯଶପ୍ରୀତ ବୁମରା। ଦୀର୍ଘ ଦିନ ପରେ ଦଳକୁ ଫେରିଥିବା ଉମେଶ ଯାଦବ ନାଇଟ୍ ଓ୍ବାଚମ୍ୟାନ୍ କେଶବ ମହାରାଜ (୨୫)ଙ୍କୁ ପ୍ୟାଭିଲିଅନ ବାଟ ଦେଖାଇଥିଲେ। କିନ୍ତୁ ଏହାପରେ ଭାରତୀୟ ବୋଲରଙ୍କୁ ନିରାଶ କରିବା ସହ ଦ୍ରୁତ ଗତିରେ ରନ୍ ସଂଗ୍ରହ କରୁଛନ୍ତି ଭାନ ଡର ଡୁସେନ (୧୭)ଓ କିଗାନ ପିଟରସନ(୪୦)ଙ୍କ ଯୋଡ଼ି। ଦୁହେଁ ୧୪.୪ ଓଭରରେ ୫୫ ରନ ଯୋଡ଼ିଛନ୍ତି। ଫଳରେ ପ୍ରଥମ ସେସନ ସୁଦ୍ଧା ଘରୋଇ ଦଳ ୩ ଉଇକେଟ ହରାଇ ୧୦୦ ରନ୍ କରିଛି। ଏବେ ଇନିଂସ ଅଗ୍ରଣୀ ପାଇଁ ଦଳକୁ ୧୨୩ ରନ୍ ଦରକାର ଥିବା ବେଳେ ହାତରେ ରହିଛି ଆହୁରି ୭ ଉଇକେଟ। ପୂର୍ବରୁ ଟସ୍ ଜିତି ବ୍ୟାଟିଂ କରିଥିବା ଭାରତୀୟ ଦଳ ୨୨୩ ରନ୍ରେ ଅଲଆଉଟ୍ ହୋଇଥିଲା।
