ଲିସେଷ୍ଟର,୨୩।୬: ସ୍ଥାନୀୟ ଗ୍ରେସ ରୋଡଠାରେ ଭାରତ ଓ ଲିସେଷ୍ଟର ମଧ୍ୟରେ ଗୁରୁବାରଠାରୁ ୪ ଦିନିଆ ଓ୍ବାର୍ମଅପ୍ ମ୍ୟାଚ୍ ଆରମ୍ଭ ହୋଇଯାଇଛି। ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଭାରତୀୟ ଦଳ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇ ୧୪୮ ରନ୍ରେ ୭ ଉଇକେଟ ହରାଇ ସଙ୍କଟରେ ପଡ଼ିଥିଲା।
ଅଧିନାୟକ ରୋହିତ ଶର୍ମା (୨୫), ଶୁବମାନ ଗିଲ (୨୧), ହନୁମା ବିହାରୀ (୩), ଶ୍ରେୟାସ ଆୟାର (୦), ରବୀନ୍ଦ୍ର ଜାଡେଜା (୧୩), ପୂର୍ବତନ ଅଧିନାୟକ ବିରାଟ କୋହଲି (୩୩ ରନ୍, ୪ ଚୌକା ଓ ୧ ଛକା), ଶାର୍ଦ୍ଦୁଳ ଠାକୁର (୬) ବିଫଳ ହୋଇଥିଲେ। ଏଭଳି ପରିସ୍ଥିତିରେ ଯୁବ ଉଇକେଟକିପର ଶ୍ରୀକର ଭରତ ଏବଂ ଉମେଶ ଯାଦବ(୨୩)ଙ୍କ ସହ ମିଶି ଭରତ ୮ମ ଉଇକେଟ ୬୬ ରନ୍ ଯୋଡ଼ି ଦଳୀୟ ସ୍କୋରକୁ ୨୦୦ ପାର କରାଇ ସମ୍ମାନ ରକ୍ଷା କରିଥିଲେ। ବର୍ଷା ବାଧକ ସାଜିବାରୁ ପ୍ରାୟ ୩୦ ଓଭର ପୂର୍ବରୁ ଖେଳ ସମାପ୍ତ କରାଯାଇଥିଲା। ଷ୍ଟମ୍ପ ଅପସାରଣ ବେଳକୁ ଭାରତ ୮ ଉଇକେଟ ହରାଇ ୨୪୬ ରନ୍ କରିଥିଲା। ଭରତ ୭୦ (୮ ଚୌକା ଓ ୧ ଛକା) ଓ ମହମ୍ମଦ ଶାମି ୧୮ (୮ ଚୌକା ଓ ୧ ଛକା) ରନ୍ କରି ଅପରାଜିତ ଅଛନ୍ତି। ଘରୋଇ ଲିସେଷ୍ଟର ପକ୍ଷରୁ ରୋମାନ ଓ୍ବାକର ୫ ଉଇକେଟ ନେଇଥିବା ବେଳେ ପ୍ରସିଦ୍ଧା କ୍ରିଷ୍ଣା ଗୋଟିଏ ଉଇକେଟ ହାତେଇଛନ୍ତି।
