ଆଇପିଏଲ୍ ୨୦୨୦ ଶେଷ ହେବା ପରେ ଇଣ୍ଡିଆ ଟିମ୍ ଏବେ ଅଷ୍ଟ୍ରେଲିଆରେ ଅଛନ୍ତି। ସେଠାରେ ସମସ୍ତ ଖେଳାଳି କ୍ୱାରାଣ୍ଟାଇନ୍ ପିରିୟଡ୍ରେ ରହି ଖେଳ ଅଭ୍ୟାସ କରୁଛନ୍ତି। ଏହି ଅବସରରେ ଅଧିନାୟକ ବିରାଟ କୋହଲିଙ୍କର ଏକ ଫଟୋ ସାମ୍ନାକୁ ଆସିଛି। ଏହି ଫଟୋରେ ବିରାଟ ପ୍ରେସ୍ ହୋଇ ନ ଥିବା ଏକ ଟି-ଶର୍ଟ ପିନ୍ଧି ସୋଫା ଉପରେ ବସିଥିବାର ଦେଖିବାକୁ ମିଳୁଛି। ଏହି ଫଟୋକୁ ନିଜେ କୋହଲି ସୋସିଆଲ ମିଡିଆରେ ଶେୟାର କରିଛନ୍ତି। କ୍ୟାପଶନରେ ଲେଖିଛନ୍ତି, କ୍ୱାରାଣ୍ଟାଇନ ପିରିୟଡ୍- ପ୍ରେସ୍ ହୋଇ ନ ଥିବା ଟି-ଶର୍ଟ, ଆରାମଦାୟକ ବିଛଣା ଏବଂ ଭଲ ସିରିଜ୍। ବିରାଟଙ୍କ ଏହି ଫଟୋ ଏବେ ଭାଇରାଲ ହେବାରେ ଲାଗିଛି। ଏହାକୁ ଦେଖିବା ପରେ ପ୍ରଶଂସକମାନେ କୋହଲିଙ୍କୁ ଟ୍ରୋଲ କରିବା ଆରମ୍ଭ କରିଦେଇଛନ୍ତି। ସ୍ତ୍ରୀ ଅନୁଷ୍କା ଶର୍ମାଙ୍କଠାରୁ ଦୂରରେ ରହି ତାଙ୍କର ଏପରି ଅବସ୍ଥା ହୋଇଯାଇଛି ବୋଲି ଜଣେ ପ୍ରଶଂସକ କହୁଛନ୍ତି। ଅନ୍ୟଜଣେ ପ୍ରଶଂସକ ଲେଖିଛନ୍ତି, ବିଦ୍ୟୁତ୍ ବଞ୍ଚାଇବା ପାଇଁ ବିରାଟ ଟି-ଶର୍ଟ ପ୍ରେସ୍ କରି ନାହାନ୍ତି।
ଦୁବାଇରେ ବିରାଟଙ୍କ ସହ ପୁରା ଆଇପିଏଲ୍ ସିଜିନ୍ ରହିବା ପରେ ଅନୁଷ୍କା ଏବେ ସ୍ବାମୀଙ୍କଠାରୁ ଦୂରରେ ଅଛନ୍ତି।
