Posted inଖେଳ

ଓ୍ବେଲ୍ସ ବିପକ୍ଷରେ ବୃହତ୍‌ ବିଜୟ ଲକ୍ଷ୍ୟରେ ଭାରତ

ଭୁବନେଶ୍ୱର, ୧୯।୧ (କ୍ରୀଡ଼ା ପ୍ରତିନିଧି): ଚଳିତ ହକି ବିଶ୍ୱକପ୍‌ରେ ଗୁରୁବାର ୪ଟି ମ୍ୟାଚ କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ହେବ। ଏହା ମଧ୍ୟରୁ ପୁଲ୍‌ ‘ଡି’ର ଏକ ଗୁରୁତ୍ୱପୂର୍ଣ୍ଣ ମ୍ୟାଚରେ ଓ୍ବେଲ୍ସକୁ ଭେଟିବ ଭାରତ। ରାତି ୭ଟାରେ ଏହି ମ୍ୟାଚ ଆରମ୍ଭ ହେବ। ଏହି ଗ୍ରୁପ୍‌ରେ ଇଂଲଣ୍ଡ ଓ ସ୍ପେନ୍‌ ମଧ୍ୟରେ ଅନ୍ୟ ଏକ ମ୍ୟାଚ ଅପରାହ୍ନ ୫ଟାରେ ଖେଳାଯିବ। କ୍ରସ୍‌ ଓଭରର ଜଟିଳତା ମଧ୍ୟରେ ନ ପଶି ସିଧାସଳଖ କ୍ୱାର୍ଟର ଫାଇନାଲ ଯୋଗ୍ୟତା ପାଇବାକୁ ହେଲେ ଭାରତକୁ ବୃହତ୍‌ ବ୍ୟବଧାନରେ ଓ୍ବେଲ୍ସକୁ ହରାଇବାକୁ ପଡ଼ିବ। ଭାରତ ଏହାର ପ୍ରଥମ ୨ଟି ପୁଲ୍‌ ମ୍ୟାଚ ରାଉରକେଲାର ବିର୍ସା ମୁଣ୍ଡା ଷ୍ଟାଡିୟମରେ ଖେଳିଥିଲା। ତେଣୁ ଚଳିତ ଟୁର୍ନାମେଣ୍ଟରେ ପ୍ରଥମଥର ପାଇଁ କଳିଙ୍ଗ ଷ୍ଟାଡିୟମରେ ଖେଳିବ।
ପୁଲ୍‌ ‘ଡି’ର ସ୍ଥିତି
ପୁଲ୍‌ ପର୍ଯ୍ୟାୟରେ ୨ଟି ଲେଖାଏ ମ୍ୟାଚ ଶେଷ ହୋଇଛି। ଗୁରୁତ୍ୱପୂର୍ଣ୍ଣ ଅନ୍ତିମ ପର୍ଯ୍ୟାୟ ବିଭିନ୍ନ ଦଳର ଭାଗ୍ୟ ନିର୍ଣ୍ଣୟ କରିବ। ଭାରତ ସ୍ଥାନ ପାଇଥିବା ପୁଲ୍‌ ‘ଡି’ର ସ୍ଥିତି ଏପରି ରହିଛି। ଭାରତ ଏହାର ପ୍ରଥମ ମ୍ୟାଚରେ ସ୍ପେନ୍‌କୁ ୨-୦ ଗୋଲରେ ହରାଇଥିବାବେଳେ ଇଂଲଣ୍ଡ ବିପକ୍ଷ ମ୍ୟାଚକୁ ଗୋଲଶୂନ୍ୟ ଡ୍ର ରଖିଥିଲା। ଅନ୍ୟପକ୍ଷରେ ଇଂଲଣ୍ଡ ଏହାର ପ୍ରଥମ ମ୍ୟାଚକୁ ଓ୍ବେଲ୍ସ ବିପକ୍ଷରେ ୫-୦ ଗୋଲରେ ଜିତିଥିଲା। ତେଣୁ ଗୋଲ ବ୍ୟବଧାନରେ ଇଂଲଣ୍ଡ ଆଗରେ ରହି ପଏଣ୍ଟ ଟେବୁଲର ଶୀର୍ଷସ୍ଥାନ ଅଧିକାର କରିଛି। ଇଂଲଣ୍ଡର ଗୋଲ ବ୍ୟବଧାନ +୫ ଥିବାବେଳେ ଭାରତର +୨ ରହିଛି। ତେଣୁ ଓ୍ବେଲ୍ସ ବିପକ୍ଷରେ ବୃହତ୍‌ ବିଜୟ ହିଁ କେବଳ ଭାରତକୁ ସିଧାସଳଖ କ୍ୱାର୍ଟର ଫାଇନାଲକୁ ନେଇଯାଇ ପାରିବ। ଅନ୍ୟପକ୍ଷରେ ସ୍ପେନ୍‌ ୨ ମ୍ୟାଚରୁ ଗୋଟିଏ ଲେଖାଏ ବିଜୟ ଓ ପରାଜୟ ସହ ୩ ପଏଣ୍ଟ ପାଇ ଟେବୁଲର ତୃତୀୟ ସ୍ଥାନରେ ରହିଛି। ଓ୍ବେଲ୍ସ ୨ଟି ଯାକ ମ୍ୟାଚ ହାରିଯାଇଥିବାରୁ ଏକପ୍ରକାର ବିଦାୟ ଦ୍ୱାରରେ ପହଞ୍ଚତ୍ ଯାଇଛି। ନିୟମ ଅନୁସାରେ ପ୍ରତି ପୁଲ୍‌ରୁ କେବଳ ଶୀର୍ଷସ୍ଥାନୀୟ ଦଳ ସିଧାସଳଖ କ୍ୱାର୍ଟର ଫାଇନାଲ ଯୋଗ୍ୟତା ପାଇବ। ୨ୟ ଓ ୩ୟ ସ୍ଥାନରେ ରହିବା ଦଳ କ୍ରସ୍‌ ଓଭର ଖେଳିବେ। ପୁଲ୍‌୍‌ ‘ଡି’ର ୨ୟ ଦଳ ପୁଲ୍‌ ‘ସି’ର ୩ୟ ଏବଂ ପୁଲ୍‌ ‘ଡି’ର ୩ୟ ଦଳ ପୁଲ୍‌ ‘ସି’ର ଦ୍ୱିତୀୟ ଦଳକୁ କ୍ରସ୍‌ ଓଭରରେ ଭେଟିବେ। ପୁଲ୍‌ ‘ଏ’ ଓ ‘ବି’ କ୍ଷେତ୍ରରେ ମଧ୍ୟ ତାହା ହେବ। କ୍ରସ୍‌ ଓଭରରେ ବିଶ୍ୱର ଅନ୍ୟତମ ଶକ୍ତିଶାଳୀ ଦଳକୁ ଭେଟିବା ସମ୍ଭାବନା ଥିବାରୁ ଭାରତ ଆଗାମୀ ମ୍ୟାଚରେ ଓ୍ବେଲ୍ସକୁ ବଡ଼ ବ୍ୟବଧାନରେ ହରାଇ କ୍ୱାର୍ଟର ଫାଇନାଲରେ ପହଞ୍ଚତ୍ ଯିବାକୁ ଚାହିଁବ ନିଶ୍ଚିତ। ଘରୋଇ ପିଚ୍‌ ଓ ଦର୍ଶକ ସମର୍ଥନ ମଧ୍ୟ ଭାରତ ସପକ୍ଷରେ ରହିବ।
ପେନାଲ୍ଟି କର୍ନରକୁ ଗୋଲରେ ପରିଣତ କରିବାରେ ବିଫଳତା ଏବଂ ଫିଲ୍ଡ ଗୋଲ ସ୍କୋର କ୍ଷେତ୍ରରେ ସୁଯୋଗର ସଦ୍‌ବ୍ୟବହାର କରି ନ ପାରିବା ଭାରତ ପାଇଁ ଚିନ୍ତାର କାରଣ ହୋଇଛି। କାରଣ ୨ଟି ମ୍ୟାଚ ଖେଳି ସାରିଥିଲେ ମଧ୍ୟ ଏପର୍ଯ୍ୟନ୍ତ ପେନାଲ୍ଟି କର୍ନରରୁ ଗୋଟିଏ ହେଲେ ଗୋଲ ସିଧାସଳଖ କରି ପାରିନାହିଁ। ଇଂଲଣ୍ଡ ବିପକ୍ଷରେ ୪ଟିକୁ ମିଶାଇ ପ୍ରଥମ ୨ଟି ମ୍ୟାଚରେ ଭାରତ ମୋଟ ୯ଟି ପେନାଲ୍ଟି କର୍ନର ପାଇଥିଲା। ମାତ୍ର ଏହା ମଧ୍ୟରୁ ସ୍ପେନ୍‌ ବିପକ୍ଷ ମ୍ୟାଚରେ କେବଳ ଗୋଟିଏ ଗୋଲ ପେନାଲ୍ଟି କର୍ନରରୁ ସ୍କୋର କରିଥିଲା। ମାତ୍ର ତାହା ସିଧାସଳଖ ହୋଇ ନ ଥିଲା। ଅଧିନାୟକ ହରମନପ୍ରୀତ ସିଂ ମାରିଥିବା ଶଟ୍‌କୁ ସ୍ପେନ୍‌ ଦଳର ଜଣେ ଡିଫେଣ୍ଡର ରୋକିଥିଲେ। ତାଙ୍କ ଷ୍ଟିକ୍‌ରୁ ବଲ୍‌ ରିବାଉଣ୍ଡ ହୋଇ ଫେରି ଆସୁଥିବାବେଳେ ଅମିତ ରୋହିଦାସ ଗୋଲ କରିବାରେ ସକ୍ଷମ ହୋଇଥିଲେ। ଅମିତଙ୍କୁ ଛାଡ଼ିଦେଲେ ଏପର୍ଯ୍ୟନ୍ତ ଭାରତ ପକ୍ଷରୁ କେବଳ ହାର୍ଦ୍ଦିକ ସିଂ ଗୋଲ ଦେଇଛନ୍ତି। ସେ ପୁଣି ଆହତ ସମସ୍ୟାରେ ଥିବାରୁ ଆଗାମୀ ମ୍ୟାଚ ଖେଳିବେ ନାହିଁ। ଅନ୍ୟ କୌଣସି ଖେଳାଳି ଏପର୍ଯ୍ୟନ୍ତ ପ୍ରତିପକ୍ଷ ଦଳର ରକ୍ଷଣଭାଗକୁ ଅତିକ୍ରମ କରି ଗୋଲ ଦେଇପାରି ନାହାନ୍ତି।
ଇଂଲଣ୍ଡ-ସ୍ପେନ୍‌ କଡ଼ା ଟକ୍କର
ଇଂଲଣ୍ଡ ଓ ସ୍ପେନ୍‌ ମଧ୍ୟରେ ଏହି ପୁଲ୍‌ର ଅନ୍ୟ ମ୍ୟାଚଟି ତୀବ୍ର ସଂଘର୍ଷପୂର୍ଣ୍ଣ ହେବା ଆଶା କରାଯାଉଛି। ଓ୍ବେଲ୍ସ ବିପକ୍ଷରେ ବଡ଼ ବିଜୟ ସହ ଅଭିଯାନ ଆରମ୍ଭ କରିଥିବା ଇଂଲଣ୍ଡ ଦ୍ୱିତୀୟ ମ୍ୟାଚରେ ଭାରତଠାରୁ କଡ଼ା ଚ୍ୟାଲେଞ୍ଜର ସମ୍ମୁଖୀନ ହୋଇଥିଲା। ଏକାଧିକ ସୁଯୋଗ ପାଇଥିଲେ ହେଁ ଭାରତୀୟ ରକ୍ଷଣଭାଗ ଏବଂ ଗୋଲକିପରଙ୍କୁ ଚକ୍‌ମା ଦେଇ ଗୋଲ ଦେଇପାରି ନ ଥିଲା। ତେଣୁ ସ୍ପେନ୍‌ ବିପକ୍ଷ ମ୍ୟାଚ ଦଳ ପାଇଁ ଗୁରୁତ୍ୱପୂର୍ଣ୍ଣ ହୋଇଯାଇଛି। ଅନ୍ୟ ପକ୍ଷରେ ଭାରତଠାରୁ ପ୍ରଥମ ମ୍ୟାଚରେ ହାରିବା ପରେ ସ୍ପେନ୍‌ ଦ୍ୱିତୀୟ ମ୍ୟାଚରେ ଓ୍ବେଲ୍ସକୁ ୫-୧ ଗୋଲରେ ହରାଇ ସଫଳ ପ୍ରତ୍ୟାବର୍ତ୍ତନ କରିଛି। ୩ ପଏଣ୍ଟ ପାଇଥିବା ସ୍ପେନ୍‌ ଦଳର ଗୋଲ ବ୍ୟବଧାନ ମଧ୍ୟ +୨ ରହିଛି। ଭାରତ ବିପକ୍ଷରେ ଦଳ ଗୋଟିଏ ହେଲେ ଗୋଲ ଦେଇପାରି ନ ଥିଲା, ମାତ୍ର ଓ୍ବେଲ୍ସ ବିପକ୍ଷରେ ୫ ଗୋଲ ଦେବାରେ ସକ୍ଷମ ହୋଇଥିଲା। ମାକ୍ର ରେନେ ୧୭ ଓ ୩୯ତମ ମିନିଟରେ ଏବଂ ମାର୍କ ମିରାଲେସ ପୋର୍ଟିଲୋ ୨ଟି ଲେଖାଏ ଗୋଲ ଦେଇ ଦଳକୁ ବିଜୟୀ କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ। ଆଲଭାରୋ ଇଗ୍‌ଲେସିଆସ ମାର୍କୋସ ମଧ୍ୟ ଗୋଟିଏ ଗୋଲ ଦେଇଥିଲେ। ଅନ୍ତର୍ଜାତୀୟ ହକିରେ ସ୍ପେନ୍‌ ଏକ ଲଢ଼ୁଆ ଦଳଭାବେ ମଧ୍ୟ ବେଶ୍‌ ପରିଚିତ। ତେଣୁ ମନୋବଳ ବୃଦ୍ଧି କରିଥିବା ଏହି ଦଳ ଆଗାମୀ ମ୍ୟାଚରେ ଇଂଲଣ୍ଡକୁ ଯେ କଡ଼ା ଚ୍ୟାଲେଞ୍ଜ ଦେବ ଏଥିରେ ଦ୍ୱିମତ ନାହିଁ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ସଇନିଙ୍କ ଯୋଗୁ ଭାରତୀୟ ଟିମ୍‌ରେ ନୂଆ ସମସ୍ୟା! ବାଧ୍ୟ ହୋଇ ନେଟ୍‌ ବୋଲର୍‌ଙ୍କୁ…

କଲମ୍ବୋ,୨୯।୭: ଶ୍ରୀଲଙ୍କା ବିପକ୍ଷ ଦ୍ୱିତୀୟ ଟି-୨୦ରେ ପରାଜିତ ହୋଇଛି ଭାରତ। ଭାରତୀୟ ଦଳ ଏହି ମ୍ୟାଚ୍‌କୁ ଶେଷ ପର୍ଯ୍ୟନ୍ତ ନେବାରେ ସଫଳ ହୋଇଥିଲେ ହେଁ ହାର୍‌କୁ...

ଆଇସିସି ଜାରି କଲା ଷ୍ଟାଣ୍ଡିଂ ଟିକେଟ: ଦାମ୍‌ କେତେ ଜାଣନ୍ତୁ…

ଦୁବାଇ,୨୫ା୮: ଆଇସିସି ଟି୨୦ ବିଶ୍ୱକପ୍‌କୁ ଆଉ କିଛି ମାସ ରହିଛି। ଏଭଳି ସ୍ଥିତିରେ ଭାରତ-ପାକିସ୍ତାନ ମହାମୁକାବିଲା ପୁଣି ଚର୍ଚ୍ଚାକୁ ଆସିଛି। ଏହି ମ୍ୟାଚ୍‌ ପାଇଁ ଆଇସିସି...

ହୃଦୟ ଜିତିଲେ ସ୍ମୃତି ମନ୍ଧାନା

ହାମିଲଟନ,୧୨।୩: ଦ୍ୱିତୀୟ ମହିଳା ବିଶ୍ୱକପ୍‌ ମ୍ୟାଚ୍‌ରେ ଓ୍ବେଷ୍ଟଇଣ୍ଡିଜକୁ ହରାଇଛି ଭାରତୀୟ ମହିଳା କ୍ରିକେଟ ଟିମ୍‌। ମ୍ୟାଚ୍‌ ପରେ ୧୨୩ ରନ୍‌ କରିଥିବା ସ୍ମୃତି ମନ୍ଧାନାଙ୍କୁ ‘ପ୍ଲେୟାର...

ଭିତ୍ତିଭୂମିକୁ ଗାମ୍ବାଉଙ୍କ ପ୍ରଶଂସା

ଭୁବନେଶ୍ୱର, ୧୮।୯(ପି.ଟି)- ହାଇପ୍ରୋଫାଇଲ ଇଣ୍ଡିଆନ ପ୍ରିମିୟର ଲିଗ୍‌ (ଆଇଏସ୍‌ଏଲ୍‌)ର ନୂଆ କ୍ଲବ ତଥା ଫ୍ରାଞ୍ଚାଇଜି ଓଡ଼ିଶା ଏଫ୍‌ସି କୋଚ୍‌ ଜୋସେଫ୍‌ ଗାମ୍ବାଉ ସ୍ଥାନୀୟ କଳିଙ୍ଗ ଷ୍ଟାଡିୟମ...

ଜୋତା ପଲିସ୍‌ କରୁଛନ୍ତି ଧୋନୀ

ଶ୍ରୀନଗର, ୧।୮:ଟିମ ଇଣ୍ଡିଆର ୱିକେଟକିପର ମହେନ୍ଦ୍ର ସିଂହ ଧୋନୀ ତଥା ଲେଫ୍ଟନାଣ୍ଟ କର୍ଣ୍ଣେଲ ପାରାସୁଟ ରେଜିମେଣ୍ଟ ବାଟାଲିଅନର ଟ୍ରେନିଂ ଆରମ୍ଭ କରିଛନ୍ତି। ଧୋନୀ ୧୦୬ ଟେରିଟୋରିୟଲ...

ନୂଆ ଟେନିସ୍‌ ସେନ୍‌ସେଶନ

ମାତ୍ର ୨୧ ବର୍ଷରେ ଆମେରିକାର ସୋଫିଆ କେନିନ୍‌ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ୨୦୧୯ରେ ଡବ୍ଲ୍ୟୁଟିଏ ଶ୍ରେଷ୍ଠ ଉଦୀୟମାନ ମହିଳା ଖେଳାଳିର ମାନ୍ୟତା ପାଇଥିବା ଏହି...

ଇରାନିଆନ ଓ୍ବିଙ୍ଗରଙ୍କ ସହିତ ଇଷ୍ଟବେଙ୍ଗଲର ଚୁକ୍ତି

କୋଲକାତା, ୬ା୪ (ପି.ଟି.)- ଇଷ୍ଟ ବେଙ୍ଗଲ ଫୁଟ୍‌ବଲ ଟିମ୍‌ ରବିବାର ଭାରତୀୟ ବଂଶୋଦ୍ଭବ ଇରାନିଆନ ମିଡ୍‌ଫିଲ୍ଡର ଓମିଦ୍‌ ସିଂଙ୍କ ସହିତ ଦୁଇ ବର୍ଷିଆ ଚୁକ୍ତି କରିଛନ୍ତି।...

ଶ୍ରୀସନ୍ତଙ୍କ ନୂଆ ଇନିଂସ: ଏହି ଟିମ୍‌ର କୋଚ୍‌ ଭାବେ ହେଲେ ନିଯୁକ୍ତ

ଥିରୁବନନ୍ତପୁରମ୍‌,୨୬।୮: ଦୁଇଥର ବିଶ୍ୱ ଚାମ୍ପିଅନ ଭାରତୀୟ ଦଳର ସଦସ୍ୟ ଥିବା ୩୯ ବର୍ଷୀୟ ପୂର୍ବତନ ଦ୍ରୁତ ବୋଲର୍‌ ଏସ୍‌. ଶ୍ରୀସନ୍ତ କ୍ରିକେଟରୁ ବିଦାୟ ନେବା ପରେ...

Advertisement
Archives

Model This Week