ନୂଆଦିଲ୍ଲୀ,୨୦।୧୧: ବିଶ୍ୱକପ୍ ୨୦୨୩ ଶେଷ ହେବା ପରେ କ୍ରିକେଟ୍ କ୍ରେଜ୍ ଶେଷ ହୋଇନାହିଁ। ୨୩ ନଭେମ୍ବର ଗୁରୁବାର ଠାରୁ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟି -୨୦ ସିରିଜ୍ ଖେଳାଯିବ। ଏହି ସିରିଜ ପାଇଁ ଅଷ୍ଟ୍ରେଲିଆର ଦଳ ଘୋଷଣା କରାଯାଇଛି। ଭାରତର ଦଳ ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ। ଏହି ସିରିଜରେ ମାଥ୍ୟୁ ୱେଡ ଅଷ୍ଟ୍ରେଲିଆ ଦଳର ନେତୃତ୍ୱ ନେବେ।
ବିସିସିଆଇ ଖୁବ୍ ଶୀଘ୍ର ଦଳ ଘୋଷଣା କରିବ। ଖବର ଅନୁଯାୟୀ, ରୁତୁରାଜ ଗାଏକ୍ଵାଡ କିମ୍ବା ସୂର୍ଯ୍ୟକୁମାର ଯାଦବ ଭାରତର ଦାୟିତ୍ୱ ନେଇପାରନ୍ତି। ନିୟମିତ ଅଧିନାୟକ ରୋହିତ ଶର୍ମା ଏବଂ ବିରାଟ କୋହଲିଙ୍କ ସମେତ ଦଳର ଅନେକ ବରିଷ୍ଠ ଖେଳାଳି ବିଶ୍ରାମ ନେଇପାରନ୍ତି। ଏଭଳି ପରିସ୍ଥିତିରେ ଅଷ୍ଟ୍ରେଲିଆ ବିପକ୍ଷରେ ଯୁବ ଖେଳାଳିଙ୍କ ଦଳ ଘୋଷଣା କରାଯାଇପାରେ।
ସୟଦ ମୁସ୍ତାକ ଅଲି ଟ୍ରଫିରେ ଚମତ୍କାର ପ୍ରଦର୍ଶନ କରିଥିବା ଯଶସ୍ୱୀ ଜୈସ୍ବାଲ, ରିଙ୍କୁ ସିଂ, ତିଲକ ବର୍ମା ଏବଂ ରିଆନ ପାରାଗଙ୍କ ଭଳି ବ୍ୟାଟ୍ସମ୍ୟାନ୍ ଭାରତୀୟ ଦଳରେ ସୁଯୋଗ ପାଇପାରନ୍ତି। ସଞ୍ଜୁ ସାମସନ ୱିକେଟ୍ କିପର ଭାବରେ ଫେରିପାରନ୍ତି ଏବଂ ଜିତେଶ ଶର୍ମା ବ୍ୟାକଅପ୍ ୱିକେଟ୍ କିପର ଦଳରେ ସ୍ଥାନ ପାଇଁ ପାରନ୍ତି। ବୋଲିଂରେ ମୁକେଶ କୁମାର, ଅର୍ଶଦୀପ ସିଂ ଏବଂ ରବି ବିଷ୍ଣୋଇଙ୍କ ଭଳି ବୋଲରମାନେ ସାମିଲ ହୋଇପାରନ୍ତି।
କେମିତି ଦେଖିବେ ମ୍ୟାଚ୍ ?
ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁ ଥିବା ଏହି ପାଞ୍ଚ ମ୍ୟାଚ୍ ବିଶିଷ୍ଟ ଟି -୨୦ ସିରିଜ୍ ସ୍ପୋର୍ଟସ୍ ୧୮ ନେଟୱାର୍କ ମାଧ୍ୟମରେ ଭାରତରେ ଟିଭିରେ ସିଧା ପ୍ରସାରଣ ହେବ। ମ୍ୟାଚଗୁଡ଼ିକର ଲାଇଭ୍ ଷ୍ଟ୍ରିମିଂ ଜିଓ ସିନେମା ଆପରେ ,ଆଧ୍ୟ୍ୟ ପ୍ରସାରଣ କରାଯିବ।
ପ୍ରଥମ ମ୍ୟାଚ୍- ୨୩ ନଭେମ୍ବର ବିଶାଖାପାଟନମରେ ଖେଳାଯିବ। ଦ୍ୱିତୀୟ ମ୍ୟାଚ୍- ୨୬ ନଭେମ୍ବରରେ ଥିରୁବନନ୍ତପୁରମ୍। ତୃତୀୟ ମ୍ୟାଚ୍- ୨୮ ନଭେମ୍ବର ଗୁଆହାଟି। ଚତୁର୍ଥ ମ୍ୟାଚ୍- ୧ ଡିସେମ୍ବର ନାଗପୁର। ପଞ୍ଚମ ମ୍ୟାଚ୍- ୩ ଡିସେମ୍ବର ହାଇଦ୍ରାବାଦ।
ଟି-୨୦ ସିରିଜ ପାଇଁ ଅଷ୍ଟ୍ରେଲିଆର ଦଳ: ମାଥ୍ୟୁ ୱେଡ (ଅଧିନାୟକ), ମାଥ୍ୟୁ ସର୍ଟ, ଟିମ ଡେଭିଡ, ଷ୍ଟିଭ ସ୍ମିଥ, ଟ୍ରାଭିସ ହେଡ, ଡେଭିଡ ୱାର୍ଣ୍ଣର, ଗ୍ଲେନ ମ୍ୟାକ୍ସୱେଲ, ମାର୍କସ ଷ୍ଟୋଇନିସ, ସିନ ଆବଟ, ଜଶ ଇଂଲିସ, ତାନଭୀର ସାଙ୍ଗା, ନାଥନ ଏଲିସ, ଜେସନ ବେହେରେଣ୍ଡର୍ଫ, ସ୍ପେନ୍ସର ଜନସନ, ଆଡାମ ଜାମ୍ପା।
ଭାରତର ସମ୍ଭାବ୍ୟ ଦଳ: ସୂର୍ଯ୍ୟକୁମାର ଯାଦବ, ରୁତୁରାଜ ଗାଏକ୍ଵାଡ, ସଞ୍ଜୁ ସାମସନ (ୱିକେଟ୍ କିପର), ରବି ବିଷ୍ଣୋଇ, ଯଶସ୍ୱୀ ଜୈସ୍ବାଲ, ଶିବମ୍ ଦୁବେ, ୱାଶିଂଟନ୍ ସୁନ୍ଦର, ପ୍ରସାଦ କୃଷ୍ଣ, ତିଲକ ବର୍ମା, ଜିତେଶ ଶର୍ମା (ୱିକେଟ୍ କିପର), ଅର୍ଶଦୀପ ସିଂ, ରିଙ୍କୁ ସିଂ, ରିୟାନ୍ ପାରାଗ, ୟୁଜବେନ୍ଦ୍ର ଚହଲ, ମୁକେଶ କୁମାର।
