ତ୍ୱଚାର ଚମକ ବଢାଇବାକୁ ହେଲେ କେବଳ ଯେ ମେକ୍ଅପ୍ ଏକମାତ୍ର ବିକଳ୍ପ ତା’ ନୁହେଁ, ବରଂ ଏଥିପାଇଁ ସବୁ ଦିଗପ୍ରତି ଦୃଷ୍ଟି ଦେବାକୁ ହେବ। ତେଣୁ ଏଥିପାଇଁ ଜାଣି ରଖନ୍ତୁ କିଛି ଟିପ୍ସ…
ସବୁବେଳେ ଚିନ୍ତା ମୁକ୍ତ ରୁହନ୍ତୁ। ଚିନ୍ତା ରହିବା ଫଳରେ ଚେହେରା ଉପରେ ବିପରୀତ ପ୍ରଭାବ ପଡ଼ିଥାଏ।
ସପ୍ତାହକୁ ଅତି କମ୍ରେ ୫ଦିନ ୨୦ ରୁ ୩୦ ମିନିଟ୍ ପର୍ଯ୍ୟନ୍ତ ଚାଲିବା ଅଭ୍ୟାସ କରନ୍ତୁ। ଏପରି କରିବା ଫଳରେ ଚିନ୍ତା କମ୍ ହେବା ସହିତ ରକ୍ତ ସଞ୍ଚାଳନ ବୃଦ୍ଧି ପାଇବ ଏବଂ ତ୍ୱଚାର ଚମକ ବଢ଼ିବ।
ସାବୁନ ଲଗାଇବା ବଦଳରେ ଫେସ୍ୱାଶ୍ ଲଗାନ୍ତୁ ଏବଂ ରାତିରେ ଶୋଇବା ପୂର୍ବରୁ ମୁହଁକୁ ଭଲଭାବେ ସଫା କରନ୍ତୁ।
ରାତିରେ ମୁହଁକୁ ସଫା କରି ଆଣ୍ଟି ଅକ୍ସିଡାଣ୍ଟ ଥିବା ଏକ ମଶ୍ଚରାଇଜର ଲଗାନ୍ତୁ। ମଶ୍ଚରାଇଜରରେ ଭିଟାମିନ୍ ଏ, ସି, ଇ ଏବଂ ବି-୩ ଥିଲେ ତାହା ତ୍ୱଚା ପାଇଁ ବହୁତ ଭଲ।
ରାସାୟନିକ ପ୍ରସାଧନ ସାମଗ୍ରୀ ଯଥାସମ୍ଭବ କମ୍ ବ୍ୟବହାର କରନ୍ତୁ। କୌଣସି ପ୍ରକାରର ରାସାୟନିକ ସାମଗ୍ରୀ ବ୍ୟବହାର କରିବା ପୂର୍ବରୁ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ।
ଅତ୍ୟଧିକ ଝାଳ ବୋହୁଥିଲେ ମୁହଁ ତଥା କେଶରେ ପ୍ରବଳ ଧୂଳି ଲାଗି ଯାଇଥାଏ। ତେଣୁ ତ୍ୱଚାକୁ ଭଲଭାବେ ସଫା କରନ୍ତୁ ଏବଂ କେଶକୁ ମଧ୍ୟ ପ୍ରତିଦିନ ସାମ୍ପୁ କରନ୍ତୁ। ସାମ୍ପୁ କରିବା ପରେ କେଶରେ କଣ୍ଡିସନର ନିଶ୍ଚୟ ଲଗାନ୍ତୁ।
