ବଢୁଛି ଦାଦାବଟି ଆଦାୟ ଘଟଣା

ପୁରୀ ଅଫିସ, ୨୧।୧୦: ପୁରୀ ସହରରେ ଦାଦାବଟି ଆଦାୟ ଘଟଣା ବଢ଼ିବାରେ ଲାଗିଛି। ଦାଦାବଟି ପାଇଁ ବ୍ୟବସାୟୀ, ହୋଟେଲ ମାଲିକ, ନୂଆ ଘର ମାଲିକଙ୍କୁ ଟାର୍ଗେଟ କରାଯାଉଛି। ନୂଆଘର ବାବଦକୁ ଏକକାଳୀନ କିଛି ଟଙ୍କା ମଗାଯାଉଥିବା ବେଳେ ସମୁଦ୍ରକୂଳ ଅଞ୍ଚଳରେ ଥିବା ହୋଟେଲ ଓ ବ୍ୟବସାୟ ପ୍ରତିଷ୍ଠାନଗୁଡ଼ିକରୁ ନିର୍ଦ୍ଦିଷ୍ଟ ଅନ୍ତରାଳରେ ବଟି ଆଦାୟ ହେଉଛି। ଜୀବନ ଭୟରେ ଲୋକେ ବିରୋଧ କରିବାକୁ ସାହସ ଜୁଟାଇ ପାରୁନାହାନ୍ତି। କେତେକ କ୍ଷେତ୍ରରେ ଅଭିଯୋଗ ପରେ ଅଭିଯୁକ୍ତଙ୍କୁ ପୋଲିସ ଗିରଫ କରୁଥିଲେ ମଧ୍ୟ ସମ୍ପୂର୍ଣ୍ଣ ଭାବେ ଦାଦାବଟି ଆଦାୟକୁ ରୋକିପାରୁନାହିଁ।
ସୂଚନା ଅନୁଯାୟୀ, ଗତ ୧୧ ତାରିଖରେ ଅର୍ବାନ ହାଟରେ ପିସ୍ତଲ ଦେଖାଇ ଦୁଇଜଣ ଯୁବକ ଦାଦାବଟି ଆଦାୟ କରୁଥିବା ଅଭିଯୋଗରେ ଗିରଫ ହୋଇଥିଲେ। ସେହିଭଳି ଗତ ୮ତାରିଖରେ ବସଷ୍ଟାଣ୍ଡ ଓ ୪ତାରିଖରେ କୁମ୍ଭାରପଡ଼ା ଅଞ୍ଚଳରେ ଦାଦାବଟି ମାଗି ୨ଜଣ ଗିରଫ ହୋଇଥିଲେ। ସେହିଭଳି ଗତ ମାସ ୩୦ ତାରିଖରେ ଜଣେ ଯୁବକ ଭୁଜାଲି ଦେଖାଇ ଦାଦାବଟି ମାଗୁଥିବା ବେଳେ ଟାଉନ ଥାନା ପୋଲିସ ହାତରେ ଧରାପଡ଼ିଥିଲେ। ଗତ ମାସ ୨୭ରେ ୪ ଜଣ, ୨୦ ଓ ୧୯ ତାରିଖରେ ୨ଜଣ ଲେଖାଏ, ୧୪ ତାରିଖରେ ପେଣ୍ଠକଟାରୁ ୫ ଓ ସେପ୍ଟେମ୍ବର ୨ରେ ୨ଜଣ ଗିରଫ ହୋଇଥିଲେ। ଅଗଷ୍ଟ ୧୪ରେ ୫, ୧୫ରେ ୨ ଓ ୧୩ ତାରିଖରେ ୩ଜଣଙ୍କୁ ଗିରଫ କରାଯାଇଥିଲା। ଏହି ଭଳି ଭାବେ ଗତ ୩ମାସରେ ପୁରୀ ସହରେ ୫୦ରୁ ଊର୍ଦ୍ଧ୍ୱ ଅଭିଯୁକ୍ତଙ୍କୁ ପୋଲିସ କେବଳ ଦାଦାବଟି ମାମଲାରେ ଗିରଫ କରିଛି। ୨୦୧୯ରେ ପୋଲିସ କେତେଜଣ ଦୁର୍ଦ୍ଦାନ୍ତ ଅପରାଧୀଙ୍କୁ ଗିରଫ କରିଥିଲା। ସ୍ଥାନୀୟ ଲୋକେ ଦାଦାବଟି ନ ଦେବାରୁ ଏମାନେ ବିସ୍ଫୋରଣ ଓ ଗୁଳିକାଣ୍ଡ ଘଟାଇଥିଲେ। ଦୁର୍ଦ୍ଦାନ୍ତ ପପୁ ବରାଳ ଚଳିତ ବର୍ଷ ବଟି ମାଗି ଗିରଫ ହୋଇଥିବା ବେଳେ ୨୦୧୯ରେ ବସ୍‌ଷ୍ଟାଣ୍ଡର ବାହନ ପ୍ରଧାନଙ୍କୁ ଗିରଫ କରାଯାଇଥିଲା। ଦଶ ଅବତାର ମଠ ନିକଟ ଗ୍ରୋସେରି ଦୋକାନୀ ବଟି ନ ଦେବାରୁ ସେ ବିସ୍ଫୋରଣ ଘଟାଇଥିଲେ। ନୀଳଚକ୍ର ନଗରର ଟିକି ସାଁ ଓ କୁମ୍ଭାରପଡ଼ାର ଚିଣ୍ଟୁ ସାମନ୍ତରାୟ ମଧ୍ୟ ଦାଦାବଟି ପାଇଁ ବିସ୍ଫୋରଣ ଘଟାଇଥିଲେ। ତେବେ ଗତ କିଛିମାସ ଧରି ବିସ୍ଫୋରଣ ଓ ଗୁଳିକାଣ୍ଡ ଭଳି ଘଟଣା ଘଟି ନ ଥିଲା। ଏବେ ପୁଣି ଦାଦାବଟି ମାଗୁଥିବା ବ୍ୟକ୍ତି ସକ୍ରିୟ ହୋଇଉଠିଲେଣି। ନରେନ୍ଦ୍ରକୋଣର ଜଣେ ବାସିନ୍ଦା ନାମ ଗୋପନ ରଖି କହିଛନ୍ତି, ଦାଦାବଟି ମାଗୁଥିବା ଲୋକଙ୍କ ପାଖରେ ମାରଣାସ୍ତ୍ର ରହୁଥିବାରୁ ସେମାନଙ୍କ ବିରୋଧରେ ଯିବାର ସାହସ ଯୋଗାଡ଼ କରିପାରୁନାହୁଁ। ଏ ନେଇ ସାମାଜିକ କର୍ମୀ ବିଶ୍ୱଜିତ୍‌ ମହାନ୍ତି କହିଛନ୍ତି, ଲକଡାଉନ୍‌ ସମୟରେ ପୁରୀ ସହରରେ ଦାଦାବଟି ଆଦାୟ ଅଭିଯୋଗ କମିଥିବା ଭଳି ମନେ ହେଉଥିଲା। ମାତ୍ର ଏବେ ପୁଣି ବଢ଼ିଛି। ପୋଲିସ ସମ୍ପୃକ୍ତ ଅଭିଯୁକ୍ତମାନଙ୍କ ମୂଳୋତ୍ପାଟନ କରିବାକୁ ଚାହୁଁଥିଲେ, ପ୍ରଥମେ ସ୍ଥାନୀୟ ଲୋକଙ୍କ ସହ ସୁସମ୍ପର୍କ ସ୍ଥାପନ କରିବା ଆବଶ୍ୟକ। ଲୋକେ ନିର୍ଭୟର ସହ ପୋଲିସକୁ ଖବର ଦେଇଲେ ଦାଦାବଟି ରୋକାଯାଇପାରିବ। ଲୋକେ ଦାଦାବଟି ଦେଉଥିଲେ ମଧ୍ୟ ସୁରକ୍ଷା ଦୃଷ୍ଟିକୋଣରୁ ପୋଲିସ ସମ୍ମୁଖକୁ ଆସି ଅଭିଯୋଗ କରିବାକୁ ପଛଘୁଞ୍ଚା ଦେଉଛନ୍ତି। ଅନ୍ୟପକ୍ଷରେ ପୁରୀ ଏସ୍‌ପି କନୱର ବିଶାଲ ସିଂ କହିଛନ୍ତି, ଦାଦାବଟି ରୋକିବା ପାଇଁ ପୁରୀ ପୋଲିସ ପକ୍ଷରୁ ସବୁ ପ୍ରକାର ଉଦ୍ୟମ କରାଯାଉଛି। ସାହି କମିଟିଗୁଡ଼ିକୁ ମଧ୍ୟ ଏସମ୍ପର୍କିତ ସୂଚନା ଦେବା ପାଇଁ ଅପିଲ କରାଯାଇଛି। ଦାଦାବଟି ଅପରାଧ ବିରୋଧରେ ପୁରୀ ପୋଲିସ ଶୂନ୍ୟସହନଶୀଳତା ନୀତି ଆପଣାଉଛି। ତେଣୁ ଲୋକେ ଦାଦାବଟି ନ ଦେଇ ପୋଲିସ ଉପରେ ଭରସା ରଖି ସୂଚନା ଦେବା ଉଚିତ।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri