ଗାଁ ସ୍କୁଲରେ ଶିକ୍ଷାକୁ ଅଧିକ ଆକର୍ଷଣୀୟ କରିବା ଲାଗି ଅକ୍ଷୟ ମାଶେଲକରଙ୍କ ପ୍ରୟାସ ବେଶ୍ ପ୍ରଶଂସନୀୟ। ସେ ଏକ ମାନବ ରୋବୋ ମାଧ୍ୟମରେ ଏହା କରିବାକୁ ସକ୍ଷମ ହୋଇପାରିଛନ୍ତି। ଏହି ରୋବୋର ନାମ ଶିକ୍ଷା। ଏହା ୪ର୍ଥରୁ କମ୍ ଶ୍ରେଣୀରେ ପଢୁଥିବା ପିଲାମାନଙ୍କ ବେଶି ଉପଯୋଗୀ ହୋଇଛି। କର୍ନାଟକର ଉତ୍ତର କନ୍ନଡ ଜିଲା ଶୀର୍ସା ଗାଁରେ ଜନ୍ମିତ ଅକ୍ଷୟ ଉଚ୍ଚଶିକ୍ଷା ଶେଷ କରି ଏକ କଲେଜରେ ପଦାର୍ଥ ବିଜ୍ଞାନ ପ୍ରଫେସର ଭାବେ ଯୋଗ ଦେଇଥିଲେ। କିନ୍ତୁ ପିଲାମାନଙ୍କ ଶିକ୍ଷାରେ ଉନ୍ନତି ଆଣିବା ପାଇଁ ସେ ବିଭିନ୍ନ ଉପାୟ ସମ୍ପର୍କରେ ଚିନ୍ତା କରିବା ପରେ ଏହି ରୋବୋ ବିକାଶ କରିଛନ୍ତି। ଦେଢ଼ ବର୍ଷ ଗବେଷଣା କରି ସେ ୨୦୨୨ରେ ଏହାର ନିର୍ମାଣ ଶେଷ କରିଥିଲେ। ଉକ୍ତ ରୋବୋ ଆଞ୍ଚଳିକ ଭାଷାରେ ପଢ଼ାଇପାରୁଛି। ଇଂଲିଶ ଓ କନ୍ନଡ ଭାଷାରେ ରାଇମ୍ ଓ ଅନ୍ୟ ବିଷୟ ଉପରେ ଶିକ୍ଷା ଦେଇପାରୁଛି। ମିଶାଣ, ଫେଡ଼ାଣ ଓ ଗୁଣନ କରିପାରୁଛ। ଏହା ଉତ୍ତର କନ୍ନଡ ଜିଲାର ୨୫ଟିରୁ ଊର୍ଦ୍ଧ୍ୱ ସ୍କୁଲରେ ପଢାଇବା ଦକ୍ଷତା ପ୍ରଦର୍ଶନ କରିସାରିଲାଣି। ଏହାଦ୍ୱାରା ସ୍କୁଲରେ ଶିକ୍ଷକ ଅଭାବ ସମସ୍ୟା ଅନେକାଂଶରେ ସମାଧାନ ହୋଇପାରିବ ବୋଲି କହନ୍ତି ଅକ୍ଷୟ। ଅନେକ ବିଶେଷତ୍ୱ ଥିବା ରୋବୋ ‘ଶିକ୍ଷା’କୁ ନିର୍ମାଣ କରିବାରେ ୨ ଲକ୍ଷ ଟଙ୍କା ଖର୍ଚ୍ଚ ହୋଇଛି।
