ଲୁହାକୁ ଯେତେ ପିଟିବ ତାହା ସେତେ ମଜଭୁତ ହେବ- ଏହି କଥାଟିକୁ ସେହି ମହିଳା ଜଣକ ବାରମ୍ବାର ଦୋହରାନ୍ତି ଯିଏ କି ପିଲାଦିନରୁ ପ୍ରତିକୂଳ ପରିସ୍ଥିତିକୁ ସାମ୍ନା କରି ବେଶ୍ ମଜଭୁତ ହୋଇପାରିଛନ୍ତି। ଏହି ମହିଳା ଜଣକ ହେଉଛନ୍ତି ପଶ୍ଚିମବଙ୍ଗର ୨୬ ବର୍ଷୀୟା ନସିମା ଗେନ୍। ନସିମାଙ୍କୁ ୧୩ ବର୍ଷ ହୋଇଥିବାବେଳେ ତାଙ୍କ ପରିବାରର ଜଣେ ବନ୍ଧୁ ତାଙ୍କୁ ବିକ୍ରି କରିଦେଇଥିଲେ। ବିହାରରେ ତାଙ୍କୁ ହାଉସମେଡ୍ ଭାବେ କାମ କରିବାକୁ ପଡ଼ିଥିତ୍ଲା। ପରେ ତାଙ୍କ ପରିବାର ତାଙ୍କୁ ଉଦ୍ଧାର କରିଥିଲା। ନସିମା ଆଜି ମାନବ ଚାଲାଣ ବିରୋଧରେ ସଂଗ୍ରାମ ଜାରି ରଖିଛନ୍ତି ଓ ବିକ୍ରି କରିଦିଆଯାଇଥିବା ପୀଡ଼ିତାଙ୍କୁ ଉଦ୍ଧାର କରି ସମାଜର ମୁଖ୍ୟ ସ୍ରୋତରେ ସାମିଲ କରୁଛନ୍ତି। ସେ ୨୦୧୬ରେ ଉତ୍ଥାନ କଲେକ୍ଟିଭ ସଂସ୍ଥା ଗଢ଼ିବା ପରେ ୨୦୧୯ରେ ସମାନ ବିଚାରଧାରାର ସଂସ୍ଥାଗୁଡ଼ିକୁ ନେଇ ଇଣ୍ଡିଆନ ଲିଡରଶିପ୍ ଫୋରମ ଏଗ୍ନେଷ୍ଟ ଟ୍ରାଫିକିଙ୍ଗ ଗଠନ କରିଥିଲେ। ଏବେ ଏହି ସଂସ୍ଥାରେ ୪, ୫୦୦ ସଦସ୍ୟ ଅଛନ୍ତି। ନସିମା ଏବେ ସୁଦ୍ଧା ୪,୦୦୦ ପୀଡ଼ିତାଙ୍କୁ ଉଦ୍ଧାର କରି ସେମାନଙ୍କୁ ନୂଆ ଜୀବନ ଓ ଜୀବିକାର ରାସ୍ତା ଦେଖାଇଛନ୍ତି। ସେମାନଙ୍କ ପାଇଁ ବିଭିନ୍ନ ପ୍ରଶିକ୍ଷଣ ବ୍ୟବସ୍ଥା ବି କରିଛନ୍ତି।
