ସେବା ଲାଗି ଡାକ୍ତରଙ୍କୁ ଦ୍ୱିତୀୟ ଭଗବାନ କୁହାଯାଏ, ଯାହାର ବାସ୍ତବତା ପ୍ରତିପାଦିତ କରୁଛନ୍ତି ପଶ୍ଚିମବଙ୍ଗ ସୁନ୍ଦରବନର ଡା. ଫାରୁକ୍ ହୁସେନ। ଫାରୁକ୍ ଗରିବ ଲୋକଙ୍କ ଚିକିତ୍ସା କରିବା ଲାଗି ସରକାରୀ ଚାକିରି ଛାଡ଼ି ଦେଇଛନ୍ତି। ବିନା ଦେୟରେ ସେ ଲୋକଙ୍କ ଚିକିତ୍ସା ଜାରି ରଖିଛନ୍ତି। ସେଥିପାଇଁ ଲୋକେ ତାଙ୍କୁ ‘ବିନା ପଇସାର ଡାକ୍ତର’ ବୋଲି ସମ୍ବୋଧନ କରୁଛନ୍ତି। ଗରିବ ପରିବାରରେ ଜନ୍ମିତ ଫାରୁକ୍ ଲୋକମାନଙ୍କ ଦୁର୍ଦ୍ଦଶା ଦେଖି ସେମାନଙ୍କ ସେବା କରିବା ପାଇଁ ପିଲାଦିନରୁ ଲକ୍ଷ୍ୟ ରଖିଥିଲେ। ପରେ ଡାକ୍ତରୀ ପଢ଼ି ସରକାରୀ ଚାକିରି କରିଥିଲେ । ୨୦୧୪ରେ ଚାକିରି ଛାଡ଼ି ଦେଇ ଲୋକଙ୍କ ସେବା କରିବାରେ ଲାଗିଛନ୍ତି। କେବଳ ଏତିକି ନୁହେଁ ଫାରୁକ୍ ତାଙ୍କ ଗାଁର କିଛି ଯୁବକଙ୍କ ସହାୟତାରେ ‘ନବ ଦିଗନ୍ତ’ଏନ୍ଜିଓ ଗଠନ କରିଛନ୍ତି। ଉକ୍ତ ଏନ୍ଜିଓ ମାଧ୍ୟମରେ ସେ ଏକ ସ୍କୁଲ ବି ଖୋଲିଛନ୍ତି। ସୁନ୍ଦରବନ ଅଞ୍ଚଳରେ ମହିଳା ଓ ଝିଅମାନଙ୍କୁ ମାଗଣାରେ ସାନିଟାରି ନାପ୍କିନ ବାଣ୍ଟୁଛନ୍ତି।
