ଦିନେ ଉପାସରେ ଶୋଉଥିବା ଝିଅଟି ଏବେ ଅନ୍ୟମାନଙ୍କ ପେଟ କଥା ଚିନ୍ତା କରୁଛନ୍ତି। ସେ ହେଉଛନ୍ତି ତାମିଲନାଡୁ ତ୍ରିରୁଚି ନିବାସୀ ଚିନ୍ନାଥାମ୍ବି। ୨ ଟଙ୍କାରେ ସେ ଦୋଷା ବିକ୍ରି କରୁଛନ୍ତି। ଇଡ୍ଲି ପ୍ଲେଟ୍ ଦାମ୍ ୩ ଟଙ୍କା ଓ ଉପମାର ମୂଲ୍ୟ ୪ ଟଙ୍କା ରଖିଛନ୍ତି। ପ୍ରତିଦିନ ପାଖାପାଖି ୮୦୦ ଦୋଷା ବିକ୍ରି କରୁଛନ୍ତି। ଏହା ସନ୍ଧ୍ୟା ୬.୩୦ରୁ ବିଳମ୍ବିତ ରାତି ଯାଏ ଚାଲୁ ରହୁଛି। ଦୋଷା ସହ ଲୋକମାନଙ୍କୁ ଇଡ୍ଲି, ପରଟା, ଉପମା, ଆମ୍ଲେଟ ମାଗଣାରେ ଦେଉଛନ୍ତି। ଏସବୁ ଆଇଟମ୍କୁ ନେଇ ମୋଟରେ ସେ ୨୪ ପ୍ରକାର ଖାଦ୍ୟ ପ୍ରସ୍ତୁତ କରୁଛନ୍ତି। ହେଲେ ଦୋଷାର ଚାହିଦା ସବୁଠୁ ଆଗରେ ରହିଛି। ଚିନ୍ନାଥାମ୍ବିଙ୍କ ବୟସ ୪୯। ରାସ୍ତାକଡ଼ରେ ରହୁଥିବା ଅନେକ ଲୋକଙ୍କୁ ସେ କମ୍ ମୂଲ୍ୟରେ ପେଟପୂରା ଖାଇବାକୁ ଦେଉଛନ୍ତି। ୬ ବର୍ଷ ହେବ ସେ ଏହି କାର୍ଯ୍ୟ କରିଆସୁଛନ୍ତି। ପ୍ରତିଦିନ ସକାଳୁ ଉଠି ଖାଦ୍ୟ ଲାଗି ଜିନିଷ ପ୍ରସ୍ତୁତରେ ଲାଗିପଡ଼ନ୍ତି। ଦୋକାନରୁ ଯାହା ରୋଜଗାର ହୁଏ ତାହା ଜିନିଷ କିଣାରେ ଶେଷ ହୋଇଯାଏ, ଲାଭ କହିଲେ ସେ ପାଉଥିବା ଆନନ୍ଦ ବୋଲି କହନ୍ତି ଚିନ୍ନାଥାମ୍ବି।
