ଭାରତକୁ ବର୍ଜ୍ୟମୁକ୍ତ କରିବାର ପ୍ରୟାସ କିିଛି କମ୍ କଥା ନୁହେଁ। ଦିଲ୍ଲୀର ରିପୁ ଦାମନ ବେଲ୍ଭି ଏମିତି କାର୍ଯ୍ୟରେ ଲାଗିଛନ୍ତି। ସେ ଭାରତର ବିଭିନ୍ନ ସହରରେ ସକାଳେ ଦୌଡ଼ିବା ସମୟରେ ସଫେଇ ଅଭିଯାନରେ ବର୍ଜ୍ୟ ସଂଗ୍ରହ କରୁଛନ୍ତି। ରିପୁଙ୍କ ବୟସ ୩୩ ।
ଇଞ୍ଜିନିୟରିଂରେ ଶିକ୍ଷା ଶେଷକରି ସେହି ବୃତ୍ତିରେ ରହିଛନ୍ତିି। ୨୦୧୬ରେ ସେ କୌଣସି ଏକ ଦୁର୍ଘଟଣାରେ ଆହତ ହୋଇ ସେଥିରୁ ମୁକୁଳିବା ଲାଗି ଦୌଡିବା ଅଭ୍ୟାସ କରୁଥିଲେ। ଏହି ସମୟରେ ସେ ରାସ୍ତା କଡ଼ରେ ବର୍ଜ୍ୟ ପଡିଥିବା ଲକ୍ଷ୍ୟ କରି ତାହାକୁ ଗୋଟାଇବା ବି ଆରମ୍ଭ କରିଥିଲେ। ଏହାପରେ ଗତ ୪ ବର୍ଷ ମଧ୍ୟରେ ବିଭିନ୍ନ ସହରରେ ଏହି ଧାରାରେ ବର୍ଜ୍ୟ ସଂଗ୍ରହ କରିବାକୁ ଚିନ୍ତା କରି ଏବେ ସୁଦ୍ଧା ୮୦ଟି ସହରରେ ୫୦୦ଟି ସଫେଇ ଅଭିଯାନ ଆୟୋଜନ କରିସାରିଲେଣି। ରିପୁଙ୍କ ଏଭଳି ଅଭିଯାନକୁ ସବୁଆଡୁ ପ୍ରଶଂସା କରାଯାଉଛି। ଜଗିଂ ସମୟରେ ବର୍ଜ୍ୟ ସଂଗ୍ରହକୁ ପ୍ଲଗିଂ କୁହାଯାଉଛି। ରିପୁ ଭାରତର ପ୍ଲଗିଂ ଆମ୍ବାସାଡର ବି ରହିଛନ୍ତି। ତାଙ୍କର ପ୍ରତ୍ୟେକ ସଫେଇ ଅଭିଯାନରେ ପାଖାପାଖି ୧୫୦ ଛାତ୍ରୀଛାତ୍ର ଯୋଗ ଦେଉଛନ୍ତି। ଏମାନେ ଦୌଡ଼ିବା ସମୟରେ ବି ରାସ୍ତାକଡ଼ ଦୋକାନୀମାନଙ୍କୁ ବି ସ୍ବଚ୍ଛତା ସମ୍ପର୍କରେ ସଚେତନ କରୁଛନ୍ତି।
