ବୟସ କମ୍ ହେଲେ କ’ଣ ହେବ, କାମ କିନ୍ତୁ ପ୍ରଭାବଶାଳୀ। ଏମିତି ଜଣେ ପିଲା ହେଉଛନ୍ତି ତନ୍ଭୀ ଅରବିନ୍ଦ। ବୟସ ୧୪। ସେ ୯ମ ଶ୍ରେଣୀରେ ପଢୁଛନ୍ତି। ତନ୍ଭୀ ବରିଷ୍ଠ ନାଗରିକମାନଙ୍କୁ ଅନ୍ଲାଇନରେ ମେସେଜ ପଠାଇବା, ଆପ୍ କିମ୍ବା ଷ୍ଟ୍ରିମ୍ ଭିଡିଓ ଡାଉନ୍ଲୋଡ ଉପରେ ଶିକ୍ଷା ଦେଉଛନ୍ତି। ତନ୍ଭୀ ରହୁଛନ୍ତି ଚେନ୍ନାଇରେ। ସେ ଅନ୍ଲାଇନରେ ଟେକ୍ଇଡିଇନ୍ ମାଧ୍ୟମରେ ଏବେ ସୁଦ୍ଧା ୯୩ ବରିଷ୍ଠ ନାଗରିକଙ୍କୁ ଶିକ୍ଷା ଦେଇସାରିଲେଣି। ୨୦୧୯ରେ ୬୮ ଓ ୨୦୨୦ରେ ୨୫ ଜଣଙ୍କୁ ଟେକ୍ନୋଲୋଜିରେ ଦକ୍ଷ କରିପାରିଛନ୍ତି। ତାଙ୍କ ଜେଜେବାପା ଓ ଜେଜେମା ସ୍ମାର୍ଟ ଫୋନ୍ରେ ମେସେଜ ପଠାଇବାଠାରୁ ଆରମ୍ଭକରି ବିଭିନ୍ନ କାର୍ଯ୍ୟରେ ସମସ୍ୟାର ସମ୍ମୁଖୀନ ହେବା ଲକ୍ଷ୍ୟ କରିଥିଲେ ତନ୍ଭୀ । ପ୍ରଥମେ ସେମାନଙ୍କୁ ଶିକ୍ଷା ଦେବା ପରେ ତାଙ୍କ ଅଭିଯାନ ଆରମ୍ଭ କରିଥିତ୍ଲେ। ବରିଷ୍ଠ ନାଗରିକମାନଙ୍କୁ ଟେକ୍ନୋଲୋଜି ସମ୍ପର୍କିତ ଶିକ୍ଷା ପ୍ରଦାନ କରିବାରେ ତନ୍ଭୀଙ୍କୁ ତାଙ୍କ ଭଉଣୀ ମଧ୍ୟ ସହଯୋଗ କରୁଛନ୍ତି। ଆବଶ୍ୟକ ହେଲେ ସେ ବରିଷ୍ଠ ନାଗରିକଙ୍କ ଘରକୁ ଯାଇ ଶିକ୍ଷା ଦେଉଛନ୍ତି।
