ଜଳବାୟୁ ପରିବର୍ତ୍ତନ ସଙ୍କଟ ଗମ୍ଭୀର ହେବାରେ ଲାଗିଛି। ପ୍ରାକୃତିକ ବିପର୍ଯ୍ୟୟର ତୀବ୍ରତା ବୃଦ୍ଧି ପାଉଥିବାବେଳେ କୃଷି ଓ ଜୀବନ ଜୀବିକା ପ୍ରଭାବିତ ହେଉଛି। ଏହାକୁ ନେଇ ଜାତୀୟ ତଥା ଅନ୍ତର୍ଜାତୀୟ କ୍ଷେତ୍ରରେ ସଚେତନତା କାର୍ଯ୍ୟକ୍ରମ ଚାଲୁଥିବାବେଳେ ବ୍ୟକ୍ତିଗତ ସ୍ତରରେ ଯେଉଁ କେତେଜଣ ଆଗକୁ ଆସିଛନ୍ତି ସେମାନଙ୍କ ମଧ୍ୟରେ ଚଞ୍ଚଳ କନଓ୍ବର ସିଂ ଅନ୍ୟତମ। ସେ ଏକାକୀ ଭାରତରେ ୨୦,୩୯୭ କି.ମି. ସାଇକେଲରେ ଯାଇ ଜଳବାୟୁ ପରିବର୍ତ୍ତନ ସମ୍ପର୍କରେ ଲୋକଙ୍କୁ ସଚେତନ କରୁଛନ୍ତି। ସେ ୬ ମାସ ଧରି ପ୍ରାୟ ସବୁ ରାଜ୍ୟକୁ ଯାଇଛନ୍ତି। ସେ ତାଙ୍କ ଯାତ୍ରା ୨୮ ଅଗଷ୍ଟ ୨୦୨୨ରେ ଆରମ୍ଭ କରି ଚଳିତବର୍ଷ ଫେବୃଆରୀରେ ଶେଷ କରିଛନ୍ତି। ଏହି ଯାତ୍ରା ସମୟରେ ସେ ସର୍ବନିମ୍ନ ଆବଶ୍ୟକତାକୁ ଆଧାର କରି ଜୀବନ ବିତାଇଛନ୍ତି। ଚଞ୍ଚଳଙ୍କ ବୟସ ୩୯। ଏହି ସାଇକେଲ ଯାତ୍ରା ସମୟରେ ସେ ସ୍କୁଲ ଓ କଲେଜଗୁଡ଼ିକୁ ଯାଇ ସଚେତନତା ବର୍ତ୍ତା ଦେଇଛନ୍ତି। ଏହାସହ ପରିବେଶ କାର୍ଯ୍ୟକ୍ରମ ସହ ଜଡ଼ିତ ସବୁ ରାଜ୍ୟର କର୍ମଚାରୀଏବଂ ପରିବେଶବିତ୍ଙ୍କ ସହ ମଧ୍ୟ ଆଲୋଚନା କରିଛନ୍ତି।
