ନୂଆଦିଲ୍ଲୀ,୧୬।୩ : ସଂସଦର ବଜେଟ ଅଧିବେଶନର ଦ୍ୱିତୀୟ ପର୍ଯ୍ୟାୟ ମଧ୍ୟ ଝଡ଼ତୋଫାନ ବୋଲି ପ୍ରମାଣିତ ହେଉଛି। ଲଗାତାର ତିନି ଦିନ ଧରି ସଂସଦର ଉଭୟ ଗୃହ, ଲୋକସଭା ଏବଂ ରାଜ୍ୟସଭାରେ କାର୍ଯ୍ୟ ହୋଇପାରି ନାହିଁ। ଲଣ୍ଡନରେ ରାହୁଲ ଗାନ୍ଧୀଙ୍କ ବିବୃତ୍ତି, ଆଦାନୀ ପ୍ରସଙ୍ଗ ଏବଂ ଏଜେନ୍ସିର ଅପବ୍ୟବହାରକୁ ନେଇ ଶାସକ ତଥା ବିରୋଧୀ ଦଳ ମଧ୍ୟରେ ବିବାଦ ଜାରି ରହିଛି।
ଏପରିସ୍ଥଳେ ଟିଏମସି ଏମ୍ପି ମହୁଆ ମୋଇତ୍ର ଲୋକସଭା ବାଚସ୍ପତି ଓମ ବିର୍ଲାଙ୍କ ବିରୋଧରେ ଏକ ବଡ ଅଭିଯୋଗ ଆଣିଛନ୍ତି। ମହୁଆ କହିଛନ୍ତି ଗଣତନ୍ତ୍ର ବିପଦରେ ଅଛି ଏବଂ ମୁଁ ମୋର ଏହି ମନ୍ତବ୍ୟ ପାଇଁ ଜେଲ ଯିବାକୁ ମଧ୍ୟ ପ୍ରସ୍ତୁତ ଅଛି।
ଏକ ଟୁଇଟରେ ମହୁଆ ଓମ ବିର୍ଲାଙ୍କ ବିରୋଧରେ ମାଇକ ବନ୍ଦ କରିଥିବାର ଅଭିଯୋଗ କରିଛନ୍ତି । ସେ ଟୱିଟ କରି କହିଛନ୍ତି, “ଗତ ତିନି ଦିନ ମଧ୍ୟରେ ବାଚସ୍ପତି ଓମ ବିର୍ଲା କେବଳ ଭାଜପା ଏମ୍ପିଙ୍କୁ ମାଇକରେ କଥା ହେବାକୁ ଅନୁମତି ଦେଇଥିଲେ ଏବଂ ପରେ ଗୃହକୁ ସ୍ଥଗିତ ରଖିଥିଲେ। କୌଣସି ବିରୋଧୀ ସଦସ୍ୟଙ୍କୁ କହିବାକୁ ଅନୁମତି ଦିଆଯାଇ ନ ଥିଲା। ଏହା ଗଣତନ୍ତ୍ର ବିପଦରେ ଅଛି ବୋଲି ଦର୍ଶାଉଛି।
