ବିଷମ କଟକ, ୧।୫(ପ୍ରସନ୍ନ କୁମାର ପଣ୍ଡା): ଆଇସିଏସ୍ଇ ଦଶମ ଶ୍ରେଣୀ ପରୀକ୍ଷାଫଳ ଗୁରୁବାର ପ୍ରକାଶ ପାଇଛି। ଏଥିରେ ରାୟଗଡା ଜିଲା ବିଷମ କଟକ ବ୍ଲକ ସଦର ନ୍ୟୁଲାଇଫ୍ ଇଂଲିଶ ମାଧ୍ୟମ ବିଦ୍ୟାଳୟ ଛାତ୍ର ସତ୍ୟଜିତ ହୋତା ୯୩.୬ ପ୍ରତିଶତ ମାର୍କ ରଖି ବିଦ୍ୟାଳୟ ଟପ୍ପର ହୋଇଛନ୍ତି । ସେହିପରି ଦ୍ୱିତୀୟ ସ୍ଥାନରେ ବିଦ୍ୟାଳୟର ଜି.ସମର୍ଥ କୁମାର ୯୨.୨, ଏବଂ ସୌମ୍ୟରଞ୍ଜନ ଦାଶ ୮୯.୬, ବିଶ୍ୱଜିତ ସ୍ବାଇଁ ୮୬.୮ ଏବଂ ସ୍ବପ୍ଲିନ ରଞ୍ଜନ ପାତ୍ର ୮୬.୪ ପ୍ରତିଶତ ମାର୍କ ରଖିଛନ୍ତି । କୃତୀ ଛାତ୍ରୀଛାତ୍ରଙ୍କୁ ବିଦ୍ୟାଳୟ ଅଧ୍ୟକ୍ଷ ମଳୟ ବେନିୟା ଏବଂ ସମସ୍ତ ଅଧ୍ୟାପକ ଅଧ୍ୟାପିକା ଶୁଭେଚ୍ଛା ଜଣାଇବା ସହ ସେମାନଙ୍କ ଉଜ୍ବଳ ଭବିଷ୍ୟତ କାମନା କରିଛନ୍ତି ।
