Posted inଫୁରସତ

ପ୍ରଥମ ଦରମା ବାପାଙ୍କୁ ଦେଇଥିଲି: ରାମପ୍ରସାଦ ଚ୍ୟାଉପଟ୍ଟନାୟକ

ଖୋର୍ଦ୍ଧା ଜିଲା ଟାଙ୍ଗୀ ବ୍ଲକ ଅନ୍ତର୍ଗତ ରତନପୁରରେ ମୋ ଜନ୍ମ। ମା’ ସୁହାସିନୀ ଓ ବାପା ହରମୋହନ ଚ୍ୟାଉପଟ୍ଟନାୟକ। ଶିକ୍ଷାଗତ ଯୋଗ୍ୟତା ସ୍ନାତକ। ଇଚ୍ଛା ଥିଲା ସରକାରୀ ଚାକିରି, ବିଶେଷକରି ପୋଲିସ ଚାକିରି କରିବାକୁ। ହେଲେ ସମୟ ସ୍ରୋତରେ ମୋ ଜୀବନର ଗତିପଥ ବଦଳିଗଲା, ଆଉ ମୁଁ ଜଣେ ସାମାଜିକ କର୍ମୀ ହୋଇ ସମାଜର ତଥା ଲୋକମାନଙ୍କ ହିତସାଧନ କରିବାକୁ ନିଜକୁ ସମର୍ପି ଦେଲି। ଏହି କାର୍ଯ୍ୟର ଶୁଭାରମ୍ଭ ୧୯୯୧ ମସିହାରେ ନିଜ ଗାଁରୁ ଆରମ୍ଭ କରିଥିଲି। ସେତେବେଳେ ଗାଁରେ ‘ବିଜୟ’ ନାମରେ ଏକ ୟୁଥ୍‌ କ୍ଲବ ଥିଲା, ଯାହାର କାର୍ଯ୍ୟକାରୀ ସଦସ୍ୟ ରହିବା ସହ ସେକ୍ରେଟାରି ଦାୟିତ୍ୱ ମୋତେ ବୁଝିବାକୁ ପଡୁଥିଲା। କ୍ଲବ ତଥା ଗାଁର କେତେକ ବିକାଶମୂଳକ କାର୍ଯ୍ୟ ପାଇଁ ଅନେକ ସମୟରେ ବ୍ଲକ ଅଫିସ୍‌କୁ ଯାଉଥିବାରୁ ସେଠାକାର କର୍ମଚାରୀଙ୍କ ସହ ଆମର ଭଲ ପରିଚୟ ହୋଇଯାଇଥିଲା। ଫଳରେ ସେହି ବ୍ଲକ ଅଫିସ୍‌ରୁ ଆମର ଠିକଣା ପାଇ ‘କାର୍ଡ’ ନାମକ ଏକ ବେସରକାରୀ ସାମାଜିକ ଅନୁଷ୍ଠାନ ଆମ ପାଖକୁ ଚିଠି ପଠାଇଥିଲା, ଯେଉଁଥିରେ ଉଲ୍ଲେଖ ଥିଲା ଭୁବନେଶ୍ୱରରେ ସମାଜ ସଚେତନତା ଉପରେ ପ୍ରାୟ ୨୧ ଦିନିଆ ତାଲିମ ଶିବିର ଆମେ କରୁଛୁ। ଆଉ ଏଥିରେ ବ୍ଲକ ଅଧୀନ ଯେତେ ଆକ୍ଟିଭ କ୍ଲବ ରହିଛି, ସେହି କ୍ଲବଗୁଡ଼ିକରୁ ୨ଜଣ ଲେଖାଏଁ ସଦସ୍ୟଙ୍କୁ ଏହି ଶିବିରରେ ଯୋଗଦେବାକୁ ଅନୁରୋଧ କରୁଛୁ। ଚିଠିଟି ପାଇଲା ପରେ ମୁଁ ଆଉ ମୋର ଜଣେ ସହଯୋଗୀ ଯାଇ ଉକ୍ତ ଶିବିରରେ ତାଲିମ ନେଇଥିଲୁ। ସେଠାରେ ଆମକୁ ସମାଜର ତିନି ସ୍ତରର ଲୋକ ଯଥା: ଉଚ୍ଚସ୍ତରୀୟ, ମଧ୍ୟବିତ୍ତ ତଥା ଗରିବ ଶ୍ରେଣୀୟ ଲୋକଙ୍କ ମଧ୍ୟରେ କ’ଣ ସମ୍ପର୍କ, ଭେଦଭାବ ରହିଛି ସେ ବିଷୟରେ ବୁଝାଯିବା ସହ ସମାଜରେ କିପରି କ୍ଷମତାର ଅସମ ବଣ୍ଟନ, ଟଙ୍କାର ଅସମ ବଣ୍ଟନ ହୋଇଛି ତାକୁ ମଧ୍ୟ ଜଣାଯାଇଥିଲା। ଅର୍ଥାତ ଗରିବ କେମିତି ଟଙ୍କା ଅଭାବରୁ ଆହୁରି ଗରିବ ହେଉଛନ୍ତି ଆଉ ଧନୀଙ୍କ ପାଖରେ ଧନ କିପରି ବଢ଼ି ବଢ଼ି ଚାଲିଛି ସେ ବିଷୟରେ ବି ଅନେକ କଥା ସେଠାରେ ଜାଣିବାକୁ ମିଳିଲା। କହିବାକୁ ଗଲେ ଏହି ୨୧ଦିନର ତାଲିମ ହିଁ ମୋ ଭିତରେ ଅନେକ ପରିବର୍ତ୍ତନ ଆଣିଦେଲା। ସରକାରୀ ଚାକିରି କରି ଟଙ୍କା ରୋଜଗାର କରିବାର ମୋହ ମନରୁ କୁଆଡେ ଉଭେଇଗଲା। ତା’ ବଦଳରେ ସମାଜସେବାକୁ ଜୀବନର ମନ୍ତ୍ର ଭାବେ ବାଛିନେଇ ଉକ୍ତ ଅନୁଷ୍ଠାନରେ ଯାଇ ଯୋଗଦେଲି। ହେଡ୍‌ଅଫିସ୍‌ ବରମୁଣ୍ଡାରେ ହୋଇଥିଲେ ହେଁ ଟାଙ୍ଗୀରେ ଥିଲା ଏହାର ଏକ ପ୍ରୋଜେକ୍ଟ ଅଫିସ୍‌। ତେଣୁ ଟାଙ୍ଗୀରେ ରିସର୍ଚ୍ଚ ଆସିଷ୍ଟାଣ୍ଟ ଭାବେ କାମ କରିବାକୁ ଲାଗିଲି। ଏଠାରେ ମୋତେ ୬ଶହ ଟଙ୍କା ପ୍ରଥମେ ଦରମା ମିଳିଲା, ଯାହାକୁ ନେଇ ବାପାଙ୍କ ହାତରେ ଦେଲି। ବାପା ସେତେବେଳକୁ ଶିକ୍ଷକ ଚାକିରିରୁ ଅବସର ନେଇ ସାରିଥାନ୍ତି, ହେଲେ ପେନସନ୍‌ ତାଙ୍କର ଲାଗୁ ହୋଇ ନ ଥାଏ। ତେଣୁ ସେହି ଟଙ୍କାକୁ ପାଇବା ପରେ ବାପାଙ୍କ ଆଖିରେ ଗୋଟେ ଖୁସିର ଲହରି ଦେଖିବାକୁ ପାଇଥିଲି। ମୋତେ ବି ସେଦିନ ଭାରି ଖୁସି ଲାଗିଥିଲା। ବାପା ୫ଶହ ଟଙ୍କା ପାଖରେ ରଖି ଶହେ ଟଙ୍କା ହାତ ଖର୍ଚ୍ଚ ପାଇଁ ମୋତେ ଦେଇଥିଲେ। ତା’ପରେ ବି ମୁଁ ବାପାଙ୍କଠାରୁ ଆହୁରି ଅନେକ ଥର ପଇସା ନେଇଛି, ଆଉ ବାପା ସବୁଥର ଖୁସି ଖୁସିରେ ମୋତେ ପଇସା ଦେଇଛନ୍ତି। ଅବଶ୍ୟ ସେତେବେଳେ ବାପା ମୋତେ ପଚାରିଥିଲେ, ତୁ କ’ଣ ଏଇ କାମ ଆଉ ଏତିକି ଟଙ୍କାରେ ଖୁସି ଅଛୁ। ମୁଁ ତାଙ୍କୁ କହିଥିଲି, ଦେଖିବା ୬ମାସ କାମ ପାଇଁ ତ ଏଗ୍ରିମେଣ୍ଟ କରିଛି, ଯଦି କାମ ମୋ ମନଲଖି ହେଲା ତା’ହେଲେ ଆଗେଇବି ନ ହେଲେ ଆଉ କେଉଁଥିରେ କ୍ୟାରିୟର କରିବି। ହେଲେ ଏହି ଅନୁଷ୍ଠାନର କାମ ମୋତେ ଏତେ ପସନ୍ଦ ଆସିଗଲା ଯେ, ୟା’ଭିତରେ ଦୀର୍ଘ ୨୯ ବର୍ଷ ବିତିଗଲାଣି। ଆଉ ମୁଁ ଉକ୍ତ ଅନୁଷ୍ଠାନ ସହ ସଂଶ୍ଳିଷ୍ଟ ରହି ସମାଜ ଓ ଲୋକଙ୍କ ହିତ ପାଇଁ ଅନେକ ଗୁରୁତ୍ୱପୂର୍ଣ୍ଣ କାମ କରିବା ସହ ଏବେ ପ୍ରୋଜେକ୍ଟ କୋଅର୍ଡିନେଟର୍‌ ଭାବେ ଭୁବନେଶ୍ୱର ଅଫିସରେ ଅବସ୍ଥାପିତ। ସମାଜସେବା ବ୍ୟତୀତ କବିତା ଲେଖିବାରେ ବି ମୋର ରୁଚି ରହିଛି। ଖାସ୍‌ କରି ଗାଁ କଥା, ଶିଶୁ ଅଧିକାର, ସମାଜରେ ଘଟୁଥିବା ବିଭିନ୍ନ ଘଟଣାବଳୀ ଉପରେ ମୋ କବିତା ପର୍ଯ୍ୟବସିତ।


Enter your email to get our daily news in your inbox.

All Right Reserved By Dharitri.Com

ସ୍କଲାରଶିପ୍‌ ଟଙ୍କା ବାପାଙ୍କୁ ଦେଇଥିଲି: ଗଣେଶ୍ୱର ଜେନା

କେନ୍ଦୁଝର ଜିଲା ହାଟଡିହି ବ୍ଲକ ଅନ୍ତର୍ଗତ ସୁଲଣ ଗାଁରେ ମୋ ଜନ୍ମ। ହାଟଡିହି ଉଚ୍ଚ ବିଦ୍ୟାଳୟରୁ ଏକାଦଶ ପାସ୍‌ କରି ଭଦ୍ରକ କଲେଜରେ ଆଇଏସ୍‌ସି ପଢ଼ିଥିଲି।...

କବରରୁ ବାହାରି ସାକ୍ଷୀ ଦେଲା ମୃତଦେହ

ପାଟନା, ୨୨।୭: କଥାରେ ଅଛି ସତ କେବେ ଲୁଚି ରହେନା। କରିଥିବା ଅପରାଧ ଦିନେ ନା ଦିନେ ପ୍ରକାଶିତ ହେବ ବୋଲି କେତେକ କହିଥାନ୍ତି। ଏହାର...

ସବୁଠୁ ବଡ଼ ଗାଲ ଥିବା ମଡେଲ, ବିଶ୍ୱରେ ଚର୍ଚ୍ଚିତ

କେଉଁ ମଡେଲ ପତଳା ଅଣ୍ଟାକୁ ନେଇ ପ୍ରସିଦ୍ଧ ତ ଆଉ କିଏ ନିଜ କେଶ, ନଖକୁ ନେଇ ପ୍ରସିଦ୍ଧ। ସେମିତି ଜଣେ ମଡେଲ ତାଙ୍କ ଗାଲକୁ...

ପ୍ରେମ ପାଇଁ…

ପ୍ରେମର ପରିଭାଷାକୁ ପରିପ୍ରକାଶ ପାଇଁ ପାଳନ ହେଉଛି ପ୍ରେମ ଦିବସ ବା ଭାଲେଣ୍ଟାଇନ୍ସ ଡେ’। ଏହି ଦିନଟିକୁ ସ୍ମରଣୀୟ କରିବା ପାଇଁ ରାଜଧାନୀ ସମେତ ସବୁଠି...

ଧରାପଡ଼ିଲା ପ୍ରିନ୍ସପାଲଙ୍କ କାରସାଦି: ନିୟମ ଉଲ୍ଲଘଂନ କରି ସ୍ତ୍ରୀଙ୍କୁ ରଖିଥିଲେ ଅତିଥି ଅଧ୍ୟାପିକା

ସିର୍ସା, ୨୭।୬- ହରିୟାଣାର ସିର୍ସାରେ ଜଣେ ପ୍ରିନ୍ସପାଲ ନିୟମକୁ ଉଲ୍ଲଘଂନ କରି ନିଜ ସ୍ତ୍ରୀଙ୍କୁ ସ୍କୁଲରେ ଅତିଥି ଅଧ୍ୟାପିକା ନିଯୁକ୍ତ କରିଥିଲେ। କିନ୍ତୁ ଦୀର୍ଘ ୧୫...

ନିଜେ ବେସାହାରା, ହେଲେ କୁକୁର ପାଇଁ ତୋଳିଲେ ବିଳାସପୂର୍ଣ୍ଣ ଘର

ଅଧିକାଂଶ ସମୟରେ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହୋଇଥାଏ। ଏଥିମଧ୍ୟରୁ କିଛି ଫଟୋ ଏବଂ ଭିଡିଓ ବେଶ୍‌ ଶିକ୍ଷଣୀୟ ହୋଇଥାଏ। ଏବେ ସେମିତି ଏକ...

ଏମିତି ପ୍ରେମରେ ପଡ଼ିଥିଲେ କିମ୍‌-ଜୋଙ୍ଗ୍‌-ଉନ୍‌

ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍‌-ଜୋଙ୍ଗ୍‌-ଉନ୍‌ଙ୍କ ବର୍ବରତାର କାହାଣୀ ସମଗ୍ର ବିଶ୍ୱ ଜାଣିଛି। କିମ୍‌ଙ୍କ ଜୀବନ ଯେତେ ରହସ୍ୟମୟ, ତାଙ୍କ ବିବାହ ମଧ୍ୟ ସେତିକି ରହସ୍ୟମୟ...

ଯେଉଁ ମନ୍ଦିରରେ ବଦଳୁଛି କ୍ଷୀରର ରଙ୍ଗ

ହିନ୍ଦୁ ଧର୍ମରେ ତେତିଶ କୋଟି ଦେବଦେବୀଙ୍କ ପୂଜାର୍ଚ୍ଚନା ସାଙ୍ଗକୁ ଏହାର ଭିନ୍ନ ଭିନ୍ନ ମହତ୍ତ୍ୱ ମଧ୍ୟ ରହିଛି। ସେହିପରି ଧର୍ମ ଅନୁସାରେ ନବଗ୍ରହଙ୍କ ପୂଜା ମଧ୍ୟ...

Advertisement
Archives

Model This Week