ବଲିଉଡ୍ ଅଭିନେତ୍ରୀ ତାପସୀ ପନ୍ନୁ ନିକଟରେ ରିଲିଜ ହୋଇଥିବା ଫିଲ୍ମ ‘ହସିନ ଦିଲ୍ରୁବା’ ପାଇଁ ଚର୍ଚ୍ଚାରେ ଅଛନ୍ତି। ତାପସୀ ଏବେ ତାଙ୍କ ବିବାହ ଏବଂ ଜୀବନସାଥୀ ବିଷୟରେ ଖୁଲାସା କରିଛନ୍ତି। ମୁଁ ଏପରି ବ୍ୟକ୍ତିଙ୍କୁ ବିବାହ କରିବି ନାହିଁ, ଯାହାଙ୍କ ସହ ମୋର ମାତାପିତାଙ୍କର ଭଲ ସମ୍ପର୍କ ନଥିବ। ଯାହାକୁ ମୁଁ ବିବାହ କରିବି କିମ୍ବା ବିବାହ କରିବାକୁ ଚିନ୍ତା କରିଛି, ତାକୁ ନେଇ ମୁଁ ଗମ୍ଭୀର ଅଛି। ଯଦି ବିବାହର ସମ୍ଭାବନା ଅଛି, ତେବେ ମୁଁ ମୋର ସମୟ ସେହି ବ୍ୟକ୍ତିଙ୍କ ଉପରେ ବିତାଇବାକୁ ଚାହିଁବି। ମୁଁ କାହା ସହିତ ଟାଇମ୍ ପାସ୍ ପାଇଁ ସମ୍ପର୍କ ସ୍ଥାପନ କରିବାକୁ ଚାହୁଁନାହିଁ । ଏହି କାରଣରୁ ମୋର ମାତାପିତା ତୁ ଯାହାକୁ ବିବାହ କରୁଛୁ କର କିନ୍ତୁ ଶୀଘ୍ର କର ବୋଲି ତାପସୀ କହିଛନ୍ତି। ତାପସୀ ବ୍ୟାଡମିଣ୍ଟନ ଖେଳାଳି ତଥା କୋଚ ମାଥିଆସ ବୋଙ୍କୁ ଡେଟ କରୁଛନ୍ତି। ଚଳିତ ବର୍ଷ ପ୍ରାରମ୍ଭରେ ଆୟକର ବିଭାଗ ତାଙ୍କ ଘରେ ଚଢାଉ କରିବା ପରେ ତାଙ୍କୁ ମାଥିଆସଙ୍କ ସମର୍ଥନ ମିଳିଥିଲା।
ତାପସୀ ଖୁବଶୀଘ୍ର ଅଜୟ ବହଲଙ୍କ ଥ୍ରୀଲର ଫିଲ୍ମର ଶୁଟିଂ ଆରମ୍ଭ କରିବେ। ଏହି ଫିଲ୍ମର ଶୁଟିଂ ଉତ୍ତରଖଣ୍ଡରେ କରାଯିବ। ଏହା ବ୍ୟତୀତ ଖୁବ ଶୀଘ୍ର ତାପସୀ କ୍ରିକେଟର ମିତାଲି ରାଜଙ୍କ ବାୟୋପିକରେ ନଜର ଆସିବେ। ଶ୍ରୀଜିତ ମୁଖାର୍ଜୀ ଏହି ଫିଲ୍ମର ନିର୍ଦ୍ଦେଶନା ଦେବେ।
