ବିଶ୍ୱ ଟେଷ୍ଟ ଚାମ୍ପିୟନଶିପ ପାଇଁ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ତାଙ୍କ ସ୍ବାମୀ ତଥା ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କ ସହ ବର୍ତ୍ତମାନ ଇଂଲଣ୍ଡରେ ଅଛନ୍ତି। ବିଶ୍ୱ ଟେଷ୍ଟ ଚାମ୍ପିୟନଶିପ ଫାଇନାଲ ଭାରତ ନ୍ୟୁଜଲ୍ୟାଣ୍ଡ ମଧ୍ୟରେ ଅନୁଷ୍ଠିତ ହେଉଥିବା ବେଳେ ବର୍ଷା ମ୍ୟାଚର ସମସ୍ତ ମଜାକୁ ନଷ୍ଟ କରିଦେଇଛି। ବର୍ଷା ହେତୁ ପ୍ରଥମ ଦିନରେ ଟସ ସହ ଖେଳ ହୋଇ ପାରି ନଥିଲା। ଏହି ସମୟରେ ଅନୁଷ୍କା ପ୍ରଥମେ ଚା’ର ମଜା ନେଉଥିବା ଦେଖିବାକୁ ମିଳିଥିଲା, କିନ୍ତୁ ପରେ ବର୍ଷା ଉପରେ ବିରକ୍ତ ହୋଇ ବର୍ଷା-ବର୍ଷା ଚାଲିଯିବାକୁ କହିଲେ। ସାଉଥମ୍ପଟନରେ ପ୍ରବଳ ବର୍ଷା ହେତୁ ଫାଇନାଲ ଟେଷ୍ଟ ମ୍ୟାଚର ପ୍ରଥମ ଦିନକୁ ବାତିଲ କରିବାକୁ ପଡିଲା। ଏହି କାରଣରୁ କେବଳ କ୍ରିକେଟ ପ୍ରଶଂସକ ନୁହଁନ୍ତି ଅନୁଷ୍କା ଶର୍ମା ମଧ୍ୟ ନିରାଶ ହୋଇଥିଲେ। ଅନୁଷ୍କା ନିଜ ଇନଷ୍ଟାଗ୍ରାମ ଷ୍ଟୋରୀରେ କବିତା ଲେଖି ନିଜର ଅସନ୍ତୋଷ ବ୍ୟକ୍ତ କରିଥିଲେ। ସେ ଲେଖିଛନ୍ତି, ‘‘ରେନ୍ ରେନ୍ ଗୋ ଆଓ୍ବେ, ମମିଂ ଆଫ୍ଟର ପାଇଭ ଡେଜ୍’’।
