ରଗଡି,୮ା୯(ଡି.ଏନ.ଏ.): ଯାଜପୁର ଜିଲା କୋରେଇ ଥାନା ଅନ୍ତର୍ଗତ ଲକ୍ଷ୍ମୀନଗର ଛକରେ ଗୁରୁବାର ସକାଳେ ଏକ ଟ୍ରଲର ଧକ୍କାରେ ସ୍ବାମୀଙ୍କ ମୃତ ହୋଇଥିବା ବେଳେ ସ୍ତ୍ରୀ ଗୁରୁତର ହୋଇଛନ୍ତି। ସୂଚନା ଅନୁଯାୟୀ, କେନ୍ଦୁଝର ଜିଲା ଘଷିପୁରା ଥାନା ଅନ୍ତର୍ଗତ ବସନ୍ତପୁରା ଗ୍ରାମର କାଳନ୍ଦୀ ଚରଣ ସାହୁ(୫୩) ସ୍ତ୍ରୀ ସାବିତ୍ରୀଙ୍କ ସହିତ ବାଇକ୍ରେ ମେଡିକାଲ ଯାଉଥିଲେ। ୨୦ନଂ. ଜାତୀୟ ରାଜପଥର ଲକ୍ଷ୍ମୀନଗର ଛକଠାରେ ପୋଲ ନିର୍ମାଣ ଚାଲିଛି ା ଅସ୍ଥାୟୀ ଡାଇଭରଶନରେ ସମ୍ମୁଖରୁ ଆସୁଥିବା ଏକ ଟ୍ରଲର ସହିତ କାଳନ୍ଦୀଙ୍କ ବାଇକ୍ର ଧକ୍କା ହୋଇଥିଲା ା ଫଳରେ ଘଟଣାସ୍ଥଳରେ କାଳନ୍ଦୀଙ୍କ ମୃତ୍ୟୁ ଘଟିଥିଲା। ସାବିତ୍ରୀଙ୍କୁ ଗୁରୁତର ଅବସ୍ଥାରେ ଯାଜପୁର ରୋଡ ଡାକ୍ତରଖାନାରେ ଭର୍ତ୍ତି କରାଯାଇଛି ା ଯାଜପୁର ରୋଡ ଅଗ୍ନିଶମ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ବାଇକ୍କୁ ଟ୍ରଲର ତଳୁ ବାହାର କରିଥିଲେ ା କୋରେଇ ପୋଲିସ ତଦନ୍ତ ଆରମ୍ଭ କରିବା ସହ ଡ୍ରାଇଭରଙ୍କୁ ଅଟକ ରଖି ତଦନ୍ତ ଚଳାଇଛି।
