ଉନ୍ନତୀକରଣ ଦିଗରେ ଉଷ୍ଣ ପ୍ରସ୍ରବଣ

ଖମାର,୧୮ା୩:  ଅନୁଗୋଳ ଜିଲା ପାଲଲହଡ଼ା ଅଞ୍ଚଳରେ ପର୍ଯ୍ୟଟନର ଭରପୂର ଭିତ୍ତିଭୂମି ରହିଛି। କିନ୍ତୁ ସରକାର ଏଥିପ୍ରତି ଦୃଷ୍ଟି ଦେଉ ନ ଥିବାରୁ ଅନେକ ଦର୍ଶନୀୟ ସ୍ଥାନ ଏବେ ବି ଲୋକଲୋଚନକୁ ଆସିପାରି ନାହିଁ। ରୋହିଲା ପଞ୍ଚାୟତ ମଗରମୁହାଣ ଗ୍ରାମସ୍ଥିତ ମଗରନାକ ଉଷ୍ଣ ପ୍ରସ୍ରବଣ ଏହାର ଏକ ଉଦାହରଣ। ତେବେ ବିଳମ୍ବରେ ହେଲେ ମଧ୍ୟ ଏହି ଉଷ୍ଣ ପ୍ରସ୍ରବଣ ଉପରେ ପାଲଲହଡ଼ା ବିଧାୟକ ମୁକେଶ କୁମାର ପାଲଙ୍କ ନଜର ପଡ଼ିଛି। ଏଠାରେ ଥିବା ପାହାଡ଼ ମଧ୍ୟରୁ ଅନବରତ ଉଷ୍ମ ଜଳ ପ୍ରବାହିତ ହେଉଛି। ଉକ୍ତ ପଥର ଖୋଲ ମଗରମୁହଁ ଆକୃତିର ହୋଇଥିବାରୁ ସେହି ଅନୁଯାୟୀ ଏହି ସ୍ଥାନକୁ ନାମିତ କରାଯାଇଥାଇପାରେ ବୋଲି କୁହାଯାଉଛି। ପାହାଡ଼ ପାଦଦେଶରେ ଥିବା ଏହି ଉଷ୍ଣ ପ୍ରସ୍ରବଣକୁ ଘେରି ରହିଛି ଘଞ୍ଚ ଜଙ୍ଗଲ। ତେଣୁ ବିକାଶ କାର୍ଯ୍ୟ କରାଗଲେ ଏହା ପର୍ଯ୍ୟଟକଙ୍କ ଧ୍ୟାନ ଆକର୍ଷଣ କରିପାରିବ। ସ୍ଥାନୀୟ ଅଞ୍ଚଳବାସୀ ଏ ନେଇ ବହୁବାର ପ୍ରସ୍ତାବ ଦେଇଥିବାବେଳେ ଏବେ ବିଧାୟକ ପାଲ ଏ ଦିଗରେ ପଦକ୍ଷେପ ନେଇଛନ୍ତି। ପୂର୍ବରୁ ଉଷ୍ଣ ପ୍ରସ୍ରବଣ ପାର୍ଶ୍ୱରେ ଥିବା ପୁରୁଣା ଶିବ ମନ୍ଦିରର ନବୀକରଣ ପାଇଁ ବିଧାୟକ ୩ଲକ୍ଷ ଟଙ୍କା ପ୍ରଦାନ କରିଥିଲେ। ଏଥିସହ ମଗରନାକର ଉନ୍ନତି ପାଇଁ ସ୍ଥିତି ଅନୁଧ୍ୟାନ ନିମନ୍ତେ ଗତ ରବିବାର ବିଧାୟକ ଏକ ପ୍ରତିନିଧି ଦଳ ପଠାଇଥିବା ଜଣାପଡ଼ିଛି। ପାଲଲହାଡ଼ା ବ୍ଲକ ଅଧ୍ୟକ୍ଷ ନବକିଶୋର ନାଏକ, ରୋହିଲା ସରପଞ୍ଚ କାବେରୀ ସାହୁ, ୱାର୍ଡ ମେମ୍ବର ବୈକୁଣ୍ଠ ସାହୁଙ୍କ ସହିତ ମନ୍ଦିର କମିଟିର ସଦସ୍ୟମାନେ ଉକ୍ତ ସ୍ଥାନ ପରିଦର୍ଶନ କରିଥିଲେ। ଏଠାରେ ଆବଶ୍ୟକ ପାହାଚ, କୁଣ୍ଡ ନିର୍ମାଣ ସହ ଅନ୍ୟ ଆବଶ୍ୟକ ନିର୍ମାଣ କାର୍ଯ୍ୟ କରାଯିବ ବୋଲି ପ୍ରତିନିଧି ଦଳ ସୂଚନା ଦେଇଛନ୍ତି।

ପର୍ଯ୍ୟଟନସ୍ଥଳୀର ଉନ୍ନତି ବିଧାୟକଙ୍କ ଲକ୍ଷ୍ୟ
ପାଲଲହଡ଼ା ନିର୍ବାଚନମଣ୍ଡଳୀରେ ଥିବା ପର୍ଯ୍ୟଟନସ୍ଥଳୀ ଗୁଡ଼ିକର ଉନ୍ନତୀକରଣ ପାଇଁ ବିଧାୟକ ଲକ୍ଷ୍ୟ ରଖିଛନ୍ତି। ତାଙ୍କ ନିର୍ଦ୍ଦେଶରେ ଏକ ଟିମ୍‌ ମଗରନାକ ଉଷ୍ଣ ପ୍ରସ୍ରବଣ ସ୍ଥିତି ଅନୁଧ୍ୟାନ କରିଛନ୍ତି। ଖୁବ୍‌ଶୀଘ୍ର ଏହାର ବିକାଶ କାର୍ଯ୍ୟ ଆରମ୍ଭ ହେବ।
-ନବକିଶୋର ନାଏକ, ବ୍ଲକ ଅଧ୍ୟକ୍ଷ, ପାଲଲହଡ଼ା

ଅଧିକ କୁଣ୍ଡ ନିର୍ମାଣ କରାଯାଉ
ଦୀର୍ଘବର୍ଷ ଧରି ଏହି ପ୍ରାକୃତିକ ସ୍ଥାନ ଲୋକଲୋଚନକୁ ଆସିପାରୁନାହିଁ। ଏହାର ଉନ୍ନତି କାର୍ଯ୍ୟ ନିମନ୍ତେ ପଦକ୍ଷେପ ନିଆଯାଉଥିବା ନିଶ୍ଚିତ ସ୍ବାଗତଯୋଗ୍ୟ। ଏଠାରେ ଆଉ ୨ କି ୩ଟି କୁଣ୍ଡ ନିର୍ମାଣ କରାଗଲେ ଭଲ ହୁଅନ୍ତା।
-ଚକ୍ରଧର ଶତପଥୀ, ପୂଜକ, ମଗରନାକ ମନ୍ଦିର

ପ୍ରସ୍ତାବ ଉପରେ ପଦକ୍ଷେପ ନିଆଯାଉଛି
ପରିତ୍ୟକ୍ତ ହୋଇପଡ଼ିଥିବା ମଗରନାକ ଉଷ୍ଣ ପ୍ରସ୍ରବଣର ବିକାଶ ନିମନ୍ତେ ଏକ ପ୍ରତିନିଧି ଦଳ ଏଠାକୁ ପରିଦର୍ଶନରେ ଆସିବା ଖୁସିର ବିଷୟ। ଏହାର ଉନ୍ନତି ପାଇଁ ଦିଆଯାଇଥିବା ପ୍ରସ୍ତାବ ଉପରେ ପଦକ୍ଷେପ ନିଆଯାଉଥିବା ସୂଚନା ମିଳୁଛି।
-ସନାତନ ପ୍ରଧାନ, ଗ୍ରାମ ସଭାପତି

ପର୍ଯ୍ୟଟକ ଆକର୍ଷିତ ହେବେ
ମଗରନାକର ବିକାଶ କାର୍ଯ୍ୟ କରାଗଲେ ଏଥିପ୍ରତି ପର୍ଯ୍ୟଟକ ଆକର୍ଷିତ ହେବେ। ଫଳରେ ଆଖପାଖ ଅଞ୍ଚଳ ଲୋକେ ବିଭିନ୍ନ ବ୍ୟବସାୟ କରି ଆର୍ଥିକ ଉପକୃତ ହୋଇପାରିବେ। ପାହାଚ ଓ କୁଣ୍ଡ ନିର୍ମାଣ ହେଲେ ଏହାର ସୌନ୍ଦର୍ଯ୍ୟ ବେଶ୍‌ ବଢ଼ିଯିବ।
-ସୁରେଶ ଚନ୍ଦ୍ର ପ୍ରଧାନ, ସ୍ଥାନୀୟ ବାସିନ୍ଦା

ଯଥାଶୀଘ୍ର ସୌନ୍ଦର୍ଯ୍ୟକରଣ ଆରମ୍ଭ ହେଉ
ଏହି ଉଷ୍ଣ ପ୍ରସ୍ରବଣର ଉନ୍ନତି ଦିଗରେ ଦୀର୍ଘବର୍ଷ ପରେ ପଦକ୍ଷେପ ନିଆଯିବା ଅଞ୍ଚଳବାସୀଙ୍କୁ ଆନନ୍ଦିତ କରିଛି। ଯଥାଶୀଘ୍ର ସୌନ୍ଦର୍ଯ୍ୟକରଣ କାର୍ଯ୍ୟ ଏଠାରେ ଆରମ୍ଭ କରାଯିବା ସହ ଆଗାମୀ ଦିନରେ ପର୍ଯ୍ୟଟନ ମାନଚିତ୍ରରେ ସ୍ଥାନ ଦିଆଯାଉ।
-ସରୋଜ ସାମଲ, ସ୍ଥାନୀୟ ବାସିନ୍ଦା


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ଫେୟାର୍‌ନେସ୍‌ କ୍ରିମ୍‌ ବ୍ୟବହାରରୁ ନାବାଳିକାଙ୍କୁ କିଡନୀ ରୋଗ

ଥିରୁଭାନନ୍ତପୁରମ, ୨୨ା୧୧: ଅନ୍‌ଲାଇନରୁ କିଣାଯାଇଥିବା ପାରଦ ମିଶ୍ରିତ ଫେୟାରନେସ୍‌ କ୍ରିମ ବ୍ୟବହାର କରିବା ପରେ କେରଳର ଜଣେ ୧୭ ବର୍ଷୀୟା ନାବାଳିକାଙ୍କଠାରେ ଗୁରୁତର କିଡ୍‌ନୀ ସମସ୍ୟା ଦେଖାଦେଇଛି।…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

ୟେମେନ୍‌ରେ ଏୟାରଷ୍ଟ୍ରାଇକ୍‌: ୪୧ ମୃତ

ସାନା/ ରିୟାଦ,୨୧ା୧୧: ସାଉଦି ଆରବ ଗତ ୨୪ ଘଣ୍ଟା ମଧ୍ୟରେ ୟେମେନ୍‌ର ବିଭିନ୍ନ ସ୍ଥାନରେ କରିଥିବା ଏୟାରଷ୍ଟ୍ରାଇକ୍‌ରେ ୧୧ ପିଲା ଓ ୭ ମହିଳାଙ୍କ ସମେତ ଅନୂ୍ୟନ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?