ମନସା(ପଞ୍ଜାବ),୧୫।୧୦: ଭାରତର ପ୍ରଥମ ଅଗ୍ନିବୀର ଭାବେ ପ୍ରାଣ ହରାଇଥିବା ପଞ୍ଜାବ ମନ୍ସା ଅଞ୍ଚଳର ଅମ୍ରିତ୍ପାଲ ସିଂଙ୍କ ଶେଷକୃତ୍ୟରେ ଭାରତୀୟ ସେନା ସାମିଲ ନ ହେବା ଏବଂ ଗାର୍ଡ ଅଫ୍ ଅନର ପ୍ରଦାନ କରା ନ ଯିବା ଦୁଃଖଦାୟକ। ଏପରି କି ତାଙ୍କ ମରଶରୀରକୁ ମଧ୍ୟ ସେନା ଗାଡ଼ିରେ ଜନ୍ମସ୍ଥାନକୁ ଅଣାଗଲା ନାହିଁ। ଏକ ଘରୋଇ ଆମ୍ବୁଲାନ୍ସ ଭଡ଼ାକରି ମୃତଦେହ ଗାଁକୁ ଅଣାଯାଇଥିବାବେଳେ ସାଙ୍ଗରେ ଜଣେ ଜେସିଓ ଏବଂ ଅନ୍ୟ ର଼୍ୟାଙ୍କ୍ର ୩ ଜଣ ଯବାନ ଆସିଥିଲେ। ସ୍ଥାନୀୟ ଲୋକଙ୍କ ଅନୁରୋଧକ୍ରମେ ପୋଲିସ ପକ୍ଷରୁ ଗାର୍ଡ ଅଫ୍ ଅନର ଦିଆଯାଇଥିଲା। ଜଣେ ଦିବଙ୍ଗତ ସୈନ୍ୟଙ୍କ ପ୍ରତି ସରକାରଙ୍କ ଏଭଳି ବ୍ୟବହାରକୁ ସମାଲୋଚନା କରାଯାଇଛି। ୧୯ ବର୍ଷୀୟ ଅମ୍ରିତପାଲ୍ ଗତ ମାସରେ ଜମ୍ମୁ-କଶ୍ମୀରର ପୁଞ୍ଚ୍ରେ ଡ୍ୟୁଟି ଆରମ୍ଭ କରିଥିବାବେଳେ ଅକ୍ଟୋବର ୧୧ରେ ରାଜୌରୀ ସେକ୍ଟରରେ କର୍ତ୍ତବ୍ୟରତ ଥିବାବେଳେ ନିଜ ବନ୍ଧୁକରୁ ଗୁଳି ଫୁଟିବାରୁ ତାଙ୍କ ମୃତ୍ୟୁ ଘଟିଥିବା କୁହାଯାଉଛି। ତାଙ୍କ ଶେଷକୃତ୍ୟ ଶୁକ୍ରବାର ଜନ୍ମସ୍ଥାନ ମନସାରେ ସମ୍ପନ୍ନ ହୋଇଛି। ପୁଅ ମୃତ୍ୟୁର ତଦନ୍ତ ଲାଗି ତାଙ୍କ ବାପା ଗୁରଦୀପ୍ ସିଂ ଦାବି କରିଛନ୍ତି। ମୃତ୍ୟୁର କାରଣ ଜାଣିବା ଲାଗି କୋର୍ଟ ଅଫ୍ ଇନ୍କ୍ୱାରିର ଆବଶ୍ୟକତା ରହିଛି। ଅନ୍ୟପକ୍ଷେ ଅଗ୍ନିବୀର ଅମ୍ରିତ ପାଲ୍ ନିଜେ ନିଜକୁ ମାରିଥିତ୍ବାରୁ ତାଙ୍କୁ ଗାର୍ଡ ଅଫ୍ ଅନର ଦିଆଯାଇ ନାହିଁ ବୋଲି କର୍ ପକ୍ଷରୁ କୁହାଯାଇଛି। ଏହି ଘଟଣା ଅନେକ ସନ୍ଦେହ ସୃଷ୍ଟି କରିଛି। ଜଣେ ନବ ନିଯୁକ୍ତ ସୈନ୍ୟ ନିଜକୁ ନିଜେ କାହିଁକି ମାରିବେ ବୋଲି ପ୍ରଶ୍ନ ଉଠିଛି।
