ପଟ୍ଟାମୁଣ୍ଡାଇ,୧୫ା୧୦(କଳ୍ପତରୁ ନାୟକ)ଶନିବାର ସନ୍ଧ୍ୟାରେ ପଟ୍ଟାମୁଣ୍ଡାଇ ଥାନା ପରିସରରେ ଏକ ଶାନ୍ତି କମିଟି ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ୨୪ଟି ପୂଜା ମଣ୍ଡପର କର୍ମକର୍ତ୍ତା ଓ ଶାନ୍ତି କମିଟି ସଦସ୍ୟମାନେ ଯୋଗ ଦେଇ ଆଲୋଚନା କରିଥିଲେ। ସମସ୍ତ ସ୍ଥାନରେ କିପରି ଆଇନ ଶୃଙ୍ଖଳା ପରିସ୍ଥିତି ନିୟନ୍ତ୍ରଣରେ ରହିବ ସେଥିପାଇଁ ପୋଲିସ ପ୍ରଶାସନ ପକ୍ଷରୁ ପ୍ରସ୍ତୁତି ଜାରି ରହିଛି। ପୂଜା ସମୟରେ ବଜାରକୁ ୪ ଚକିଆ ଓ ୨ ଚକିଆ ଗାଡ଼ି ଚଳାଚଳ ବନ୍ଦ କରାଯିବ। ସେହିପରି ଭସାଣୀ ଶୋଭାଯାତ୍ରା ଶୃଙ୍ଖଳାର ସହିତ ପାଳନ କରିବା ପାଇଁ ଡିଜେ ବାଜିବ ମାତ୍ର ଭାଇବେଟର ଲଗାଯିବ ନାହଁ। ବୋଲି ନିଷ୍ପତ୍ତି ହୋଇଥିଲା। ତେବେ ଭସାଣୀ ଦିନ ୧୧ ରୁ ଆରମ୍ଭ ହୋଇ ରାତି ୧୦ଟା ପର୍ଯ୍ୟନ୍ତ ଚାଲିବ ା ଏହି ସମୟ ସୀମା ମଧ୍ୟରେ ସମସ୍ତ ମେଢ ବିସର୍ଜନ ହେବ ବୋଲି ସ୍ଥିର ହୋଇଥିଲା। ଥାନା ଆଇଆଇସି ରଞ୍ଜିତ କୁମାର ମହାନ୍ତି ବୈଠକରେ ଅଧ୍ୟକ୍ଷତା କରିଥିବା ବେଳେ ଏସ୍ଡିପିଓ କ୍ଷମାସାଗର ପଣ୍ଡା, ପୌରାଧ୍ୟକ୍ଷ ହେମନ୍ତ ସାହୁ, ବିଡିଓ ଶୁଭ୍ରାଂଶୁ ସାହୁ, ଜନସ୍ବାର୍ଥ ବିଭାଗ ସହକାରୀ ଯନ୍ତ୍ରୀ ସୁଦାମ ସାହୁ, ଅନ୍ୟ ପୋଲିସ୍ ଅଧିକାରୀ ,ମେଡିକାଲ ଅଫିସର ମାନେ ଯୋଗ ଦେଇଥିଲେ। ଏହି ବୈଠକରେ ବିଜୟ କୁମାର ସାହୁ, ଗୋପୀନାଥ ତ୍ରିପାଠୀ, ଖବରଦାତା ଅକ୍ଷୟ ସାହୁ, ଅନିଲ ଚୌଧୁରୀ, ପ୍ରବୀର ନାୟକଙ୍କ ସମେତ ମେଢ କମିଟିର ସଦସ୍ୟ ଯୋଗ ଦେଇ ଆଲୋଚନାରେ ଭାଗ ନେଇଥିଲେ। ପଟ୍ଟାମୁଣ୍ଡାଇ ବଜାରରେ ବଙ୍ଗାଳୀ ଦୁର୍ଗା, କଚେରୀ ଦୁର୍ଗା, ପୋଖରୀଆପଡା ଦୁର୍ଗା ସମେତ ମହାବୀର, ଲକ୍ଷ୍ମୀନାରାୟଣ, ଗୃହଲକ୍ଷ୍ମୀ, ରାମ ଅଭିଷେକ, ମା’ ଶାରଳା, ନିତାଇ ଗାୈର, ହରଗାୈରୀ, ଲକ୍ଷ୍ମୀବରାହ, ମା’ ଗାୟତ୍ରୀ, ମା’ ସନ୍ତୋସୀ, ଦଶ ଅବତାର, ମା’ ଅନ୍ନପୂର୍ଣ୍ଣା, ହରିହର, ନୀଳମାଧବ, ସୂର୍ଯ୍ୟଦେବତା, ନୀଳକଣ୍ଠେଶ୍ୱର, କୃଷ୍ଣ ବଳରାମ, ହରପାର୍ବତୀ ପ୍ରଭୁତି ୨୪ଟି ମଣ୍ଡପରେ ମା’ ଦୁର୍ଗାଙ୍କ ସହିତ ଅନ୍ୟ ଦେବା ଦେବୀ ପୂଜା ପାଇବେ। ଅନ୍ୟ ପକ୍ଷରେ ପୂଜା ଉସତ୍ବକୁ ମଦମୁକ୍ତ କରିବ ସହିତ ବଜାର ଭିତରୁ ଗୋରୁ ହଟାଇବା, ଇକୋ ଟଏଲେଟ କାର୍ଯ୍ୟକ୍ଷମ କରିବା, ଫାଷ୍ଟ୍ ଏଡ୍ ସୁବିଧା ରଖିବା ପାଇଁ ବିଭାଗୀୟ ଅଧିକାରୀ ପଦକ୍ଷେପ ଗ୍ରହଣ କରିବାକୁ ଆଲୋଚନା ହୋଇଥିଲା। ସେହିପରି ଆଇନ ଶୃଙ୍ଖଳା ସହିତ ବିଭିନ୍ନ ଛକରେ ଅସ୍ଥାୟୀ ପୋଲିସ୍ କ୍ୟାମ୍ପ କରାଯିବା ସହିତ ପୋଲିସ ସମଗ୍ର ପୂଜା ଉତ୍ସବ ଉପରେ କଡା ନଜର ରଖିବାକୁ ନିବେଦନ କରାଯାଇଛି। ପୂଜାକୁ ସମ୍ପୂର୍ଣ୍ଣ ପ୍ରଦୂଷଣମୁକ୍ତ କରାଯିବା ସହିତ ଦର୍ଶନ ପାଇଁ ସ୍ବତନ୍ତ୍ର ବନ୍ଦୋବସ୍ତ କରାଯିବାକୁ ଆଲୋଚନା ହୋଇଥିଲା। ଶେଷରେ ସାଇବର ସଚେତନତା ଉପରେ ଆଇଆଇସି ମହାନ୍ତି ନିଜର ବକ୍ତବ୍ୟ ରଖିଥିଲେ। ଏସ୍ଡିପିଓ ପଣ୍ଡାଙ୍କ ନେତୃତ୍ୱରେ ପୌରାଧ୍ୟକ୍ଷ ସାହୁ, ବିଡିଓ ଶୁଭ୍ରାଂଶୁ ସାହୁ, ଜନସ୍ବାର୍ଥବିଭାଗ ସହକାରୀ ଯନ୍ତ୍ରୀ ସୁଦାମ ସାହୁ, ଅନ୍ୟ ପୋଲିସ୍ ଅଧିକାରୀ ସମେତ ମେଢ କମିଟିର କର୍ମକର୍ତ୍ତା ସାଇବର ସଚେତନତା ନିମନ୍ତେ ବଜାର ପରିକ୍ରମା କରିଥିଲେ।
