ନୂଆଦିଲ୍ଲୀ,୩୧।୫: ହରିୟାଣାର ସ୍ବାସ୍ଥ୍ୟ ଏବଂ ଗୃହମନ୍ତ୍ରୀ ଅନିଲ ବିଜ୍ ପୁଣିଥରେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଟାର୍ଗେଟ୍ କରିଛନ୍ତି। ଅନିଲ ବଜେ ଟୁଇଟ୍ କରି ଲେଖିଛନ୍ତି, ଦେଶର ନେତାମାନେ ଆମର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶଂସା କରୁଥିବା ବେଳେ ରାହୁଲ ଗାନ୍ଧୀ ପ୍ରଧାନମନ୍ତ୍ରୀଙ୍କୁ ବିଦେଶକୁ ଯାଇ ଅପମାନିତ କରୁଛନ୍ତି। ପ୍ରତ୍ୟେକ ଭାରତୀୟ ଏପରି ନେତାଙ୍କୁ ବହିଷ୍କାର କରିବା ଉଚିିତ୍।
ଗୃହମନ୍ତ୍ରୀ ଅନିଲ ବିଜ୍ ଏହା ପୂର୍ବରୁ ମଧ୍ୟ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଉପରେ ବର୍ଷିଥିଲେ। କଂଗ୍ରେସ ଦ୍ୱାରା ଆଦାନୀଙ୍କୁ ବିରୋଧ ଉପରେ ସେ ରାହୁଲ ଗାନ୍ଧୀଙ୍କୁ ‘ଅଦାନିଆ ଜ୍ୱରରେ ପୀଡିତ’ ବୋଲି କହିଥିଲେ। ସେ କହିଥିଲେ ଯେ ଯଦି ରାହୁଲ ଗାନ୍ଧୀ ଏତେ ବୁଦ୍ଧିମାନ, ତେବେ ଆଦାନୀ କ’ଣ କରିଛନ୍ତି କୁହନ୍ତୁ? ସେମାନେ ଦିନସାରା ଆଦାନୀ ବିଷୟରେ କଥାବାର୍ତ୍ତା କରନ୍ତି, ସେମାନଙ୍କୁ ଅଦାନିଆ ଜ୍ୱର ହୋଇଛି। ଏହା ବ୍ୟତୀତ ସେ କହିଥିଲେ ଯେ ଯଦି ରାହୁଲ ଗାନ୍ଧୀ ଲଣ୍ଡନରେ ଦେଇଥିବା ବିବୃତ୍ତି ପାଇଁ କ୍ଷମା ମାଗନ୍ତି ନାହିଁ, ତେବେ ଭାରତର ଦେଶପ୍ରେମୀମାନେ କଂଗ୍ରେସ ନେତା ତଥା ତାଙ୍କ ଦଳକୁ ବହିଷ୍କାର କରିବା ଉଚିତ।
