ମୁମ୍ବାଇ,୩।୧: ମୁକେଶ ଅମ୍ବାନୀ ଏବଂ ନୀତା ଅମ୍ବାନୀଙ୍କ ସାନପୁଅ ଅନନ୍ତ ଜୁଲାଇରେ ବୀରେନ୍ ମର୍ଚାଣ୍ଟ ଏବଂ ଶିଲା ମର୍ଚାଣ୍ଟର ଝିଅ ରାଧିକାଙ୍କୁ ବିବାହ କରିବାକୁ ଯାଉଛନ୍ତି। ବିବାହ ପୂର୍ବରୁ ଗଜୁରାଟର ଜାମନଗରରେ ମାର୍ଚ୍ଚ ୧-୩ରୁ ଏହି ଦମ୍ପତିଙ୍କ ପ୍ରି-ଓ୍ବେଡିଂ କାର୍ଯ୍ୟ ଆରମ୍ଭ ହୋଇଛି। ଭାରତ ତଥା ବିଦେଶର ବହୁ ବଡ ବ୍ୟକ୍ତିତ୍ୱ ଅନନ୍ତ ଏବଂ ରାଧିକାଙ୍କ ପ୍ରି-ଓ୍ବେଡିଂରେ ଭାଗ ନେବାକୁ ଜାମନଗରରେ ପହଞ୍ଚିଛନ୍ତି। ଅମିତାଭ ବଚ୍ଚନ, ସଲମାନ ଖାନ ଏବଂ ଶାହାରୁଖଙ୍କ ସହ ଦୀପିକା ପାଦୁକୋନଙ୍କ ସମେତ ଅନେକ ତାରକା ମଧ୍ୟ ଜାମନଗରରେ ପହଞ୍ଚିଛନ୍ତି।
ଅନନ୍ତ ଏବଂ ରାଧିକାଙ୍କ ପ୍ରି-ଓ୍ବେଡିଂରେ ପର୍ଫମ କରିବାକୁ ହଲିଉଡର ଗାୟକ ରିହାନା ମଧ୍ୟ ଏହି ସ୍ଥାନରେ ପହଞ୍ଚିଛନ୍ତି।
ଅନନ୍ତ-ରାଧିକାଙ୍କ ପ୍ରି-ଓ୍ବେଡିଂ କାର୍ଯ୍ୟକ୍ରମରେ ଅରିଜିତ ସିଂ, ପ୍ରୀତମ, ବି ପ୍ରାକ, ଦିଲଜିତ ଦୋସାଞ୍ଜ, ହରିହରନ ଏବଂ ଅଜୟ-ଅତୁଲଙ୍କ ପର୍ଫମାନ୍ସ ଦେଖିବାକୁ ମିଳିବ। ଅନ୍ତର୍ଜାତୀୟ ପପ ତାରକା ରିହାନା ମଧ୍ୟ ଏହି ତାଲିକାର ଶୀର୍ଷରେ ଅଛନ୍ତି, ଯିଏ ଦୁନିଆର ସର୍ବାଧିକ ପାରିଶ୍ରମିକ ପ୍ରାପ୍ତ ସଂଗୀତ କଳାକାରମାନଙ୍କ ମଧ୍ୟରୁ ଜଣେ। ଜାମନଗର ବିମାନବନ୍ଦରରେ ରିହାନାଙ୍କୁ ଦେଖିବାକୁ ମିଳିଥିଲା ଏବଂ ତାଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ରିହାନା ଏକ ବ୍ୟକ୍ତିଗତ କାର୍ଯ୍ୟକ୍ରମରେ ପ୍ରଦର୍ଶନ ପାଇଁ ୧୨ କୋଟି (୧.୫ ମିଲିୟନ) ରୁ ୬୬ କୋଟି (୧୨ ମିଲିୟନ) ମଧ୍ୟରେ ଚାର୍ଜ କରିଛନ୍ତି।
