ଶିମଲା,୧୫।୮: ସୋମବାର ରାଜଧାନୀ ଶିମଲାର ସମରାହିଲରେ ଘଟିଥିବା ଭୂସ୍ଖଳନ ହେତୁ ମାଟି ତଳେ ପୋତି ହୋଇଯାଇଥିବା ୮ଟି ମୃତଦେହକୁ ବାହାର କରାଯାଇଥିଲା। ତେବେ ମଙ୍ଗଳବାର ଏନଡିଆରଏଫ ଟିମ ଉଦ୍ଧାର କାର୍ଯ୍ୟକୁ ଆହୁରି ଜୋରଦାର କରିଛି। ମଙ୍ଗଳବାର ସକାଳେ ଆଉ ତିନୋଟି ମୃତଦେହକୁ ଉଦ୍ଧାର କରାଯାଇଛି। ବର୍ତ୍ତମାନ ସୁଦ୍ଧା ୧୧ ଜଣଙ୍କ ମୃତଦେହ ଉଦ୍ଧାର କରାଯାଇଛି।
ସମରାହିଲରେ ବର୍ତ୍ତମାନ ମଧ୍ୟ ଅତିକମରେ ୨୦ଜଣ ପୋତି ହୋଇଥିବା କୁହାଯାଉଛି। କିନ୍ତୁ ଏହା ବ୍ୟତୀତ କେତେଗୁଡ଼ିଏ ଲୋକ ଭୂସ୍ଖଳନ ଦ୍ୱାରା ଆହତ ହୋଇଥିବା ଜଣା ପଡିନାହିଁ। ସ୍ଥାନୀୟ କାଉନସିଲର ଏହି ସୂଚନା ଦେଇଛନ୍ତି। ବର୍ତ୍ତମାନ ଲୋକଙ୍କୁ ଉଦ୍ଧାର କରିବା ପାଇଁ ଉଦ୍ଧାର କାର୍ଯ୍ୟ ଚାଲିଛି।
