Posted inଜାତୀୟ

ଜନ ପ୍ରତିନିଧିଙ୍କ ବିରୋଧରେ ମାମଲା ପ୍ରତ୍ୟାହୃତ ପାଇଁ ହାଇକୋର୍ଟଙ୍କ ମଞ୍ଜୁରୀ ଜରୁରୀ: ଏସ୍‌ସି…

ନୂଆଦିଲ୍ଲୀ,୨୫।୮: ଏମ୍‌ପି ଏବଂ ବିଧାୟକଙ୍କ ଭଳି ଜନ ପ୍ରତିନିଧିଙ୍କ ବିରୋଧରେ ଅପରାଧିକ ମାମଲା ପ୍ରତ୍ୟାହାର ଉପରେ ସମ୍ପୂର୍ଣ୍ଣ କଟକଣା ନାହିଁ ବୋଲି ସୁପ୍ରିମକୋର୍ଟ କହିଛନ୍ତି। ଯଦି ଦୁର୍ଭାଗ୍ୟ ବଶତଃ କୌଣସି ମାମଲା ପଞ୍ଜିକୃତ ହୋଇଛି, ତେବେ ରାଜ୍ୟ ସରକାର ଏହାକୁ ପ୍ରତ୍ୟାହାର କରିପାରିବେ। କିନ୍ତୁ ସେ ନିର୍ଦ୍ଦେଶ ଦେବାବେଳେ କାରଣ ଦର୍ଶାଇବା ଆବଶ୍ୟକ। ରାଜ୍ୟ ସରକାରଙ୍କ ଏପରି ଆଦେଶକୁ ହାଇକୋର୍ଟରେ ନ୍ୟାୟିକ ଭାବେ ସମୀକ୍ଷା କରାଯିବା ଉଚିତ। ହାଇକୋର୍ଟଙ୍କ ମଞ୍ଜୁରୀ ପରେ ହିଁ ମାମଲା ପ୍ରତ୍ୟାହୃତ ହୋଇ ପାରିବ ବୋଲି ସୁପ୍ରିମ୍‌କୋର୍ଟ(ଏସ୍‌ସି) କହିଛନ୍ତି। ବର୍ତ୍ତମାନର ତଥା ପୂର୍ବତନ ଜନ ପ୍ରତିନିଧିଙ୍କ ବିରୋଧରେ ବିଚାରାଧୀନ ମାମଲାର ଶୀଘ୍ର ସମାଧାନ ପାଇଁ ପ୍ରତ୍ୟେକ ରାଜ୍ୟରେ ସ୍ବତନ୍ତ୍ର ଅଦାଲତ ଗଠନ ପାଇଁ ସୁପ୍ରିମକୋର୍ଟରେ ଶୁଣାଣି ଚାଲିଛି। କୋର୍ଟରେ ଦାଖଲ ହୋଇଥିବା ରିପୋର୍ଟରେ ଆମିକ୍ସ କ୍ୟୁରୀ ବରିଷ୍ଠ ଆଡଭୋକେଟ ବିଜୟ ହଂସାରିଆ, ସୂଚନା ଦେଇଛନ୍ତି ଯେ ଅନେକ ରାଜ୍ୟରେ ସରକାର କୌଣସି ଉପଯୁକ୍ତ କାରଣ ନ ଦର୍ଶାଇ ଜନ ପ୍ରତିନିଧିଙ୍କ ମାମଲା ପ୍ରତ୍ୟାହାର କରୁଛନ୍ତି। ମୁଜାଫରନଗର ଦଙ୍ଗାର ୭୭ ଟି ମାମଲା ପ୍ରତ୍ୟାହାର କରିବାକୁ ଉତ୍ତରପ୍ରଦେଶ ସରକାର ମଧ୍ୟ ନିର୍ଦ୍ଦେଶ ଦେଇଛନ୍ତି।
ଶୁଣାଣି ସମୟରେ ଆମିକ୍ସ କ୍ୟୁରୀ କହିଛନ୍ତି ଯେ, ଅଭିଯୋଗର ସଂଖ୍ୟା ଏବଂ ଗମ୍ଭୀରତା ଅନୁଯାୟୀ ଜନ ପ୍ରତିନିଧିଙ୍କ ବିଚାରାଧୀନ ମାମଲା ଚିନ୍ତାଜନକ ହେବାରେ ଲାଗିଛି। କେଉଁ ଗତିର ତଦନ୍ତ କରାଯାଉଛି ଏବଂ ମାମଲାର ଶୁଣାଣି କରାଯାଉଛି ସେ ସମ୍ପର୍କରେ ସୁପ୍ରିମକୋର୍ଟ ନିର୍ଦ୍ଦେଶ ଜାରି କରିବା ଆବଶ୍ୟକ। ସିବିଆଇ, ଇଡି ଏବଂ ଏନ୍‌ଆଇଏ ଦ୍ୱାରା ଦାଖଲ ହୋଇଥିବା ପୃଥକ ରିପୋର୍ଟ ଆଧାରରେ ହଂସାରିଆ କହିଛନ୍ତି ୫୧ ଏମ୍‌ପି ଏବଂ ୭୧ ଜଣ ବିଧାୟକଙ୍କ ବିରୋଧରେ ଅର୍ଥ ହେରଫେର ମାମଲା ରହିଛି। ୧୫୧ ଟି ଗୁରୁତର ମାମଲାର ବିଚାର ସ୍ବତନ୍ତ୍ର ଅଦାଲତରେ ରହିଛି। ସେଥିମଧ୍ୟରୁ ୫୮ଟି ଆଜୀବନ କାରାଦଣ୍ଡ ମାମଲା ମଧ୍ୟ ରହିଛି। ଅଧିକାଂଶ ମାମଲା ବହୁ ବର୍ଷ ଧରି ବିଚାରାଧୀନ ଅଛି। ଏନେଇ ସୁପ୍ରିମ୍‌କୋର୍ଟ ପ୍ରଧାନ ବିଚାରପତି ଏନ.ଭି ରମନା କହିଛନ୍ତି, ଆମେ ବହୁତ କିଛି କହିପାରିବୁ, କିନ୍ତୁ ତାହା କରିବାକୁ ଚାହୁଁ ନାହୁଁ। କେନ୍ଦ୍ରୀୟ ଅନୁସନ୍ଧାନକାରୀ ଏଜେନ୍ସି ପକ୍ଷରୁ ହାଜର ହୋଇଥିବା ସୋଲିସିଟର ଜେନେରାଲ ତୁଷାର ମେହେଟ୍ଟାଙ୍କୁ ପ୍ରଧାନ ବିଚାରପତି କହିଛନ୍ତି, ଆପଣଙ୍କର ରିପୋର୍ଟ ସନ୍ତୋଷଜନକ ନୁହେଁ। ୧୫ରୁ ୨୦ ବର୍ଷ ପର୍ଯ୍ୟନ୍ତ ଚାର୍ଜସିଟ ଦାଖଲ ନ କରିବାର କୌଣସି କାରଣ ଦିଆଯାଇ ନାହିଁ। କେତେକ କ୍ଷେତ୍ରରେ ବିବାଦୀୟ ସମ୍ପତ୍ତି ଜବତ କରାଯାଇଥିଲା, କିନ୍ତୁ ପରବର୍ତ୍ତୀ କାର୍ଯ୍ୟାନୁଷ୍ଠାନ ସମ୍ପର୍କରେ ସୂଚନା ନାହିଁ। ଏହାର ଜବାବ ଦେଇ ସୋଲିସିଟର ଜେନେରାଲ ସ୍ବୀକାର କରିଛନ୍ତି ଯେ ମାମଲାଗୁଡ଼ିକରେ ଅନେକ ତ୍ରୁଟି ରହିଛି। ଏ ବାବଦରେ କୋର୍ଟ ସ୍ପଷ୍ଟ ନିର୍ଦ୍ଦେଶ ଦେବାକୁ ସେ ଦାବି କରିଛନ୍ତି। ମେହେଟ୍ଟା କହିଛନ୍ତି, କୋର୍ଟ ନିର୍ଦ୍ଦେଶ ଦେବା ଉଚିତ୍‌ ଯେ ଯେଉଁ ମାମଲାର ତଦନ୍ତ ବିଚାରାଧୀନ ଅଛି, ସେଗୁଡିକ ୬ ମାସ ମଧ୍ୟରେ ଶେଷ ହେବା ଜରୁରୀ। ଯେଉଁଠାରେ ମାମଲା ବିଚାରାଧୀନ ଅଛି, ତାହାର ସମାଧାନ ପାଇଁ ସମୟ ସୀମା ମଧ୍ୟ ସ୍ଥିର କରାଯିବାଅବାଶ୍ୟକ। ଯଦି ହାଇକୋର୍ଟ କୌଣସି ମାମଲାର ତଦନ୍ତ କିମ୍ବା ଶୁଣାଣି ବନ୍ଦ କରି ଦେଇଛନ୍ତି, ତେବେ ଏହି ପ୍ରତିବନ୍ଧକକୁ ହଟାଇବାକୁ ହାଇକୋର୍ଟଙ୍କୁ କୁହାଯିବା ଉଚିତ।
ପ୍ରଧାନ ବିଚାରପତିଙ୍କ ନେତୃତ୍ୱରେ ଗଠିତ ୩ ଜଣିଆ ଖଣ୍ଡପୀଠରେ ଜଷ୍ଟିସ ଡି.ଚନ୍ଦ୍ରଚୂଡ଼ ଏବଂ ସୂର୍ଯ୍ୟ କାନ୍ତଙ୍କୁ ମଧ୍ୟ ସାମିଲ କରାଯାଇଛି। ଏହାପୂର୍ବରୁ କୋର୍ଟ କେନ୍ଦ୍ର ସରକାରଙ୍କୁ ପଚାରିଥିଲେ ସ୍ବତନ୍ତ୍ର ଅଦାଲତ ଗଠନ ପାଇଁ କେତେ ପାଣ୍ଠି ଜାରି ହୋଇଛିି। ଏହାର ଜବାବରେ କେନ୍ଦ୍ର ପକ୍ଷରୁ କୁହାଯାଇଛି ଯେ, କହିଛି ସ୍ବତନ୍ତ୍ର ଅଦାଲତରେ ଭିଡିଓ କନଫରେନ୍ସିଂ ଜରିଆରେ ଜନ ପ୍ରତିନିଧିଙ୍କ ମାମଲା ଶୀଘ୍ର ସମାଧାନ ପାଇଁ ୧୧୦ କୋଟି ଟଙ୍କା ପ୍ରଦାନ କରାଯାଇଛି।
ଶୁଣାଣି ଶେଷରେ ଆବେଦନକାରୀ ଅଶ୍ୱିନୀ ଉପାଧ୍ୟାୟଙ୍କ ପକ୍ଷରୁ ହାଜର ହୋଇଥିବା ବରିଷ୍ଠ ଆଇଜନଜୀବୀ ବିକାଶ ସିଂ ଦାବି କରିଛନ୍ତି ଯେ ଅପରାଧିକ ମାମଲାରେ ଦୋଷୀ ସାବ୍ୟସ୍ତ ହୋଇଥିବା ବ୍ୟକ୍ତିଙ୍କୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଆଜୀବନ ବାରଣ କରାଯାଉ। ସିଂ କହିଛନ୍ତି,ଦଣ୍ଡାଦେଶର ୬ ବର୍ଷ ପରେ ନିର୍ବାଚନ ଲଢ଼ିବା ପାଇଁ ଅନୁମତି ଦେବା ଭୁଲ। ଯଦି କୌଣସି ବ୍ୟକ୍ତି ସରକାରୀ ଚାକିରିରେ ୧୦ ଟଙ୍କା ଚୋରି କରନ୍ତି, ତେବେ ତାଙ୍କୁ ସବୁଦିନ ପାଇଁ ଚାକିରିରୁ ବାହାର କରି ଦିଆଯାଏ। ଏହା ଉପରେ କୋର୍ଟ କହିଛନ୍ତି ଯେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ଦୋଷୀମାନଙ୍କ ଉପରେ ନିଷେଧାଦେଶ ଉପରେ ପାର୍ଲାମେଣ୍ଟ ଦୃଷ୍ଟି ଦେବା ଜରୁରୀ।


Enter your email to get our daily news in your inbox.

All Right Reserved By Dharitri.Com

ମୁଁ ଇଡିକୁ ଧନ୍ୟବାଦ ଦେବାକୁ ଚାହୁଁଛି… କୋର୍ଟରେ କାହିଁକି ସିସୋଡିଆଙ୍କ କଥା ଉଠାଇଲେ କେଜରିଓ୍ବାଲ

ନୂଆଦିଲ୍ଲୀ,୨୮।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ଗୁରୁବାର ରାଉଜ ଆଭେନ୍ୟୁ କୋର୍ଟରେ ହାଜର କରାଯାଇଥିଲା। ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ର ତାଙ୍କର ୬ ଦିନିଆ ଅଟକ...

Video: ଭାରତର ପ୍ରଥମ ବୁଲେଟ୍‌ ଟ୍ରେନ୍‌ ଟ୍ରାକ୍‌ର ଝଲକ ଦେଖାଇଲେ ରେଳମନ୍ତ୍ରୀ

ନୂଆଦିଲ୍ଲୀ,୨୮।୩: ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଭାରତର ପ୍ରଥମ ବୁଲେଟ ଟ୍ରେନ ପାଇଁ ନିର୍ମିତ ସ୍ବତନ୍ତ୍ର ପ୍ରକାରର ଟ୍ରାକର ପ୍ରଥମ ଝଲକ ଦେଖାଇଛନ୍ତି। ସେ ତାଙ୍କ ଏକ୍ଦ...

କେଜ୍‌ରିଓ୍ବାଲଙ୍କୁ ମିଳିଲାନି ଆଶ୍ୱସ୍ତି, ବଢିଲା ଇଡି ରିମାଣ୍ଡ

ନୂଆଦିଲ୍ଲୀ,୨୮।୩: ମଦ ଦୁର୍ନୀତି ସହ ଜଡିତ ଅର୍ଥ ହେରଫେର ମାମଲାରେ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି (ଏଏପି)ର ସଂଯୋଜକ ଅରବିନ୍ଦ କେଜ୍‌ରିଓ୍ବାଲଙ୍କୁ ଆଶ୍ୱସ୍ତି ମିଳିନାହିଁ।...

ପଦ୍ମ ଧରିଲେ ପଦ୍ମଶ୍ରୀ ଦମୟନ୍ତୀ ବେସ୍ରା

ଭୁବନେଶ୍ୱର/ନୂଆଦିଲ୍ଲୀ,୨୮।୩: ଭାଜପାରେ ସାମିଲ ହେଲେ ପଦ୍ମଶ୍ରୀ ଦମୟନ୍ତୀ ବେସ୍ରା। ଗୁରୁବାର ଅପରାହ୍ନ ସାଢେ ୨ଟାରେ ନୂଆଦିଲ୍ଲୀର ଭାଜପା ମୁଖ୍ୟାଳୟରେ ସେ ଯୋଗ ଦେଇଛନ୍ତି। ଏହା ସହିତ...

ଏହି ୫ ଭାଜପା ନେତା ର୍ନିଦ୍ୱନ୍ଦରେ ଜିତିବେ ନିର୍ବାଚନ, ପ୍ରାର୍ଥୀ ଛିଡ଼ା କରିବାକୁ ବିରୋଧୀ କରିପାରିଲାନି ସାହାସ

ନୂଆଦିଲ୍ଲୀ,୨୮।୩: ଦେଶରେ ଆରମ୍ଭ ହୋଇଛି ନିର୍ବାଚନର ବଡ଼ ପର୍ବ। ବିରୋଧୀଙ୍କୁ ଚିତାପଟ କରିବା ପାଇଁ ରାଜନୈତିକ ଦଳ ଜୋରଦାର ପ୍ରସ୍ତୁତି ଆରମ୍ଭ କରିଛନ୍ତି। ଭୋଟରଙ୍କୁ ନିଜ...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

ପ୍ରଧାନ ବିଚାରପତିଙ୍କୁ ଚିଠି ଲେଖିଲେ ୬୦୦ରୁ ଅଧିକ ଓକିଲ: ଏହି କଥାକୁ ନେଇ ଚିନ୍ତାପ୍ରକଟ

ନୂଆଦିଲ୍ଲୀ,୨୮।୩: ଦେଶର ୬୦୦ରୁ ଅଧିକ ଓକିଲ ଭାରତର ପ୍ରଧାନ ବିଚାରପତି ଡିଏ ଚନ୍ଦ୍ରଚୁଡଙ୍କୁ ଚିଠି ଲେଖିଛନ୍ତି। କୁହାଯାଇଛି ଯେ ଏକ ‘ନିର୍ଦ୍ଦିଷ୍ଟ ଗୋଷ୍ଠୀ’ ନ୍ୟାୟପାଳିକା ଉପରେ...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri